Filiipë 2:8 - N’KANGULU WUMOONË

⁸ Naandi wuzolë kuzingilë mu kukulukë i wuleesi buleenvo tee ku lufwa, fë yilu kuluusu.

Filiipë 2:8 Iomraidhean Croise

Za 10:18

Muutu ve wum'podi kum'pokënë luziingu, kasi miinu yi luvaanë mu n'vwiilwaamë. Miinu yike lutumu mu kuvaanë luziingu i mu kube luboongooso. Lya lyoolyo libe fwanëkënë mu n'swa wo Taatë kum'paanë. »

Ebele 12:2

Twe sitikaanu ntalwiitu mu Yeesu, wunë ciminu ciitu cilengililë fë ntonunu i ku siitu. Naandi wucikunë kufwa fë kuluusu, kukaambu kumonë sonyi mu mpilë lufwa be loolo, mu cibilë ci liyaanji linë bën'swekilë. Buyifanwabu, naandi wuvwaandë ku mëbakëlë më ntaanzi Nzaambi.

Loomë 5:19

Bwaawu, mu cibilë ci muutu mweekë wukaambu kuwulu Nzaambi mpaapë baatu bëbwa mu lisumu, bo bumweekë, mu cibilë ci luciinzu lu muutu mweekë, mpaapë bisë ba bësulëmë fë nduunzi Nzaambi.

1 Pyeelë 2:24

Mu nyitwaandi naveekë, wunatë mësumu miitu fë kuluusu, bwiinji beeso tufwa mu linë lin'talë lisumu i beeso tuzingilë mu luziingu lusulëmë. Mu simbumë syaandi mwaawu beeno lwabë lubelukilë.

1 Pyeelë 3:18

Licyelikë, Kliistu naveekë wumonë simpasi vyaasi mweekë cimëkulu mu mësumu më baatu, naandi wabë mpeembi yi mpeeso, wufwiilë mu bivadë-mbi bwiinji wubënatë ke Nzaambi. Naandi bën'voondë, kasi Ciluunzi ci Saantu cin'vulumunë.

2 Koleentë 8:9

Cibilë, beeno luzabisi muulë wu Fumwiitu Yeesu Kliistu : wunë wabë cisinë i wusë kuba ciyeembi mu cibilë ciinu, bwiinji luba bisinë mu buyeembi bwaandi.

Matye 26:39

Naandi wusë kwakënë mwa cinaanu, wusë kudikë mbuunzu fë n'toto i wusë sambilë Nzaambi : « A Tataami, ningë wum'podi, kwakini yaami mbuungu lusweenu! Kasi, yaaku bo yizolisi ko, vandi kasi bo wulizolisi. »

Mëvaangë 8:33

Bën'vangisi sisonyi i wusye bakë lufundusu ko. Nani wum'podi kutubilë mu sindaandu syaandye? Cibilë bavangisi luziingu lwaandi kusiitë fë yilu butoto. »

Tiitë 2:14

Naandi wuyivakulë naveekë mu besubooso, mu kutuvuuci mu mëbi mooso. Kutuvangisi kuba mboongu yi lyoomë yinë kubakisi i yike buvavambë mu mëvaangë mëboti.

Ngalaatë 3:13

Kliistu, abu kutuyobulë mu lusifu lu n'kaakë, wucitukë mu beeso lusifu, cibilë busonëmë : « Lusifu mu wosuku muutu wunë wubaandu fë n'ti. »

Za 14:31

Kasi bufwenikini buloongo kuzaabë ti miinu yibe zoolë Taatë i yin'vaangaangë dedë mweekë Taatë wukun'tumë. Telëmaanu, twe yendyaanu! »

Za 15:10

Ningë lube luundë tutumu twaami, beeno lun'kangëmë mu luzolo lwaami, dedë mweekë yiluundë tutumu tu Tataami i miinu yikangëmë mu luzolo lwaandi.

Matye 26:42

Naandi kwe yakini vyaasi yimwaali i wusë sambilë : « A Tataami, mooti mbuungu ayi kupodi ve kwakënë yaami kaambu miinu kuyinwa, biikë n'vwiilwaaku we vangini. »

Matye 17:2

Naandi wusë citukë fë meeso maawu. Ciinyi cyaandi kungalëmë buke muunyi, n'vwaatwaandi kumanikë mpeembi buke cyeseesë.

Za 4:34

Yeesu wutubë : « Ndiiwaami mati mu kuvaangë n'vwiilu yi wo wukun'filë i mu kumanisi cisalu cinë wukum'paanë.

Liikë 9:29

Bunë naandi kwabë mu kusambilë, ciinyi cyaandi cisë citukë i n'vwaatwaandi wusë manikë mpeembi yi kwaatë-yekë.

Ebele 12:4

Cibilë, mu n'zingwiinu yimunë lisumu, beeno lubuunë vyaasi kunwaanë tee yi kunë lufwa.