Ngalaatë 3:16 - N’KANGULU WUMOONË

¹⁶ Bwaawu, Nzaambi wuvaangë tukanyu twaandi ke Abalaamë i ke ndaandwaandi. Libuuku li Nzaambi lisë n'tubë kwe : « i ke sindaandu syaandi », dedë mweekë bën'tubilë mu baatu bëmpaapë. Kasi lyaawu lin'tubë : « i ke sindaandu syaaku », oboobo, mu kuleesi fa foofë muutu wumweekë, wunë wukeeli Kliistu.

Ngalaatë 3:16 Iomraidhean Croise

Matye 1:1

Libuuku li ntonunu li sinkaakë si Yeesu Kliistu, mwaanë Daviidë, mwaanë Abalaamë.

Liikë 1:55

bo bumweekë kuvangilë ci mëkulu ke Abalaamë bo naandi kubikini ci mëkulu sinkaakë siitu. »

Mëvaangë 3:25

Beeno lukeeli baanë bë mibici yi Nzaambi i beeno luke cikuuku mu n'kangulu wunë Nzaambi kuvaangë yimunë sinkaakë siinu ntaangu yo naandi kutubë ke Abalaamë: “Mu sindaandu syaaku miinu yin'sakumunë mëkaandë makë mooso më n'toto.”

Loomë 12:5

Beeso tuke mpaapë, kasi nyitu mweekë mu lubundunu yimunë Kliistu i beeso booso tubundënë besuveekë yi besuveekë dedë mweekë binamë bi nyitu mweekë.

Loomë 4:13

Nzaambi wusë kani Abalaamë i sindaandu syaandi ti baawu bën'tambulë buloongo. Lukanyu beenë luvangininë yaaku mu cibilë Abalaamë wucikuninë mu n'kaakë vandi kasi cibilë Nzaambi wum'monë dedë mweekë muutu wusulëmë mu ciminu cyaandi.

Loomë 4:16

Bwaawu, lukanyu lun'vangininë mu cibilë ci ciminu, bwiinji luba lukanyu lubuunë lu Nzaambi i lwavangininë yivaandi mu sindaandu si Abalaamë, yaaku tokë mu banë bën'cikunë n'kaakë kasi yivaandi mu banë bën'ta maanë dedë mweekë Abalaamë wuta lyaanë. Abalaamë mati taatë yi beeso booso.

Loomë 9:4

Baawu bëkeeli mboongu yi Islayeelë: Nzaambi wabëcitulë baanë baandi, wusë bëvaanë lumonukunu lu bumpumu, mikangulu, likabu li n'kaakë, lusaambulu, tukanyu.

1 Koleentë 12:12

Oboobo, Kliistu wuke dedë mweekë nyitu yikeeli yi mpaapë binamë. Binamë byooso bosuku bibeeli bimpaapë, bin'vaangë nyitu mweekë.

1 Koleentë 12:27

Kosuku, beeno lukeeli nyitu Kliistu i wosuku mu beeno wuke cinamë ci nyitu be yooyo.

2 Koleentë 11:22

Baawu Siyebelee bëkeeli? Miinu yivaamë. Musë Islayeelë? Miinu yivaamë. N'suundë Abalaamë? Miinu yivaamë.

Ngalaatë 3:19

Mu lyaawu, n'ciinzë mbici wukeeli mu n'kaakë? Lyaawu libweelu mu kuzabikini mëvaangë mësokënë yin'vwiilu Nzaambi i tee fanë fën'kwisilë ndaandu yi Abalaamë mu wunë bëvangililë lukanyu. N'kaakë awu wusë zabëkënë ke siyaanzi banë babë biseelu bin'tambësënë.

Ngalaatë 3:8

Busonëmë mu Libuuku ti Nzaambi wun'vangisi banë bëkeeli Sizwiifë ko mu kuba bësulëmë mu cibilë ci ciminu cyaawu. Mu lyaawu, naandi wusë zabikini ntetë Abalaamë mpolu be yiiyi yimboti : « Nzaambi wun'sakumunë mëkaandë makë mooso mu cibilë cyaaku njeeyi. »

Efeesë 5:32

Liviindë be liili litudë. Miinu yin'tubë: liviindë be liili lin'leesi Kliistu i Cingangë.

Koloosë 2:19

Baawu bësye kangëmë ko mu Kliistu, naandi na n'tu. Kanuku mu naandi Kliistu mwaawu n'nyitu yooso yilë mu kulikilë i mu yaawu yi bundënënë binamë i yaawu yin'kulë bunë Nzaambi kun'tiisi.

Koloosë 3:11

Fëkeeli n'samu ko mu kukaambu kuba Zwiifë kaambofo kuba Zwiifë, kubukë bubakëlë kaambofo kukaambu kubukë bubakëlë, beeni bisyeeli ko kaambofo banë bukaambu kulubukë, n'dongo kaambofo muutu wusyalulu. Li njiinji mati Kliistu wuke makë mooso i mu byakë byooso.