Ngalaatë 2:21 - N’KANGULU WUMOONË

²¹ Miinu yibe maangë kubumë muulë Nzaambi. Mu bwaawu, ningë ti mu n'kaakë mwaawu tum'podi kusulëminë fë nduunzi Nzaambi, Lyabwiilë obo Kliistu wufwa mu buunë kwaandi.

Ngalaatë 2:21 Iomraidhean Croise

Malëkë 7:9

Na kubëtubë : « Cibeeni, beeno lube zaabë kun'nyacikë bunë bwaawu lutumu lu Nzaambi bwiinji bësalilë bukulu bwiinu!

Loomë 10:3

Licyelikë, baawu bisye bakulë ko buni Nzaambi wun'vangisyaangë baatu kuba bësulëmë fë ntwaalaandi i baawu bisë toombë ntekwaawu yi kuzingilë. Baawu bisye yilekulë ko mu lusalusu lu Nzaambi.

Loomë 11:6

Naandi wubësoolë mu buboti bwaandi i yaaku mu cibilë ci mëvaangë, nkanë buboti bwaandi busye be ba buboti ko.

Loomë 4:25

Nzaambi wuyen'kulë mu lufwa mu cibilë ci mësumu miitu i wusë n'vulumunë mu kuvangisi beeso kuba baatu bësulëmë fë nduunzyaandi.

Loomë 8:31

Beeso mbici tum'podyooso kutubë? Ningë Nzaambi ke yiitu, nanyooso wum'podi kuba mbeeniitwe?

1 Koleentë 15:14

Ningë Kliistu sye vulumukë ko, beeso tukeeli cin'viipë ko mu kululoongë i ciminu ciinu yivaandi cibuunë.

1 Koleentë 15:17

Ningë ti Kliistu wusye vulumukë ko, ciminu ciinu cinyungulë kwaandi. Beeno lucini kwiinu mu mësumu.

1 Koleentë 15:2

Mati mu lyaawu beeno lun'vukilë, ningë lube lisimbililë dedë mweekë miinu yilutendulilë, mooti boobo ko, beeno lwata maanë më buunë.

Ngalaatë 2:16

Oboobo, beeso tuzabisi ti muutu lumoonyi wuzabukunu wusulëmë fë nduunzi Nzaambi kanuku mu cibilë ci ciminu cyaandi mu Kliistu Yeesu, yaaku ti mu cibilë kun'cinzikë makë mooso më n'kaakë Moyiizë. Mu bwaawu, beeso yiviitu, twata maanë mu Kliistu Yeesu bwiinji tuba tusulëmë mu cibilë ci ciminu ciitu mu Kliistu i yaaku ti mu kucinzikë n'kaakë be wuuwu. Cibilë muutu ve wun'zabukunu wusulëmë ke Nzaambi mu kuba kucinzikë makë mooso më n'kaakë.

Ngalaatë 2:18

Licyelikë, ningë miinu yibe bëvutukunë mu n'kaakë wunë yivubikë, miinu yiyisifë miveekë.

Ngalaatë 3:21

Lya lyo lin'tubë ti n'kaakë wusokënë yimunë tukanyu tu Nzaambi? Moniko! Ningë n'kaakë wabë wuvaanu wum'podi kutuvaanë luziingu lucyelikë ke baatu, oboobo muutu kupodi kumonikë wusulëmë fë nduunzi Nzaambi mu kusalilë n'kaakë.

Ebele 7:11

Cisalu ci bungangë-Nzaambi bu Sileviitë cyabë mbaandu n'kaakë bëvaanë ke mboongu Islayeelë. Kosuku, ningë singangë-Nzaambi Sileviitë bëvaangë cisalu ciboti, nkanë busye ba n'ciinzë ko mu kube basikë ngangë-Nzaambi yivyakënë mu bunkulu bu Melëkisedeekë yaaku ti mu bunkulu bu Aloonë.