Luzabukunu 10:1 - N’KANGULU WUMOONË

¹ Miinu yisë monooso yaanzi yin'ka yi luleendo wufuminë lu yilu. Naandi wabë wufuku mu livweeti i n'cyaamë wuziingë n'twaandi. Ciinyi cyaandi cilëlesikaangë buke muunyi, maalu maandi mabë buke mëkuunzi më mbaasu.

Luzabukunu 10:1 Iomraidhean Croise

Matye 17:2

Naandi wusë citukë fë meeso maawu. Ciinyi cyaandi kungalëmë buke muunyi, n'vwaatwaandi kumanikë mpeembi buke cyeseesë.

Liikë 21:27

Foofo, bëm'monë Mwaanë muutu kwisilë fë meeyi livweeti, yimunë mpaapë luleendo i bumpumu.

Mëvaangë 26:13

A n'tinu Agiliipë, mu teepu yi ntaangu mbata, ntaangu yo yabë yibeelë mu nzilë, yisë monë cyeseesë cifuminë ku yilu. Cyaawu mwiinji kusamë kuvyokilë muunyi. Cyaawu cilëlësikaangë i cisë kun'zukë yimunë bayaami bë mweendo.

Luzabukunu 1:7

Talaanu, naandi wukwisilë fë meeyi mëvweeti! Bakë booso bëkum'monë, yi bo bën'cyokë lyoongë. Mëloongo mooso më n'toto mën'cyenzëkënë mu cibilë cyaandi. Cibeeni, boobo bwa bëm'beelë! Ameenë.

Luzabukunu 18:1

Fë mbusë lyalyooli, miinu yisë monë yaanzi yin'ka yikulumukë fë n'toto. Naandi wabë yi lutumu lunenë i kusamë kwaandi kulëvaanaangë cyeseesë fë n'toto wooso.

Luzabukunu 18:21

Mu lyaawu, yaanzi luleendo wusë boongë limanyi lifwanëkënë yi cinyikunu ci looso i bëlibumë mu m'bu mu kutubë : mati boobo livulë li Babiloonë lim'bwa yi mëngolo, sasabi i bisë be limonë ko.

Luzabukunu 20:1

Miinu yimonë yaanzi yifuminë lu yilu, naandi wusiimbë fë kooko sabi yi libulu li mbaasu i mpaangë yinenë.

Luzabukunu 4:3

Naandi wabë lumaniku lu mëmanyi më bukaalu më zasëpë i më salëdwaanë. Ntaanji yabë yiziingu ke n'tyaamë wulëlesikë buke limanyi li emëloodë.

Luzabukunu 5:2

Yisë monë yaanzi luleendo yilëtendukaangë mu mbeembu nkamu : « Nani wusulëmë mu kukutulë bitaanzi i kuzibulë libuukwe? »

Luzabukunu 8:13

Miinu yilëtalaangooso i yisë kuwu ngwa-nuni yilëvumukaangë ku kati ku yilu yilëtendukaangë mu mbeembu nkamu : « Mënyonyi omo! Mënyonyi omo! Mënyonyi omo ke baatu bë n'toto bunë siyaanzi sitatu sin'ka sin'sikilë simbudi syaawu! »