Filiipë 2:2 - N’KANGULU WUMOONË

² Oboobo, m'putulilaanu liyaanji lifwenikini mu nyuwuswiinu, zolësënaanu bo bumweekë mu lubundunu lu n'timë i simbalulu.

Filiipë 2:2 Iomraidhean Croise

Za 3:29

Muutu wubakisi n'kasi, naandi na n'nuni, kasi ndiku n'nuni wutelëmë fëke naandi i mu kun'kuwu i naandi ke liyaanji mu kuwu mbeembu yi n'nuni. Nyeenzi be yooyo yaami miinu i yaawu yifwanëkënë.

Mëvaangë 1:14

Bakë booso fë cimweekë bëlëkukumaangë kadë ntaangu mu kusambilë, yimunë bëcyeetu, yimunë Maali mamë Yeesu i sinkoombë si Yeesu.

Mëvaangë 2:1

Bunë cilumbu ci n'saangu wu Pantekootë cyatuuci, bitamaanë byooso bëyidukënë fë cimweekë.

Mëvaangë 2:46

Bilumbu byakë byooso, baawu bëlë dukunaangë mu n'zo-Nzaambi. Baawu bëlëkabësënaangë i bëlëkwambulaangë ndiiwu mu sinzo syaawu mu liyaanji lyooso i mu n'timë wutukukë.

Mëvaangë 5:12

Mimbunzi bëlëvaangaangë biliimbu i bimaaku bi kwaatë-yekë munë katyaasi ku baatu. Bitamaanë byooso bëlëdukënaangë ku Mwaanzë wu Salomoonë.

Loomë 12:16

Lwe baanu muutu mweekë benuveekë yi benuveekë. Leembwaanu kuyizanjikë, kasi cikunaanu bisalu bike kwaandi vwiili. Keelaanu kuyileesi ti beeno bangë bungelë.

1 Koleentë 1:10

Baanë bë nguli, beeno yin'loombë mu lizinë li Fumwiitu Yeesu Kliistu : yuwusënaanu, nubaanu ko yi butaandu mu benuveekë. Lwe baanu muutu wumweekë, mbalulu mweekë, ciminu cimweekë.

2 Koleentë 13:11

Buyifanwabu, baanë bë nguli, yeyeyee! Lwe baanu lulyoomë, cindisyaanu bitu benuveekë yi benuveekë, lwe yuwusënaanu, zingilaanu mu n'sikë i Nzaambi luzolo i n'sikë wum'ba yiinu.

2 Koleentë 2:3

Miinu yasonikinë lyaliili bunë yalivangilë: yisë n'zolë ko, mu lwisulu lwaami ke beeno, kuba mu cyuundë ke banë bëfwenikini kum'pangisi kuba mu liyaanji. Miinu yaviisi licyelikë ti ningë yike mu liyaanji, beeno yiviinu lum'ba mu liyaanji.

2 Koleentë 7:7

Yaaku tokë mu lwisulu lwaandi mwa mwavangininë lyalyooli, kasi yivaandi mu n'zisyaandi mu mpilë yo beeno lwacindisi. Naandi wusë tukaambë n'ciinziinu mu kube kum'monë, mu cyuundë ciinu, mu buvavambë bwiinu mu kun'nwaninë. Mu bwaawu, talaanu buni nyeenzyaami yekeeli yinenë.

Filiipë 1:4

Sivyaasi syakë syooso yin'sambilaangë mu benubooso, mu nyeenzi yilivangilaangë,

Filiipë 2:16

mu ke bëleesyaangë saangu luziingu. Mu lyaawu, miinu yim'ba yi bipali mu beeno mu cilumbu ci lwisulu lu Kliistu, cibilë cisalu cyaami i simpasi syaami bisë m'ba binyungulë ko.

Filiipë 2:20

Naandi vwiili wulë mu kukabënë miciinzaami i kuba lusweenu lu cyelikë mu beeno.

Filiipë 4:2

Evodi i Sintisë, miinu yilë mu kuluciinzi, zingilaanu mu nyuwusunu mu lubundunu yimunë Fumu.

Koloosë 2:5

Keti miinu yilëkwakënë yiinu mu nyitu, miinu yike fë kumë liinu mu ciluunzi i yike mu nyeenzi mu kulumonë luciindë mu ciminu ciinu mu Kliistu.

2 Tesaloniikë 2:13

A baanë bë nguli, beeso tusë n'leembu kutoondë Nzaambi ko mu cibilë ciinu, beeno bo Fumu kuzolisi. Cibilë Nzaambi walusoolë cin'tetë, bwiinji beeno luvuukë mu mëkanë më Ciluunzi ci Saantu, cinë ciluvangisi kukalilë mu luziingu lu saantu i mu mëkanë më ciminu ciinu mu bucyelikë.

2 Timotee 1:4

Miinu yatebukë moonyi mu mësweelë maaku i yin'vwa n'ciinzë beenë mu kube kumonë bwiinji yiba mu liyaanji.

Filëmu 1:20

A ndikwaami, mu luzolo lu Fumu, ciinzi n'timaami mu cintwaali ciitu mu Kliistu.

2 Za 1:4

Miinu yabë mu liyaanji mu kumonë ti mpooko baanë baaku bën'zingilaangë mu cyelikë, bunë Taatë Nzaambi kututuminë.

3 Za 1:4

Cyosuku ve ci kum'pangisi kuba mu nyeenzi mu kuzaabë ti baanë baami bën'zingilaangë bunë bwaawu mu bucyelikë.