Ngalaatë 1:10 - N’KANGULU WUMOONË

¹⁰ Bwaawu, fa foofë miinu yin'toombilë kubakë ludumu lu baatwe? Moniko, kanuku lo lu Nzaambi lwaawu yin'toombë. Buni yin'toombë kudedulë baatwe? Ningë miinu yin'toombooso mu kubëdedulë, mu boobo miinu kupodi ve kuba ciseelu ci Kliistu.

Ngalaatë 1:10 Iomraidhean Croise

Matye 22:16

Baawu bisë n'filë bilaanzi byaawu yimunë bo bëke mu cinguuku ci Eloodë, bisë n'kaambë : « A N'loonji, beeso tuzabisi ti njeeyi cyelikë wukeeli i wulë mu ke longilaangë nzilë Nzaambi mu bucyelikë. Boomë ve mu wosuku muutu, cibilë njeeyi wusë n'talaangë bunaangë bu muutu ko.

Matye 28:14

Ningë n'tinu be liyuwu, beeso tun'zaabë buni bukun'vosilë n'timë i beeso tuluyobulë. »

Matye 6:24

« Muutu ve wum'podi kusalilë fumu wali : kaambofo naandi wun'leendë wumweekë i wun'zolë wum'mesë. Kaambofo wun'kangëmë ke wumweekë i wum'baayi wum'mesë. Beeno kupodi ve kusalilë Nzaambi i Mamon. »

Mëvaangë 12:20

Eloodë wusë ba yi likaanzi linenë mu basë Tiilë i banë bë Sidoonë. Baawu bisë kuwusënë mu kwe m'moni. Baawu bisë kukondulë Balasëtuusë, wunë wabë n'luungë civingë ci n'tinu, bisë ke loombë Eloodë mu kuvaangë n'sikë, cibilë ti si yaawu yilëbakilaangë bikulya ku si n'tinu beenë.

Mëvaangë 5:29

Kasi Pyeelë i mimbunzi yin'ka bisë kuvutulë : « Beeso tube fwaanë kutumu ke Nzaambi, yaaku ti ke baatu.

Loomë 1:1

Poolë, ciseelu ci Kliistu Yeesu, wutelu mu kuba m'bunzi i wusoolu ke Nzaambi mu kutendulë Mpolu Mboti.

Loomë 2:29

Kasi Zwiifë yi cyelikë mati wo wuke mu kati, wunë wabuku bubakëlë mu n'timaandi, kubukë bubakëlë yin'vangënë mu Ciluunzi ci Nzaambi i yaaku ti mu n'kaakë wo wusonëmë. Zwiifë be yooyo wun'tambulë ndumu yaaku ke baatu ko, vandi kasi ke Nzaambi.

Loomë 2:8

Kasi naandi wuleesi likaanzi lyaandi i lunyotukunu lwaandi kuke bo bën'kaambu kun'yuwulu, bëm'maangë cyelikë i kuyilekulë mu kuvaangë libi.

1 Koleentë 10:33

Zingilaanu bo buke miinu : yilë mu kuvaangë buumë mu kutoonzi bakë booso mu makë mooso. Miinu yisë n'toombë ko liboti lyaami miveekë, kasi lililaangu li baatu, bwiinji bëvuukë.

2 Koleentë 12:19

Bunë yim'balë beeno, kutoonë mwa mbooyi bilumbu, beeso tulutoombaangë mu kuyinwaninë cikaangë fë ntwaaliinwe? Monikoo! Tun'tubilë mu lubundunu yimunë Kliistu, fë nduunzi Nzaambi i beeso tun'tubilë makë mooso omo, beeno bayiitu, bwiinji ciminu ciinu cyeendë ntwaalë.

Efeesë 6:6

Nulivangilyaanu tokë ko bunë bëlë mu kulusungilë, mu kubëtoonzi. Kasi vaangaanu n'vwiilu Nzaambi yi n'timiinu wooso, buke bëndongo bë Kliistu.

Filiipë 1:1

Poolë i Timotee, biseelu bi Yeesu Kliistu. Ke bakë booso, bëke ku Filiipë, banë bëkeeli mboongu Nzaambi mu Yeesu Kliistu, ke bëkuluutu bë Cingangë i biseelu:

Koloosë 3:22

Beeno bëndongo, cikuninaanu mu makë mooso ke sifumu siinu fë moongo butoto. Leembwaanu kulivaangë tokë ningë baawu bëke mu kulukëtë, bwiinji bëba mu liyaanji. Kasi cikuninaanu mu n'timë wooso, mu cibilë ci luciinzu lunë beeno lukeeli mu Fumu.

1 Tesaloniikë 2:4

Tiilyoko, beeso tulë mu kutubë bo Nzaambi kun'tiisi, cibilë naandi wamonë ti beeso tufwanëkënë i wusë tuvaanë Mpolwaandi yi Mboti. Beeso tusë n'toombë kuve kutoonzi baatu, kasi Nzaambi wo wun'zaabaangë makë mooso mëke mu mitimiitu.

Zaakë 4:4

Baatu bëkaambu kusulëmë lukeeli! Lusye zaabë ko, kuba bundiku bu buloongo, mati kuba mbeeni yi Nzaambi? Wunë wun'zolë kuba bundiku buloongo, kwe ba mbeeni yi Nzaambi.

1 Za 3:9

Wosuku muutu wacitukë mwaanë Nzaambi, wun'leembu kube sumukë, cibilë luleendo lu luziingu lu Nzaambi lulë mu kusalë mu naandi, cibilë Nzaambi na Tataandi, naandi kube podi ve kuvaangë lisumu.