Filiipë 2:1 - N’KANGULU WUMOONË

¹ Bundiku bwiinu yimunë Kliistu buke mu kuluvaanë lunkanvi? Luzolo lwaandi luke mu kuluvangisi kuciinde? Beeno luke cintwaali yimunë Ciluunzi ci Saantu? Beeno luke yi luzolo i buutu mu benuveekë yi benuveekë?

Filiipë 2:1 Iomraidhean Croise

Liikë 2:25

Ku Yelusaleemë kwabë muutu mweekë mu lizinë li Simeyoonë. Naandi wabë muutu wusulëmë i wabë sisu mu Nzaambi. Naandi wulëciingaangë muutu wunë Nzaambi wufilë mu kuvuuci mboongu Islayeelë. Ciluunzi ci Saantu cyabë yaandi

Za 14:18

Miinu yisë lubiikë benuveekë ko dedë mweekë baanë bësyaanë. Miinu yin'vutukënë ke beeno.

Za 14:27

« Mati n'sikë yalubikilë, mati n'sikaami yaluvaanë. Miinu yisë luvaanë waawu ko dedë mweekë buloongo bun'vaninaangë. Keelaanu lulë kalilë mu lusweenu i boomë.

Za 17:13

Buyifanwabu, miinu yilë mu kwiisë ke njeeyi. Miinu yilë mu kutubilë boobo cibilë ti yicili mu buloongo, bwiinji baawu bëba baveekë mu liyaanji, liyaanji like deku-dekoo.

Mëvaangë 2:46

Bilumbu byakë byooso, baawu bëlë dukunaangë mu n'zo-Nzaambi. Baawu bëlëkabësënaangë i bëlëkwambulaangë ndiiwu mu sinzo syaawu mu liyaanji lyooso i mu n'timë wutukukë.

Mëvaangë 4:32

Nkoongë yooso yi bitamaanë babë deku-dekoo, n'timë mweekë i mbalulu si mweekë. Mu baawu, wun'viipë ve wulëpodi kutubaangë: byo yibakë byaami miveekë. Kasi mu baawu, byakë byooso bëbakë, byabë bi n'twaali.

Loomë 5:5

Civuufu be cyooci cisë tufwiisi sonyi ko, cibilë Nzaambi wudukulë luzolo lwaandi mu mitimiitu mu Ciluunzi ci Saantu cyo naandi kutuvaanë.

Loomë 8:26

Bo bumweekë yivaandi, Ciluunzi wutuzudyaangë, cibilë beeso tudekë. Cyelikë tusye zaabë ko kusambilë bo bufwenikini. Kasi Ciluunzi naveekë wun'sambililë mu beeso yimunë tubondululu tukaambu cikumë cikutubë.

1 Koleentë 12:13

Beeso booso, Sizwiifë kaambofo bo bëkeeli ko Sizwiifë, bëndongo kaambofo baatu bësyalulu, beeso tutambulë lubatizyaalu mu kuba nyitu mweekë mu Ciluunzi ci Saantu cyo cimweekë i beeso booso tunwiinë mo mu Ciluunzi cyo cimweekë.

1 Koleentë 15:31

Baanë bë nguli, kadë cilumbu miinu yim'biindwaangë lufwa: licyelikë yivaandi yike yi lunyemu mu beeno mu lubundunu yimunë Kliistu Yeesu Fumwiitu.

1 Koleentë 3:16

Beeno luzabisi cibeeni ti n'zo-Nzaambi lukeeli i Ciluunzi ci Nzaambi cin'zingilë mu beeno.

2 Koleentë 2:14

Kasi mpumu ke Nzaambi, cibilë naandi wutunataangë kadë vyaasi mu ludumu lu kulungilë livitë mu Kliistu. Mu beeso, naandi wun'zabikini Kliistu mwakë mooso, dedë mweekë yaafë yi nfiimbu yinyambë mwakë mooso.

Ngalaatë 4:6

Mu kuleesi cyelikë ti beeno baanë bë Nzaambi lukeeli, Nzaambi wusë filë mu mitimiitu Ciluunzi ci Mwanaandi, Ciluunzi cin'losukaangë: « Abaa, Aa Tataami! »

Ngalaatë 5:22

Kasi Ciluunzi ci Saantu wun'vanaangë luzolo, liyaanji, n'sikë, mpungë-moonyi, bwalëkisi, n'timë m'boti, lusulumunu,

Efeesë 4:4

Nyitu mweekë i Ciluunzi ci Saantu cimweekë, bo bumweekë bukelili civuufu cimweekë cinë Nzaambi kwalutelilë.

Filiipë 1:8

Nzaambi wulë mbaanjyaami : miinu yiluzolisi benubooso, yimunë luzolo lunenë mu Kliistu Yeesu.

Filiipë 3:3

Cibeeni, mati beeso tukeeli yi lubukulu lu cyelikë, cibilë beeso tuke mu kusalilë Nzaambi mu Ciluunzi, beeso tuke yi binyemu bo tukeeli mu Yeesu Kliistu. Beeso tusë n'siilë lufyaatu lwiitu ko mu lubaku lu n'sunyi.

Koloosë 2:2

Miinu yin'vwa n'ciinzë ti mitimaawu yiba yiciindë, bëba muutu mweekë mu luzolë i bëwaalë mu lufyaatu lun'vaanë mëlubu mëcyelikë. Boobo, baawu bën'zaabë liviindë li Nzaambi, mati naveekë Kliistu :

Koloosë 3:12

Beeno lweekë mboongu Nzaambi. Nzaambi walusoolë i naandi waluzolë. Mati mu lyaawu beeno lufwenikini kuba yi n'timë wumboti, bwalëkisi, kukulukë, bubonzulu i mpungë-moonyi.

Ebele 6:18

Maambu mwaali baatu kupodi ve kuviinji, mu maawu Nzaambi kupodi ve kupuutë. Mu bwaawu beeso twabakë ciswamunu mu naandi, beeso twaciinzi biitu mu kutatëminë mu civuufu cinë kutuzabikini.

1 Pyeelë 1:2

Nzaambi Taatë, walusoolë bunë bufwenikini mu n'vwiilwaandi kuzitikë ntamë. Naandi wulutuulë ku nteku, mu cyeesi ci Ciluunzi ci Saantu bwiinji beeno luba sisu mu Yeesu Kliistu i lwe ba lulyoomë mu meengë maandi. Muulë i n'sikë biluveewu yinë lunduu.

1 Za 3:24

Wunë wun'sweekë tutumu tu Nzaambi wun'kalilë mu lukubu lu Nzaambi i Nzaambi ke mu naandi. Mu boobo, mwaawu twabakulë ti naandi wuke yiitu : mu cibilë ci Ciluunzi cyaandi kutuvaanë.

1 Za 4:12

Muutu ve wumonë vyaasi Nzaambi. Vandi, ningë tube zolësënë besuveekë yi besuveekë, Nzaambi ke yiitu i luzolo lwaandi lucyelikë lum'monikë deku-dekoo mu beeso.

1 Za 4:16

Beeso tuzabisi i tun'ta lyaanë ti Nzaambi be tuzolë. Nzaambi luzolo. Wunë wun'kalilë mu luzolo, wun'kalilë mu Nzaambi i Nzaambi yivaandi wun'kalilë mu naandi.