Filiipë 1:21 - N’KANGULU WUMOONË

²¹ Cibilë mu miinu, luziingu mati Kliistu, i lufwa m'bakë.

Filiipë 1:21 Iomraidhean Croise

1 Koleentë 1:30

Kasi Nzaambi wulubuundë yi Kliistu Yeesu i naandi wavaangë mu Kliistu bungelë bwiitu: mati Kliistu watuvangisi kusulëmë fë nduunzi Nzaambi, wutuvangisi beeso kuzingilë mu Nzaambi i mu kutukobulë mu lisumu.

1 Koleentë 3:22

Poolë, Apoloosë, kaambofo Pyeelë, keti buloongo, luziingu, kaambofo lufwa, buyifanwabu, kaambofo ntwaalë yikwisë, byakë byooso biinu.

2 Koleentë 5:1

Cyelikë, tuzabisi ti ningë cinzwananë cinë beeso tulë mu kuzingilë – nyitwiitu yi n'sunyi – yin'tulukë, Nzaambi wutubelikilë n'zo ku mëyilu, yaaku ti n'zo yituungë baatu, kasi yo yin'ziingë tee yi tee.

2 Koleentë 5:6

Mu bwaawu, beeso tuwaalë n'viingu. Beeso tulizabisi ti ntaangu syooso tun'kalilë mu nyitu be yooyo, beeso cinaanu tukeeli yi n'zo Fumu,

2 Koleentë 5:8

Beeso tuwaalë n'viingu i twavwa n'ciinzë kubotukë mu n'nyitu be yiiyi mu kwe kalë fë kumë li Fumu.

Ngalaatë 2:20

Oboobo, yaaku ti miinu yilë mu kuziingë, kasi Kliistu naandi wulë mu kuziingë mu miinu. Cibilë luziingu lwaami lu bubwayi, yin'zingilë lwaawu mu ciminu mu Mwaanë Nzaambi wunë wube kun'zolë i wuvaanë luziingu lwaandi mu miinu.

Ngalaatë 6:14

Mu miinu, yilë mu kuyituunvi tokë mu cibilë ci kuluusu yi Fumwiitu Yeesu Kliistu. Mu lyaawu, mu cibilë ci kuluusu buloongo bu syeelyooso ko n'ciinzë mu miinu i yeekë buke muutu wufwa mu buloongo.

Filiipë 1:20

Mu bwaawu, linë yilë mu kuviingë i yasiilë civuufu cinenë, miinu yisë m'monë sonyi ko. Tiilyoko, buyifanwabu dedë mweekë sintaangu syakë syooso yimunë lufyaatu looso miinu yin'leesi bunenë bu Kliistu mu nyitwaami yooso, keti yilë ziingë keti yilë fwa.

Filiipë 1:22

Kasi ningë kubweelë kuziingë yikum'panooso likanë mu kusalë cisalu ci njiinji, oboobo, miinu yisye zaabë ko li kusoolë.

Filiipë 1:23

Bideenzë byooli bivyakënë bilë mu kun'kwamisi: miinu yizolisi kubikë luziingu be luulu, mu kuba yimunë Kliistu, lyalyooli lyaawu livyokilili buboti.

Filiipë 2:21

Bëmesë babë mu lusweenu mu miciinzaawu i yaaku ti mu cibilë ci Yeesu Kliistu.

Koloosë 3:4

Luziingu lwiinu lu cyelikë, mati Kliistu i bunë naandi wum'monikë, foofo beeno yiviinu lum'monikë yimunë naandi mu bumpumu bwaandi.

Luzabukunu 14:13

Miinu yisë kuwu mbeembu yifuminë ku yilu yisë tubë : « Sonikë mëbuungu be maamë : “Nyeenzi ke banë buyifanwabu bën'fwiilë mu cisalu ci Fumu!” — “Cibeeni, nyeenzi mu baawu, bun'tubilë Ciluunzi. Baawu bëm'bakë luvundulu mu bisalu bingolo basalë, cibilë liboti linë baawu bëvangisi li bëlaandë!” »