Ngalaatë 2:11 - N’KANGULU WUMOONË

¹¹ Kasi bunë Pyeelë wuyisë ku livulë li Antyoosë, miinu yisë kun'seembë fë ciyalëlë, cibilë naandi wuba mu mbesi.

Ngalaatë 2:11 Iomraidhean Croise

Matye 16:23

Kasi Yeesu wusë balukë i wusë kaambë Pyeelë : « Yakënë cinaanu yi miinu, a Satënë, njeeyi nkankini mu miinu cibilë wusë m'balë ko bo buke Nzaambi, kasi bo buke baatu lumoonyi! »

Za 1:42

Naandi wunatë Simu ke Yeesu. Yeesu kun'talë i wusë tubë : « Njeeyi Simu mwaanë Za. Mba bëkuteelë Sefaasë. » – Lizinë be lyooli lin'tubë « Pyeelë ». –

Mëvaangë 11:19

Binkuungë bilandëkënë mu lufwa lu Tyeenë, bisë vangisi bitamaanë mu kunyambëkënë mosuku. Bëmesë mu baawu bëyendë tee ku Finiisi, ku Sipëlë, i ku Antyoosë, kasi baawu bëlëloongaangë Libuungu li Nzaambi tokë kuke Sizwiifë.

Mëvaangë 11:20

Kasi mwa bitamaanë bëmesë bëba basë Sipëlë i bë Sileenë, baawu bëyendë ku Antyoosë i bisë kukaambë yivaandi ke banë bëkeeli ko Sizwiifë Mpolu Mboti yi Fumu Yeesu.

Mëvaangë 11:22

Basë Cingangë ci Yelusaleemë bëyuwu saangu beenë. Baawu bëfilë Balënabaasë ku Antyoosë.

Mëvaangë 11:27

Mu bilumbu be binë binaani, mibici bëfuminë ku Yelusaleemë i bëyendë ku Antyoosë.

Mëvaangë 15:1

Mwa lukoongu lu baatu lufuminë ku Zudee mu kweendë ku Antyoosë. Bisë ba mu kuloongë baanë yaawu bë nguli : « Beeno kupodi ve kuvuukë mooti lusye buke ko bubakëlë bwiinu bo bun'lombilë n'kaakë Moyiizë. »

Mëvaangë 15:5

Kasi mwa mpooko baatu mu cinguuku ci Sifalisyaanu banë bëta maanë bisë telëmë i kutubë : « Bufwenikini kubukë bubakëlë mu bo bata maanë banë bukeeli ko Sizwiifë, i butumi bëcinzikë n'kaakë wu Moyiizë. »

2 Koleentë 11:5

Yim'balë ti bakë booso lun'teelë beeno mimbunzi yinenë bësye kum'pyokilë mu cin'velë ko!

2 Koleentë 12:11

Miinu yilë mu kutubë dedë mweekë yabë lilawu, kasi beeno lwakun'kacikë. Nkanë beeno lufitë kun'nwaninë cikaangë. Ningë miinu muutu kwaandi vwiili, yikeeli ko cilesi fë ntwaalë mimbunziinu yinenë.

2 Koleentë 5:16

Talaanu buni beeso, tun'leembu kube cikuninë muutu mu n'sunyi. Ningë ti, mu civi-cikulu tuzaabë Kliistu mu cimuutu, buyifanwabu beeso tusë bën'zabilooso boobo ko.

Ngalaatë 1:18

Mivu tatu yivyookë, vandi miinu yiyendë ku Yelusaleemë mu kuzabësënë yi Pyeelë i yisë kalë tumiingu twaali yimunë naandi.

Ngalaatë 2:14

Bunë yamoni ti baawu bisë n'zingilë kuve mu n'sulumunu, bunë bën'lombilë bucyelikë bu Mpolu Mboti, miinu yisë kaambë Pyeelë fë ntwaalë bakë booso ti : « Njeeyi wuli Zwiifë, wuzingilë akuuku mpilë mweekë bo buke baawu ko i yaaku ti bunë bun'kwendilë n'kaakë Sizwiifë. Kwisilë buni mu njeeyi, mu kukacikë banë bëkeeli Sizwiifë ko mu kuzingilë bo buke Sizwiifë? »

Ngalaatë 2:5

Beeso tusye bëvaanë yifwaati likanë ko, bwiinji tusimbililë mu beeno cyelikë ci Mpolu Mboti.

Ngalaatë 2:7

Tiilyoko, baawu bisë monë ti, Nzaambi wukun'soolë mu kutendulë Mpolu Mboti ke banë bëkeeli Sizwiifë ko, bo bumweekë kusolilë Pyeelë mu kutendulë ke Sizwiifë.

Ngalaatë 2:9

Zaakë, Pyeelë i Za bo babë dedë mweekë mëkuunzi më mbumbuli më cingangë, bëbakulë ti Nzaambi wum'paanë muulë wukusalë cisalu be ciici, baawu bisë tusiimbë mu kookë, Balënabaasë i miinu, mu kuleesi bundiku bwiitu. Bwaawu beeso tusë kuwusënë, mu ke sali ke banë bëkeeli Sizwiifë ko i baawu bëke sali kuke Sizwiifë.

1 Timotee 5:20

Ningë ti muutu wavaangë lisumu, n'seembi fë ntwaalë baatu bakë booso, bwiinji baatu bën'ka bëmonë boomë.

Zaakë 3:2

Besubooso tun'kubë mëbaku. Ningë muutu ve wupodi kukubë libaku mu n'tubulwaandi, naandi wusulëmë wum'podi kukeelë nyitwaandi yooso.

Zuudë 1:3

A bayaami bë n'timë, miinu yabë cideenzë cinenë mu kulusonikinë mu manë mën'talë luvukulu lwiitu beeso booso. Kasi miinu yavaangë mëngolo mu kulusonikinë n'kaandë be wuuwu, bwiinji luciinzi bitu mu kunwaanë mu ciminu cinë Nzaambi wuvaanë ke baandi ci mëkulu.