Filiipë 4:5 - N’KANGULU WUMOONË

⁵ Biikë liboti liinu lizabëkënë fë meeso më bakë booso. Fumu mëlookë wiisë.

Filiipë 4:5 Iomraidhean Croise

Matye 6:25

« Bwaawu yilukambilë : Nubacyaanu lusweenu ko mu cibilë ci luziingu lwiinu, kaambofo, mu ndiiwu, vo mu binë lun'wa, keti mu binë lun'vwaatë. Luziingu lusë beenë n'ciinzë ko i ndiiwu i nyitu yisë beenë n'ciinzë ko i n'vwaatu, kanuku bwaawu kwe?

Matye 6:34

Nuyivaanjyaanu lusweenu ko mu cilumbu cin'landëkënë. Licyelikë, cilumbu cilandëkënë cin'siilë lusweenu mu naveekë. Cyosuku cilumbu ke syaandi simpasi. »

Liikë 21:34

« Lwe kebaanu! Nubicyaanu ko mitimiinu kukalilë mu civikë ci misaangu yi kukolë mëlafu, i mu tusweenu tu luziingu be luulu i cilumbu ci Lufundusu kulëzimbukulë,

1 Koleentë 16:22

Ningë wun'viipë wusye zolë Fumu ko, biikë ti naandi kutemukë. Malënaatë – Fumwiitu, yisë!

1 Koleentë 6:7

Licyelikë, lyaambu li kufundësënë benuveekë lin'leesi ti beeno lwabwa n'duumbë. Cibilë-mbici lun'kaambu kuvidilë n'timë mu m'besi? Cibilë-mbici beeno lun'kaambu kuvitikë bëluvokënë byo lubakisi?

1 Koleentë 8:13

Mati mu bwaawu, ningë ke ndiiwu yin'natë mwaanë nguli mu bunzimbu, kanuku-n'to yisë be yilyooso ko mbisi meengë bwiinji yileembu kunatë mwaanë nguli ku bunzimbu.

1 Koleentë 9:25

Baatu booso bën'dumaangë ntiinu bën'vitikaangë n'naku wufwenikini. Baawu bëlivangaangë mu kubakë n'seendo wukaambu ndaandu. Kasi beeso tulivangilaangë mu kubakë n'seendo wukaambu më manunu.

2 Koleentë 10:1

Miveekë Poolë, yilë mu kuluciinzi mu mëleembë i mu buboti bu Kliistu, miinu wo bëtubilë mu bubonzulu bwaami bunë yikelili yimunë beeno, kasi yi n'viingu fë meeso miinu mooti yikeeli yiinu ko. Mu mëleembë i buboti bu Kliistu,

2 Tesaloniikë 2:2

keelaanu kuvangisi ciluunzi ciinu kulengë ba yekësë-yekësë, keti mu boomë ningë muutu bëluzabikini ti cilumbu ci Fumu cyatuukë. Luvitikaanu ko, keti bëlëtubë ti lyaawu lifuminë mu ciluunzi, mu libuungu, keti mu lubiku, kaambofo n'kaandë wun'tubë ti waawu wufuminë ke beeso.

Tiitë 3:2

Keelë baawu kutubilë libi mu muutu, bëfwenikini kuba baatu bë n'sikë i bën'leesi mëboti, kukalilë ntaangu syakë syooso mu mëleembë ke baatu bakë booso.

Ebele 10:25

Tulekulyaanu ko mëbuundu miitu dedë mweekë bën'ka beekë yi ciipë ci kulivaangë. Tiilyoko, twe cindësënyaanu besuveekë yi besuveekë i fanë lum'monë kubelëmë cilumbu ci Fumu.

Ebele 10:37

Licyelikë, bësonikë : « Yivaandi mwa ntaangu, mwa fwaati kwaandi to, i wunë fwenikini kwiisë wun'kwisë, naandi wabelëmë.

1 Pyeelë 1:11

Baawu bisë vaangë mëngolo mu kubakulë teepu mbici i mu luvoto mbici bin'leesi simpangulu siveewu ke Ciluunzi ci Kliistu. Cibilë ti Ciluunzi be cyoocyo cin'leesi mu baawu, wutendulë ntetë simpasi sinë Kliistu kulëmonë i bumpumu bunë bum'ba bwaandi i bun'kwisë.

1 Pyeelë 4:7

Siitu mu makë mooso yabelëmë. Zingilaanu bunë bufwenikini i lwe baanu lutyemunë bwiinji lukalilë mu n'saambu.

Luzabukunu 22:20

Wunë wun'sisiminë cyelikë mu lyaliili wun'tubë : « Ee, miinu kumëzimbukulë yin'kwisë! » Ameenë! Bwe beeli boobo! Yiisë Fumu Yeesu!

Luzabukunu 22:7

« Yuwu, lin'tubë Yeesu, miinu kumëzimbukulë yin'kwisë! Nyeenzi ke banë bën'siimbaangë mëbuungu më lubiku më libuuku be liili. »