Ngalaatë 2:9 - N’KANGULU WUMOONË

⁹ Zaakë, Pyeelë i Za bo babë dedë mweekë mëkuunzi më mbumbuli më cingangë, bëbakulë ti Nzaambi wum'paanë muulë wukusalë cisalu be ciici, baawu bisë tusiimbë mu kookë, Balënabaasë i miinu, mu kuleesi bundiku bwiitu. Bwaawu beeso tusë kuwusënë, mu ke sali ke banë bëkeeli Sizwiifë ko i baawu bëke sali kuke Sizwiifë.

Ngalaatë 2:9 Iomraidhean Croise

Matye 16:18

Miinu yivaamë yikukaambë, “njeeyi wuli Pyeelë i fë yilu limanyi be lyooli, yin'tungilë Cingangë cyaami. Lufwa lwaveekë lusë m'podi cin'velë ko mu lyaawu.

Liikë 22:8

Yeesu wusë filë Pyeelë i Za yi lutumu alu: « Yendaanu lwe tubelikilë ndiiwu Paakë. »

Za 1:42

Naandi wunatë Simu ke Yeesu. Yeesu kun'talë i wusë tubë : « Njeeyi Simu mwaanë Za. Mba bëkuteelë Sefaasë. » – Lizinë be lyooli lin'tubë « Pyeelë ». –

Mëvaangë 12:17

Mu kooko, Pyeelë wusë bëkaambë mu kulingëmë i kubëkwalulilë buni Fumu wum'basilë mu buloko. Naandi wutubooso: « Lwe kaambyaanu ke Zaakë i kuke baanë bë nguli bën'ka. » Naandi wusë basikë i ke yendaangë nkoonzu yin'ka.

Mëvaangë 15:13

Bunë bamani kutubë, Zaakë wusë bulë mbeembu i kutubë : « A baanë bë nguli, n'yuwulwaano!

Mëvaangë 15:7

Bunë bafindënë beenë simpakë mu lyaambu be lyooli, Pyeelë wusë telëmë i wusë bëkaambë : « A baanë bë nguli, beeno lube zaabë ti fanë yi fanë, Nzaambi wukun'soolë fë meeyiinu bwiinji yitendulë Mpolu Mboti mu banë bëkeeli ko Sizwiifë, bwiinji baawu bëyuwu i bëta lyaanë.

Mëvaangë 4:36

Mu lyaawu Zozeefë, waba musë cifuumbë ci Levi wubutulu ku citumbu ci Sipëlë wunë mimbunzi bëlukë lizinë Balënabaasë – Dedë mweekë: « Muutu wuke buvavambë » –

Loomë 1:5

Mu naandi, Nzaambi wakum'paanë muulaandi mu kuba m'bunzi mu luzanjikulu lu Kliistu, bwiinji bunatë baatu bu buloongo booso mu kuta maanë mu naandi i mu kun'cikuninë.

Loomë 12:3

Mu cibilë ci likabu linë Nzaambi wukum'pandikë mu buboti bwaandi, yin'tubilë obo mu beeno booso: keelaanu lulëyituunvi benuveekë mu kumonikë bënenë. Tiilyoko, lwe baanu simbalulu simboti, kadë muutu mu likanë lu ciminu cinë Nzaambi kun'vaanë.

Loomë 15:15

Mu kumonë, yalusonikinë yimunë bungelë booso mikukë yimesë mu n'kaandaami, mu kulutebulaanu moonyi mu manë luloongu ntamë. Miinu yasonikë mamaama mu cibilë ci liboti linë Nzaambi wakum'paanë

1 Koleentë 15:10

Kasi, mu muulë Nzaambi, yike bo yikelili i muulë wo naandi wukum'paanë wusye kaambu n'viingu ko: tiilyoko, miinu yasalë kuvyokililë mimbunzi yooso yimesë, yaaku ti miinu, licyelikë, kasi muulë Nzaambi waawu wasalë mu miinu –

2 Koleentë 11:5

Yim'balë ti bakë booso lun'teelë beeno mimbunzi yinenë bësye kum'pyokilë mu cin'velë ko!

2 Koleentë 12:11

Miinu yilë mu kutubë dedë mweekë yabë lilawu, kasi beeno lwakun'kacikë. Nkanë beeno lufitë kun'nwaninë cikaangë. Ningë miinu muutu kwaandi vwiili, yikeeli ko cilesi fë ntwaalë mimbunziinu yinenë.

2 Koleentë 8:4

Baawu bisë tuloombë yimunë lusisumunu lu mpaapë muulë mu kufilë luzudi ke bitamaanë bi Zudee.

Ngalaatë 1:18

Mivu tatu yivyookë, vandi miinu yiyendë ku Yelusaleemë mu kuzabësënë yi Pyeelë i yisë kalë tumiingu twaali yimunë naandi.

Ngalaatë 2:1

Kuumi mivu na yavyooci, miinu yivutukënë ku Yelusaleemë yimunë Balënabaasë. Yisë natë yivaandi Tiitë.

Ngalaatë 2:2

Yisë kweendë kwaawu mu kucinzikë manë Nzaambi wukun'nyalulilë. Mu luzutununu luvangënë ku foolë, yabë yimunë bënaangë, yisë bëkwalulilë Mpolu Mboti yinë yilëloongaangë ke bo bëkeeli ko Sizwiifë. Miinu yisye n'zolë ko, cisalu cyaami yisalë ntamë kaambofo Cibubwayi, citwakënë-nkoli.

Ngalaatë 6:3

Ningë muutu wulë mu kuyituunvi, tiilyoko naandi muutu kwaandi vwiili, naveekë wulë mu kuyipuutu.

Efeesë 2:20

Beeno lweekë mëmanyi më n'tungulu yiciindë manë mëke mimbunzi i mibici i limanyi linkumë naveekë Kliistu Yeesu.

Efeesë 3:8

Miinu muutu kwaandi vwiili mu bitamaanë byooso. Mu kumonë, Nzaambi wukum'paanë muulë mu kutendulë ke banë bëkeeli Sizwiifë ko businë bun'kaambu më manunu bu Kliistu.

Koloosë 1:29

Mu lyalyooli, miinu yilë mu kusalë i yilë mu kuvaangë mëngolo mu n'viingu wu Kliistu wunë wuke mu kusalë mu miinu yi luleendo looso.

1 Timotee 3:15

Fa foofë, ningë miinu yisye lengë kwiisë ko, mu kukudyengënë, bisonë abi bikusunjikilë buni wufwenikini kulyatilë mu cifuumbë ci Nzaambi, cinë cike Cingangë ci Nzaambi yi moonyi, likuunzi i lusinjiku lucyelikë.

1 Za 1:3

Linë beeso tumonë i tuyuwu, beeso twalitendulë ke benuviinu. Oboobo beeno lum'budënë yi beeso mu cintwaali cinë tukeeli yimunë Taatë yimunë Mwanaandi Yeesu Kliistu.

Luzabukunu 3:12

« Ke wunë wum'bakë nduunji, miinu yin'vaangë likuunzi mu n'zo Tataami Nzaambi i naandi wusë bëbasikë ko. Miinu yin'sonikë mu naandi lizinë li Nzaambi yi lizinë li livulë li Nzaambi, Yelusaleemë yimoonë yinë yin'kulukë ku yilu, yin'filu ke Nzaambyaami, miinu yin'sonikë mu naandi lizinë lyaami limoonë. »