Ngalaatë 2:16 - N’KANGULU WUMOONË

¹⁶ Oboobo, beeso tuzabisi ti muutu lumoonyi wuzabukunu wusulëmë fë nduunzi Nzaambi kanuku mu cibilë ci ciminu cyaandi mu Kliistu Yeesu, yaaku ti mu cibilë kun'cinzikë makë mooso më n'kaakë Moyiizë. Mu bwaawu, beeso yiviitu, twata maanë mu Kliistu Yeesu bwiinji tuba tusulëmë mu cibilë ci ciminu ciitu mu Kliistu i yaaku ti mu kucinzikë n'kaakë be wuuwu. Cibilë muutu ve wun'zabukunu wusulëmë ke Nzaambi mu kuba kucinzikë makë mooso më n'kaakë.

Ngalaatë 2:16 Iomraidhean Croise

Za 20:31

Kasi manë mëkeeli mwaawu mësonëmë bwiinji beeno luta maanë ti Yeesu naandi Kliistu, Mwaanë Nzaambi. Ningë beeno lun'ta maanë mu naandi, beeno lum'bakë luziingu mu naandi.

Mëvaangë 4:12

Kanuku wo naandi vwiili wum'podi kutuvuuci, cibilë mu buloongo n'viipë, Nzaambi wusye vaanë lizinë lin'ka ko ke baatu, bwiinji beeso tuvuukë. »

Loomë 1:17

Cyelikë, mu yaawu n'sulumunu wu Nzaambi wum'monikë tokë mu ciminu, bunë busonëminë : « Wunë wuke wusulëmë wun'zingilë mu ciminu. »

Loomë 3:30

bo Nzaambi ke wo wumweekë vii. Naandi wun'vangisi kusulëmë fë nduunzi Sizwiifë mu ciminu i basë Ngeleekë yivaandi.

Loomë 4:2

Ningë Abalaamë wabë wusulëmë fë nduunzi Nzaambi mu kumonë mëvaangë maandi mëboti kuvangë, finu naandi wuvaangë lukwaayi. Kasi naandi kupodi ve kulivaangë fë nduunzi Nzaambi.

Loomë 4:24

Maawu mësonëminë yivaandi mu cibilë ciitu tufwenikini kumonikë dedë mweekë baatu busulëmë, beeso tun'ta maanë mu Nzaambi wunë wuvulumunë Yeesu Fumwiitu.

Loomë 8:3

Nzaambi wusë vaangë linë lyabë mëvangulu mpa mu n'kaakë Moyiizë, cibilë n'sunyi wusye vanaangë n'kaakë lutumu ko : mu kubotulë lisumu, wusë filë Mwanaandi viingu mu luziingu lufwanekënë yi n'sumuci i wusë tabë lisumu mu n'sunyi.

Loomë 9:30

Mbici tufwenikini kuzitikë? Baatu bë sisi sin'ka, banë bëlëkaambwaangë kusulëmë fë nduunzi Nzaambi, bisë ba bësulëmë fë meeso maandi mu ciminu.

1 Koleentë 6:11

Bwa boobo bwa bëbeelë bëmesë babë mu nkoongiinu. Kasi beeno lwabë lwalyoomë, lwabë lwatuunvu, lwabë lwasulëmë fë nduunzi Nzaambi mu lizinë li Fumu Yeesu Kliistu i mu Ciluunzi ci Nzaambiitu.

Ngalaatë 4:5

bwiinji wuvuuci banë babë mu lutumu lu n'kaakë Sizwiifë i kutuvaanë likanë mu kuba baanë bë Nzaambi.

Ngalaatë 5:4

Beeno lun'toombaangë kuba bësulëmë mu n'kaakë fë nduunzi Nzaambi, lukabukë yi Kliistu i muulë wu Nzaambi wukeeli yiinu ko.

Filiipë 3:9

i mu kukalilë buboti mu kubundënë yi naandi. Yaaku ti mu n'sulumunu yibakisi mu miveekë mu kusalilë n'kaakë, kasi yimunë n'sulumunu yin'fuminë mu ciminu mu Kliistu, yinë Nzaambi kun'vaanë ke bo bën'ta maanë.

1 Pyeelë 1:2

Nzaambi Taatë, walusoolë bunë bufwenikini mu n'vwiilwaandi kuzitikë ntamë. Naandi wulutuulë ku nteku, mu cyeesi ci Ciluunzi ci Saantu bwiinji beeno luba sisu mu Yeesu Kliistu i lwe ba lulyoomë mu meengë maandi. Muulë i n'sikë biluveewu yinë lunduu.

1 Pyeelë 2:24

Mu nyitwaandi naveekë, wunatë mësumu miitu fë kuluusu, bwiinji beeso tufwa mu linë lin'talë lisumu i beeso tuzingilë mu luziingu lusulëmë. Mu simbumë syaandi mwaawu beeno lwabë lubelukilë.

1 Pyeelë 3:18

Licyelikë, Kliistu naveekë wumonë simpasi vyaasi mweekë cimëkulu mu mësumu më baatu, naandi wabë mpeembi yi mpeeso, wufwiilë mu bivadë-mbi bwiinji wubënatë ke Nzaambi. Naandi bën'voondë, kasi Ciluunzi ci Saantu cin'vulumunë.

2 Pyeelë 1:1

Miinu Simu Pyeelë, ciseelu i m'bunzi wu Yeesu Kliistu. Ke banë, mu cisalu ci luvukulu lu Nzaambiitu i N'vuuci Yeesu Kliistu, bëtambulë ciminu ci njiinji bo buke ciitu.

1 Za 1:7

Kasi, ningë tun'zingilë mu cyeseesë, bo Nzaambi naveekë wuke cyeseesë, oboobo, beeso tuke mu cintwaali besuveekë yi besuveekë i meengë më Yeesu, Mwanaandi, më tulyomisi mu lyosuku lisumu.

Luzabukunu 7:14

Miinu yisë n'vutulilë : « A Fumwaami nje wulizabisi. » Bwa boobo, naandi wusë kun'kaambë : « Ba boobo ba bëvyokilë mu mësengulu mënenë. Baawu basukulë mëzweeli maawu i bamëcyeesi mu meengë më Mwaanë Limemë.

Luzabukunu 7:9

Fë mbusë lyalyooli, miinu yilë talaangooso i yisë monë nkoongë baatu yinenë yinë muutu ve wusye podi kutaangë. Baawu babë baatu bë mëkaandë makë mooso, bë mëloongo mooso, bë mboongu yooso i simbeembu syooso. Baawu babë bëtelëmë fë ntwaalë ntaanji i fë ntwaalë Mwaanë Limemë, bëvwaatë mëzweeli më mpeembi i bitafi bi sinjeenvu fë myooko.