Ngalaatë 2:5 - N’KANGULU WUMOONË

⁵ Beeso tusye bëvaanë yifwaati likanë ko, bwiinji tusimbililë mu beeno cyelikë ci Mpolu Mboti.

Ngalaatë 2:5 Iomraidhean Croise

Mëvaangë 15:2

Poolë i Balënabaasë bëmaangë lyaambu be lyooli i bisë findënë beenë simpakë yi baatu be boobo. Mu lyaawu, bëboongë lukanyu mu kufilë Poolë, Balënabaasë i mwa mpooko baatu bën'ka bë livulë li Antyoosë mu kweendë ku Yelusaleemë mu kuteetë lyaambu be lyooli yimunë mimbunzi i bëkuluutu.

Ngalaatë 1:6

Miinu lusweenu mu n'timë, bunë beeno lwalengë lekulë Nzaambi, wunë wulutelë mu muulaandi mu Kliistu : i lwabalulë ntalu mu Mpolu Mboti yin'ka.

Ngalaatë 2:14

Bunë yamoni ti baawu bisë n'zingilë kuve mu n'sulumunu, bunë bën'lombilë bucyelikë bu Mpolu Mboti, miinu yisë kaambë Pyeelë fë ntwaalë bakë booso ti : « Njeeyi wuli Zwiifë, wuzingilë akuuku mpilë mweekë bo buke baawu ko i yaaku ti bunë bun'kwendilë n'kaakë Sizwiifë. Kwisilë buni mu njeeyi, mu kukacikë banë bëkeeli Sizwiifë ko mu kuzingilë bo buke Sizwiifë? »

Ngalaatë 4:16

Buyifanu, miinu yacitukë mbeeniinu cibilë miinu yilë mu kulukaambë cyelikë?

Efeesë 1:13

Benuviinu, bunë luyuwu saangu yi cyelikë, Mpolu Mboti, yinë yilutwalilë luvukulu, beeno luta maanë mu Kliistu. Bwaawu Nzaambi watuulë cilifë cyaandi naveekë mu beeno, mu kuluvaanë Ciluunzi ci Saantu kukanyi.

Koloosë 1:5

Bunë saangu yi cyelikë, Mpolu Mboti, yiyisë vyaasi ntetë kuke beeno, luzabisi manë Nzaambi wulë sweekilaanu ku mëyilu : ciminu ciinu i luzolë lwiinu bikalilë mu civuufu aci.

1 Tesaloniikë 2:13

Beeso tulë mu kutoondë Nzaambi ntaangu syooso mu lyaambu lin'kooso : Bunë beeso tulutendulilë Mpolu Mboti yi Nzaambi, luyuwu lyaawu i lucikunë yaaku ti buke libuungu kwaandi vwiili li muutu, kasi buke libuungu li Nzaambi, linë like cyelikë. Bwaawu, lyaawu like mu kusalë mu beeno bitamaanë.

Zuudë 1:3

A bayaami bë n'timë, miinu yabë cideenzë cinenë mu kulusonikinë mu manë mën'talë luvukulu lwiitu beeso booso. Kasi miinu yavaangë mëngolo mu kulusonikinë n'kaandë be wuuwu, bwiinji luciinzi bitu mu kunwaanë mu ciminu cinë Nzaambi wuvaanë ke baandi ci mëkulu.