Ngalaatë 2:4 - N’KANGULU WUMOONË

⁴ Mu cibilë ti, baanë bë nguli bivadë-mbi bëkotë mu nkoongiitu i bëzolë kun'vangisi kubukë bubakëlë. Baatu be boobo bëfyelëmukë mu nkoongiitu bwiinji bëmonë buni beeso tun'zingilaangë lusyalulu lunë twatambulë ke Kliistu Yeesu i mu kutuvutulë mu bundongo bu n'kaakë.

Ngalaatë 2:4 Iomraidhean Croise

Liikë 5:38

Moniko, mëlafu mëmoonë, mëfwenikini kuba mu bidoyi bimoonë.

Mëvaangë 15:1

Mwa lukoongu lu baatu lufuminë ku Zudee mu kweendë ku Antyoosë. Bisë ba mu kuloongë baanë yaawu bë nguli : « Beeno kupodi ve kuvuukë mooti lusye buke ko bubakëlë bwiinu bo bun'lombilë n'kaakë Moyiizë. »

Mëvaangë 15:24

Beeso tuyuwu ti baatu bëfuminë lweeku lwiitu bëyikosi n'vuusu i bëlëvangisi kuba mu cyuundë mu mëbuungu maawu. Beeso tusye bëvandikë ko lutumu mu lyaambu be lyooli.

Mëvaangë 20:30

Bën'ka fë meeyiinu bën'tubë maambu mu lupuutu, bwiinji bënatë bitamaanë mu nkoongaawu.

Loomë 8:15

Licyelikë nusye kwaakë ko ciluunzi ci bundongo ciluvangisi boomë. Kasi beeno lwakwaakë Ciluunzi ci Saantu ciluvangisi kuba baanë bë Nzaambi i wuluvaanë likanë mu kulosukë : « Abaa! Taatë! »

2 Koleentë 11:13

Baatu be boobo mimbunzi yi lupuutu, miifi bëke yicitulaangë mimbunzi yi Kliistu.

2 Koleentë 11:17

Cibeeni, mu kusiilë katyoobo, yisë n'tubë ko bo Fumu kun'tiisi, kasi buke miinu yilawukë.

2 Koleentë 11:20

Beeno lun'cikunaangë bëlëteelë dedë mweekë bëndongo, bëlusasi i kulufutë ve, bëluvokënë byosuku lubakisi, bëlë talë-n'lalu, bëlubulë ku busu.

2 Koleentë 11:26

Mu mpaapë myeendwaami, miinu yimonë simpekaadu sike mu miilë yi waalë, kaambofo bilyaani, simpekaadu sifuminë ke bayaami Sizwiifë, kaambofo bo bukeeli ko Sizwiifë, miinu yabë mu simpekaadu mu mëvulë kaambofo mu sintaandu si ciyumi, simpekaadu mu m'bu i fanë fëke baanë bë nguli bëwaalë lupuutu.

2 Koleentë 3:17

Kosuku, cikumë cinë Fumu kun'tubë afa, Ciluunzi. Fanë fëke Ciluunzi ci Fumu, faawu fëkeeli lusyalulu.

Ngalaatë 1:7

Cyelikë, yikeeli Mpolu Mboti yin'ka ko, baatu kwaandi vwiili bën'vaangë n'vuusu i bën'toombë kuviinji Mpolu Mboti yi Kliistu.

Ngalaatë 4:25

Agaalë, naandi limoongo li Sinaayi kusi Alabi. Lyaawu fwiifu yi livulë li Yelusaleemë yi bubwayi, naandi n'dongo yimunë mboongwaandi yooso.

Ngalaatë 4:3

Beeso yiviitu twabë buke bibabanë, twabë bëndongo mu mëngolo më cimpeefë ci buloongo.

Ngalaatë 5:1

Kliistu watuvuuci yi cyelikë cyooso bwiinji tusyalulu. Ciinzyaanu bitu, oboobo, leembwaanu kube vutukë mu bundongo.

Ngalaatë 5:10

Fumu wukum'paanë lyaanë mu cibilë ciinu: miinu yim'balë ti benuviinu, lulë mu kumonë bo bumweekë yi miinu. Kasi wunë wulë mu kuluvangilë n'vuusu, bosuku bubeeli, wun'tambulë lutabu lu Nzaambi.

2 Timotee 3:6

Bën'viipë mu baawu bën'kotaangë mu sinzo i bëm'puutaangë bëcyeetu bëke ciluunzi cileengë, bëwaalë mësumu, bën'vukumunaangë mu yosuku miciinzë.

Zaakë 1:25

Kasi wunë wum'biilë buboti n'kaakë wusulëmë, wunë wutuvaanë lusyalulu i wun'kangëmë mu cyelikë. Naandi kusë n'laandë tokë mu kuwu ko mu kuwuzimbëkënë, kasi wun'salilë waawu. Cyelikë, naandyoowo wum'ba mu nyeenzi mu makë mooso kun'salilë.

1 Pyeelë 2:16

Zingilaanu dedë mweekë baatu bësyalulu. Vandi, lucitulyaanu ko lusyalulu lwiinu buke n'lelë wun'fukë libi, kasi lwe zingilyaanu dedë mweekë biseelu bi Nzaambi.

2 Pyeelë 2:19

Baawu bëbëvaanë lukanyu mu lusyalulu, kosuku baveekë bëndongo mu bifu byaawu bibi, cibilë kadë muutu n'doongo mu manë man'vwaatë.

1 Za 4:1

A sindiku syaami, nutelaanu maanë ko mu baatu bakë booso bën'tubë ti batambulë Ciluunzi, kasi bëseenjyaanu mu kubakulë ningë ciluunzi cike yaawu cyafuminë ke Nzaambi. Boobo, mpaapë mibici yi lupuutu batyamukë bweendë nyalu-n'toto.

Zuudë 1:4

Licyelikë, mpaapë baatu bëke sinsalulu simbi bëkotë mu mësweeci fë meeyiinu. Baawu bëbalulë muulë wu Nzaambiitu mu kusalilë busafu, baawu bëmaangë Yeesu Kliistu, N'loonjiitu i Fumwiitu. Mpaapë ntaangu sivyookë, lusifu lwaawu lusonëmë mu mëbuuku më Nzaambi.