Filiipë 4:8 - N’KANGULU WUMOONË

⁸ Oboobo, baanë bë nguli, talaanu linë lifwenikini kutiisi binë biboti i bifwenikini kudumu: mu makë mooso mëcyelikë, mëcinzëmë, mësulëmë, mëlyoomë, mënyeefë i mëzangëmë.

Filiipë 4:8 Iomraidhean Croise

Zaakë 3:17

Kasi bungelë bu yilu bulyoomë ntetë ketë ntetë, bu landëkënë, buke n'sikë, buvuundë, bwalëkisi. Buwaalë cyaali i mëvaangë mëboti. Bwaawu butaandu ve i mëfukë-nyeembo ve.

Tiitë 2:7

mu makë mooso. We leesi njeveekë cifwaani ci mëvaangë mëboti. Liloonji lyaaku, liba li njiinji i li cinzëmë.

2 Koleentë 8:21

Beeso tun'toombë kuvaangë liboti yaaku tokë fë nduunzi Fumu, kasi yivaandi fë meeso më baatu.

Ngalaatë 5:22

Kasi Ciluunzi ci Saantu wun'vanaangë luzolo, liyaanji, n'sikë, mpungë-moonyi, bwalëkisi, n'timë m'boti, lusulumunu,

1 Pyeelë 2:12

Lwe baanu mëvaangë mëboti fë meeyi banë bëkaambu kuta maanë. Mu bwaawu, keti baawu bëlusuungë mu ke lutelaangë bivadë-mbi, baawu bën'zaabë mëvaangë miinu mëboti i mu kudumisi Nzaambi cilumbu cyo kun'kwisilë.

Ebele 13:18

Sambilaanu mu beeso. Beeso tuzabisi ti tuke mbalulu yimboti, cibilë beeso tuzolisi kulyatilë mu kadë luvoto.

1 Timotee 4:12

Keelë bëlëleenji bulesi bwaaku, kasi ba cifwaani fë meeyi bitamaanë, mu mëbuungu maaku, mu ndyatulu lwaaku, mu luzolo lwaaku, ciminu cyaaku i bulyoomë bwaaku.

Efeesë 5:9

Cibilë cyeseesë cin'vandikë cyosuku ciboti, cisulëmë i ci cyelikë.

Tiitë 1:8

Naandi wufwenikini kuba yi bwalëkisi, kuzolë maambu mëboti. Naandi wufwenikini kuba yi mbali, wusulëmë, wulyoomë i wun'cinzikë nyitwaandi.

1 Za 3:3

Wosuku muutu wun'ta lyaanë mu naandi yivaandi wun'lyoomë, bo bumweekë Yeesu Kliistu wunë wuke wulyoomë.

1 Pyeelë 1:22

Beeno lwalyoomë bo lwacikunë cyelikë, mu kuzolësënaanu cyelikë dedë mweekë baanë bë nguli. Mu lyaawu zolësënaanu yin'zaci yooso benuveekë i benuveekë, yi n'timë wulyoomë.

Tiitë 3:14

Mu boobo, bufwenikini, baatu biitu bësinu mu kuyivaanë mu mëvaangë mëboti, bwiinji bëzudi banë bëke beenë mu n'ciinzë i kunatë luziingu lukaambu nyungulë.

Loomë 13:13

Twe natyaanu luziingu lucinzëmë, bo bufwenikini mu cyeseesë ci cilumbu. Twe leembwaanu bulyaafu i kukolu mëlafu, busafu i sinsalulu syooso simbi, kwambilë i likwaafi.

Zaakë 1:27

Tala, libuundu lilyoomë i licyelikë linë Nzaambi Taatë kun'tisyaangë : kuzudi baanë bësyaanë i bëfwiili, mu simpasi syaawu, yiveko kukebë kusafukë mu makë mooso mëke mu buloongo.

1 Za 3:18

A baanë baami, nuzolyaanu ko tokë mu mëbuungu, yimunë sinkuungu sibuunë, twe leesi luzolo lucyelikë lum'monikë mu mëvaangë.

Tiitë 2:2

Kaambë binunu bëkalilë mu lukelulu, bëyicinzikë, bëba yi mbali, bëciimbë moonyi mu ciminu ci cyelikë, bëba yi luzolo i mpungë-moonyi.

2 Koleentë 13:7

Beeso tusambilë Nzaambi, bwiinji luleembu kuvaangë lyosuku libi, beeso tusë n'zolë ko kululeesi ti twaluungë, kasi mu kulumonë kuvaangë liboti, keti tulubiindu.

Koloosë 4:5

Lyatilaanu yimunë luzaabu fanë fëke bo bëkaambu kuta maanë i kusalilë losuku luvoto lum'monikë mu beeno.

1 Pyeelë 4:8

Ntetë mu makë mooso, zolësënaanu benuveekë yi benuveekë, cibilë luzolë lum'botulaangë mpaapë mësumu.

Loomë 13:3

Licyelikë, bën'vaangë mëboti bëkeeli yi boomë ko bu sizoonzi, kasi mu bo bën'vaangë libi. Njeeyi kusë n'zolë kucinzikë n'kwa-lwaangu lu n'tinu kwe? Boobo, vaangë liboti i njeeyi wum'bakë ndumu.

Tiitë 2:14

Naandi wuyivakulë naveekë mu besubooso, mu kutuvuuci mu mëbi mooso. Kutuvangisi kuba mboongu yi lyoomë yinë kubakisi i yike buvavambë mu mëvaangë mëboti.

Filiipë 3:1

Buyifanwabu, baanë bë nguli, baanu mu nyeenzi mu lubundunu yi Fumu. Bukeeli kwaandi mpasi ko mu kulusisiminë linë yilusonikënë i lyalyooli mu beeno n'ciinzë.

Loomë 2:29

Kasi Zwiifë yi cyelikë mati wo wuke mu kati, wunë wabuku bubakëlë mu n'timaandi, kubukë bubakëlë yin'vangënë mu Ciluunzi ci Nzaambi i yaaku ti mu n'kaakë wo wusonëmë. Zwiifë be yooyo wun'tambulë ndumu yaaku ke baatu ko, vandi kasi ke Nzaambi.

1 Timotee 2:2

Lufwenikini kusambililë mu mitinu i mikwa-lwaangu yooso, bwiinji tunatë luziingu luvuundë, lu n'sikë, lucinzëmë, mu lufyaatu mu Nzaambi.

1 Timotee 5:10

i naandi fwenikini kuzabukunu mu mëvaangë mëboti. Wunë wuyonzulë buboti banë baandi, wuyakë buboti baatu, wunë wusukulë maalu më bitamaanë, wunë wusasi banë bëyabë mu simpasi i wunë wusalilë makë mooso mëboti.

Efeesë 6:14

Mu lyaawu, lwe belëminaanu : baanu bucyelikë dedë mweekë likaanji mu lucyeto. Vwaataanu n'sulumunu dedë mweekë cinkutu ci kunwaninë.

1 Tesaloniikë 4:12

Ndyatulwiinu yin'vangisi banë bëkaambu kuta maanë kulucinzikë i beeno lusë m'ba n'funë mu muutu ko.

Efeesë 4:25

Mu lyaawu, biikaanu lupuutu! Kadë muutu we tubi cyelikë ke wayaandi, cibilë besubooso binamë bi nyitu yo yimweekë.

2 Koleentë 6:8

Bëlë mu kutuzanjikë, kaambofo bëlë mu kutufwiisi sonyi. Bëlë mu kutufiingë, kaambofo bëlë mu kutucinzikë. Bëlë mu kutumonë dedë mweekë bibutë-maambu, kosuku beeso tun'tubë cyelikë,

Mëvaangë 10:22

Baawu bisë vutulë : « Kolëneeyë, n'kuluutu-mësodaadi na watufilë ke njeeyi. Naandi muutu wusulëmë, wun'cinzikaangë Nzaambi. Sizwiifë syakë syooso bën'tubaangë mëboti mu naandi. Yaanzi yi Nzaambi yisë kun'tumisi mo njeeyi weendë ke naandi, bwiinji kuyuwu manë wuzolisi kun'kaambë. »

Za 7:18

Muutu wunë wun'tubilaangë mu naveekë, wutoombaangë bumpumu bwaandi. Kasi muutu wunë wun'salilaangë mu bumpumu bu wunë wukun'filë, naandyoowo wun'tubaangë cyelikë i libi vo mu naandi.

Liikë 2:25

Ku Yelusaleemë kwabë muutu mweekë mu lizinë li Simeyoonë. Naandi wabë muutu wusulëmë i wabë sisu mu Nzaambi. Naandi wulëciingaangë muutu wunë Nzaambi wufilë mu kuvuuci mboongu Islayeelë. Ciluunzi ci Saantu cyabë yaandi

Malëkë 6:20

Licyelikë, Eloodë wulëtiinaangë Za boomë, cibilë naandi wuzaabë ti, wabë muutu wusulëmë, wu saantu i wulën'kelaangë. Bunë kulën'kuwaangë, naandi wulënyotëkënë beenë. Tiilyoko, naandi wulëzolaangë kun'yuwulu.

Liikë 16:15

Yeesu wusë bëkaambë : « Beeno, baatu bën'leesi ti lusulëmë fë meeso më baatu, kasi Nzaambi wuzabisi mitimiinu. Cibilë linë baatu bëm'monë ti like beenë bunenë fë meeso më Nzaambi ciimë kwaandi vwiili. »

1 Koleentë 4:5

Mu lyaawu, lufundisyaanu muutu ko, ntetë ntaangu bëzitikë kufwaanë i fanë fën'kwisilë Fumu: wun'cyenisi binë biswaamë ku citoombi i wun'zabikini simbalulu siswaamë si n'timë baatu. Oboobo kadë muutu wun'tambulë ke Nzaambi ludumu lufwenikini.

Mëvaangë 22:12

Kwaawu kwabë libakëlë lin'viipë Ananyaasë, wabë wusulëmë bo bën'kwendilë n'kaakë, Sizwiifë syooso bë livulë bëlën'tubilaangë cimbaanji ciboti.

1 Za 4:1

A sindiku syaami, nutelaanu maanë ko mu baatu bakë booso bën'tubë ti batambulë Ciluunzi, kasi bëseenjyaanu mu kubakulë ningë ciluunzi cike yaawu cyafuminë ke Nzaambi. Boobo, mpaapë mibici yi lupuutu batyamukë bweendë nyalu-n'toto.

1 Timotee 5:2

bëcyeetu bavyookë mpuungë buke bë maamë i bilesi bëcyeetu dedë mweekë baanë baaku bëcyeetu, yimunë bulyomisi bufwanëkënë.

Liikë 23:50

Wabë libakëlë nkuumbu Zozeefë. Naandi wabë musë Alimaatë, livulë li Sizwiifë, i naandi wabë muutu wumboti i wusulëmë, i wabë civuufu mu yin'sulu lu Lwaangu lu Nzaambi. Naandi wabë mu cinzonzi ci Sizwiifë, kasi wusye vitikë kuve mpangulu yinë bayaandi bëzitikë kuvaangë.

1 Timotee 3:4

Naandi fwenikini kutumi buboti liziku lyaandi i baanë baandi bëfwenikini kun'vitikilë mu luciinzu looso.

Mëvaangë 6:3

Mu lyaawu a baanë yaami bë nguli, solaanu fë meeyiinu saambwali li bëbakëlë, banë bëke mëvaangë mëboti i banë bëwaalë cimpukë ci Ciluunzi ci Saantu i bungelë. Beeso tubëvaanë cisalu be cyooci.

Matye 22:16

Baawu bisë n'filë bilaanzi byaawu yimunë bo bëke mu cinguuku ci Eloodë, bisë n'kaambë : « A N'loonji, beeso tuzabisi ti njeeyi cyelikë wukeeli i wulë mu ke longilaangë nzilë Nzaambi mu bucyelikë. Boomë ve mu wosuku muutu, cibilë njeeyi wusë n'talaangë bunaangë bu muutu ko.

Ebele 11:2

Mati mu ciminu cyaawu, bëkuluutu bë ntamë bisë monë bumbaanji bu Nzaambi.

1 Timotee 3:11

Bëkasi baawu yivaandi bëfwenikini kuba bëzitëmë i kuleembu kusuungë bayaawu, baawu bëfwenikini kuba bëzitëmë i bën'luungë mu makë mooso.

2 Koleentë 8:18

Yimunë naandi, tusë filë mwaanë nguli wunë bingangë byakë byooso bën'tubilë simboti mu cisalu cyaandi mu Mpolu Mboti.

2 Pyeelë 3:1

A bayaami, yi mwe lusonikinë vyaasi n'kaandë be wuuwu wumwaali. Mu wumweekë i mu wumesi yilë mu kulukwandulë toonzu mu mëlyeelë mu kulutebulë moonyi mu ciluunzi ciinu.

Loomë 14:18

Wo wun'salilë Kliistu mu mpilë oyo, naandi wun'toonzi Nzaambi i wun'vangisi baatu kuba mu liyaanji.