Ngalaatë 1:4 - N’KANGULU WUMOONË

⁴ Kliistu wuyivakulë naveekë mu kutuvuuci mu mësumu bwiinji wutuyobulë mu lutumu lubi lu buloongo be buubu, bunë Nzaambi, Tatiitu kutiisi.

Ngalaatë 1:4 Iomraidhean Croise

Matye 13:22

Bën'kooso bën'tambulë cikunu fë meeyi siseendë : bën'kuwu libuungu, kasi bideenzë buloongo i lupuutu lu businë kufyetikini libuungu li Nzaambi, lyaawu lisë n'vaanë ko lyosuku likuundi.

Matye 20:28

Bo bumweekë, Mwaanë muutu wuyisilë mu buloongo yaaku ti baatu bën'salilë, kasi mu kusalilë baatu i mu kuvakulë luziingu lwaandi mu kobulë lilaangu linenë li baatu. »

Matye 26:28

Cibilë ama meengë maami, meengë më n'kangulu yimunë Nzaambi i mësekulu mu lukoongu lu mpaapë baatu, mu lobukulu lu mësumu.

Matye 26:42

Naandi kwe yakini vyaasi yimwaali i wusë sambilë : « A Tataami, mooti mbuungu ayi kupodi ve kwakënë yaami kaambu miinu kuyinwa, biikë n'vwiilwaaku we vangini. »

Matye 6:9

Oboobo, talaanu bunë lufwenikini kusambilë : “Tatiitu nje ke ku mëyilu, Lizinë lyaaku lye ba saantu,

Malëkë 10:45

Bwaawu Mwaanë muutu wuyisilë mu buloongo yaaku ti baatu bën'salilë, kasi mu kusalilë baatu i mu kuvakulë luziingu lwaandi mu kobulë lilaangu linenë li baatu. »

Liikë 22:19

Naandi wusë boongë limpa, kutoondë Nzaambi i wusë limukënë i kubëtambikë lyaawu i kutubë : « Ayiiyi nyitwaami yavaanë mu cibilë ciinu. Vangilangaanu lyaliili mu kun'tebukilaangë moonyi. »

Liikë 22:42

mu bikumë abi : « Taatë, ningë njeeyi wulizolisi, yakini yi miinu mbuungu ayi yimpasi. Ntaangu syooso, yaaku ti n'vwiilwaami wufwenikini ko kuvangënë, kasi wo waaku. »

Za 10:11

Miinu n'luungë wumboti. N'luungë wumboti wubelëminë mu kuvaanë luziingu lwaandi mu cibilë ci mëmemë maandi.

Za 12:31

Mati bwaawu, ntaangu beenë yafwaanë yo bën'fundisi buloongo be buubu, fumu buloongo be buubu bëkun'laakë ku ngaandë.

Za 5:30

Miinu kupodi ve kuvaangë lin'viipë mu n'swaami miveekë. Miinu yin'fundisi bo Nzaambi wukun'kambilë i lufundusu lwaami lusulëmë cibilë miinu yisë n'toombë ko n'vwiilwaami, kasi n'vwiilu wu wo wukun'filë. »

Za 6:38

Cibilë yifuminë ku yilu yaaku ti mu kuvaangë n'vwiilwaami, kasi n'vwiilu yi wunë wukun'filë.

Loomë 1:7

Miinu yilë mu kusonikë ke beeno luke ku Loomë, beeno booso Nzaambi kun'zolaangë i naandi kwatelë mu kuziingë yaandi. Biikë Nzaambi Tatiitu i Fumu Yeesu Kliistu wuluvaanë muulë i n'sikë.

Loomë 12:2

Keelaanu lulëlaandë sinsalulu si buloongo be buubu kasi biikaanu Nzaambi wulucitulë i wuluvaanë mëlyeelë mëmoonë. Boobo beeno lum'podi kubakulë linë Nzaambi kun'toombë : linë like liboti, linyeefë i lifwenikini.

Loomë 4:25

Nzaambi wuyen'kulë mu lufwa mu cibilë ci mësumu miitu i wusë n'vulumunë mu kuvangisi beeso kuba baatu bësulëmë fë nduunzyaandi.

Loomë 8:27

Nzaambi wunë m'monaangë mitimë wuzabisi linë Ciluunzi wufwenikini kuloombë, cibilë Ciluunzi wun'sambilaangë mu bitamaanë, dedë mweekë Nzaambi wun'tiisyaangë.

Loomë 8:3

Nzaambi wusë vaangë linë lyabë mëvangulu mpa mu n'kaakë Moyiizë, cibilë n'sunyi wusye vanaangë n'kaakë lutumu ko : mu kubotulë lisumu, wusë filë Mwanaandi viingu mu luziingu lufwanekënë yi n'sumuci i wusë tabë lisumu mu n'sunyi.

Loomë 8:32

Naandi wusye vengulë ko Mwanwaandi naveekë, kasi naandi wun'vakulë mu cibilë ciitu beeso booso, buni naandi kun'kaambulu kutuvaninë biimë byooso yimunë Mwanaandye?

1 Koleentë 15:3

Licyelikë yiluvandikë ntetë nsinunu yinë miveekë yitambulë : Kliistu wufwa mu mësumu miitu, dedë mweekë bunë busonëminë.

2 Koleentë 4:4

Baawu bisë n'ta maanë ko cibilë ti Satënë, nzaambi buloongo be buubu, wafukë lyeelë lyaawu. Nzaambi buloongo wulë mu kubëkakë kumonë cyeseesë cinyambë mu Mpolu Mboti yi bumpumu bu Kliistu, yinë yikeeli cifwaani ci Nzaambi.

Ngalaatë 2:20

Oboobo, yaaku ti miinu yilë mu kuziingë, kasi Kliistu naandi wulë mu kuziingë mu miinu. Cibilë luziingu lwaami lu bubwayi, yin'zingilë lwaawu mu ciminu mu Mwaanë Nzaambi wunë wube kun'zolë i wuvaanë luziingu lwaandi mu miinu.

Ngalaatë 6:14

Mu miinu, yilë mu kuyituunvi tokë mu cibilë ci kuluusu yi Fumwiitu Yeesu Kliistu. Mu lyaawu, mu cibilë ci kuluusu buloongo bu syeelyooso ko n'ciinzë mu miinu i yeekë buke muutu wufwa mu buloongo.

Efeesë 1:11

Mu lubundunu lwiitu yimunë Kliistu, beeso tutambulë ciitu cikuuku cinë bëtukanyi, cibilë Nzaambi wutusoolë faanë yi faanë mu yaandi mpangulu. Nzaambi wuvaangë byakë byooso deku-dekoo mu manë kukanë i kutiisi.

Efeesë 2:2

Beeno lulë lyatilaangë obo mu nteku luziingu lu buloongo be buubu. Beeno lulë len'vukilaangë n'kuluutu tuleendo tubi wun'zingilaangë fë yilu n'toto, mpeefu be yooyo yilë mu kusalë buyifanwabu, ke banë bëlë mu kutundukënë Nzaambi.

Efeesë 5:16

Lwe vaangaanu liboti mu ntaangu syooso lum'bakë luvoto, cibilë sintaangu tulë mu kuzingilë beeso syeekë simbi.

Efeesë 5:2

Lwe zingilyaanu mu luzolo, mu cifwaani ci Kliistu wunë wutuzolë i wusë vaanë luziingu lwaandi mu beeso, dedë mweekë likabu i civakuli bike nfiimbu yimboti yin'toonzi Nzaambi.

Efeesë 6:12

Cibilë beeso tusë n'nwaanë ko yi baatu lumoonyi, kasi yi luleendo lu biluunzi bibi mu buloongo bu mëyilu, tutumu, sifumu i bëkuluutu bë buloongo be buubu bu citoombi.

Filiipë 4:20

Mpumu ke Nzaambi Tatiitu sakë yi sakë. Ameenë!

1 Tesaloniikë 1:3

Licyelikë, tulë mu kutandëkënë fë meeso më Nzaambi Tatiitu, ciminu ciinu cinenë, luzolo lwiinu lucyelikë i civuufu ci kangëminë mu Fumwiitu Yeesu Kliistu.

1 Tesaloniikë 3:11

Biikë Nzaambi naveekë, Tatiitu yi Fumwiitu Yeesu wutuzibulë nzilë yinë yitunatë ke beeno!

1 Tesaloniikë 3:13

Kulucindisi mitimiinu, bwiinji beeno luba sisaantu i mëseembu ve fë ntwaalë Nzaambi Tatiitu, bunë Fumwiitu Yeesu wun'kwisilë yimunë bakë booso kubakisi. Ameenë.

2 Tesaloniikë 2:16

Biikë Fumu Yeesu Kliistu naveekë i Nzaambi Tatiitu, wunë wutuzolisi i wutuvaanë mu muulaandi mëngolo më sakë yi sakë i civuufu ciboti,

1 Timotee 2:6

wuyivakulë naveekë dedë luvunu mu kuvuuci babooso: oboobo naandi wunatë mu ntaangu yifwenikini cimbaanji ti Nzaambi zolisi baatu booso bëvuukë.

Tiitë 2:14

Naandi wuyivakulë naveekë mu besubooso, mu kutuvuuci mu mëbi mooso. Kutuvangisi kuba mboongu yi lyoomë yinë kubakisi i yike buvavambë mu mëvaangë mëboti.

Ebele 2:5

Licyelikë, yaaku ti kuke siyaanzi kwa Nzaambi kuyekulilë buloongo bun'kwiisë, bunë tulë mu kutubilë.

Ebele 9:14

Ningë lyekilë obo, meengë më Kliistu miinji n'ciinzë! Mu Ciluunzi ci sakë yi sakë, naveekë wuyiyindulë ke Nzaambi dedë mweekë civakuli cilyoomë. Meengë maandi mën'lyomisi mbalulwiitu mu mëvaangë mëbi, bwiinji tusalilë Nzaambi moonyi.

Zaakë 4:4

Baatu bëkaambu kusulëmë lukeeli! Lusye zaabë ko, kuba bundiku bu buloongo, mati kuba mbeeni yi Nzaambi? Wunë wun'zolë kuba bundiku buloongo, kwe ba mbeeni yi Nzaambi.

1 Pyeelë 2:24

Mu nyitwaandi naveekë, wunatë mësumu miitu fë kuluusu, bwiinji beeso tufwa mu linë lin'talë lisumu i beeso tuzingilë mu luziingu lusulëmë. Mu simbumë syaandi mwaawu beeno lwabë lubelukilë.

1 Pyeelë 3:18

Licyelikë, Kliistu naveekë wumonë simpasi vyaasi mweekë cimëkulu mu mësumu më baatu, naandi wabë mpeembi yi mpeeso, wufwiilë mu bivadë-mbi bwiinji wubënatë ke Nzaambi. Naandi bën'voondë, kasi Ciluunzi ci Saantu cin'vulumunë.

1 Za 2:2

Cibilë Yeesu Kliistu wuyivakulë buke likabu li lobukulu lu mësumu miitu i yaaku tokë mo miitu, kasi yivaandi mu banë bëke mu buloongo n'viipë.

1 Za 3:16

Tala buni beeso tun'zabilë luzolo: Yeesu Kliistu wuvaanë luziingu lwaandi mu cibilë ciitu, bwaawu, besuviitu tufwenikini kubëliminë mu kuvaanë luziingu lwiitu mu baanë biitu bë nguli.

Luzabukunu 1:5

i ke Yeesu Kliistu mbaanji yisulëmë, mwaanë wun'tetë wubutu, wun'tetë wuvulumukë mu baatu bëfwa i n'kwa-lwaangu sifumu sin'toto. Kliistu be tuzolë i naandi wutuvuuci mu mësumu miitu mu luvakulu lwaandi.

Luzabukunu 5:9

Baawu bëlëyolaangë lwiimbu lumoonë : « Njeeyi wusulëmë mu kuboongë libuuku i mu kukutulë citaanzi. Cibilë njeeyi bëkuvoondë i mu luvakulu lwaaku, wuvuuci baatu bë mëkaandë mooso, bë simbeembu syooso, bë sisi syakë syooso.

Luzabukunu 7:9

Fë mbusë lyalyooli, miinu yilë talaangooso i yisë monë nkoongë baatu yinenë yinë muutu ve wusye podi kutaangë. Baawu babë baatu bë mëkaandë makë mooso, bë mëloongo mooso, bë mboongu yooso i simbeembu syooso. Baawu babë bëtelëmë fë ntwaalë ntaanji i fë ntwaalë Mwaanë Limemë, bëvwaatë mëzweeli më mpeembi i bitafi bi sinjeenvu fë myooko.