Filiipë 1:11 - N’KANGULU WUMOONË

¹¹ Beeno lum'ba bisinë bi mësalulu mësulëmë mën'fuminë mu beeno mu Yeesu Kliistu, mu bumpumu i ludumu lu Nzaambi.

Filiipë 1:11 Iomraidhean Croise

Matye 5:16

Mati bwaawu bufwenikini cyeseesë ciinu cin'lesikë fë meeso më bakë booso, bwiinji bakë booso bëmonë bisalu biinu i bëdumisi Tatiinu wuke ku mëyilu. »

Za 15:16

Yaaku beeno kuve lukun'soolë, mati yilusoolë. Miinu yilufilë mu kweendë, mu kubutë likuundi i likuundi lin'ziingë. Bwaawu, Taatë wuluvaanë makë mooso manë lukun'loombë mu lizinë lyaami.

Za 15:2

Naandi wum'botulaangë bitafi byooso binamë mu miinu bin'kaambu kuvaanaangë mëkuundi, kasi wun'cyelaangë, wun'cyeesyaangë kadë citafi cinë cin'vaanaangë mëkuundi bwiinji cibweelë kuvaanë mëkuundi.

Za 15:8

Talaanu buni bumpumu bu Taatë bum'monikinaangë : mooti beeno lun'vaanë mpaapë mëkuundi i beeno lukuyileesi ti bilaanzi byaami.

Loomë 15:28

Bunë miinu yim'manë cisalu aci i yibëvaanë mbutë lukonunu, yin'kwendë ku Espaanë i yin'tabilë ke beeno.

Loomë 6:22

Kasi abu lwakobukë mu lisumu i lwacitukë bëndongo bë Nzaambi. Beeno lun'kalilë mu luziingu lu busaantu i lun'tambulë fë siitu luziingu lu sakë yi sakë.

1 Koleentë 10:31

Bwaawu, keti lulë lya, lulë nwa, keti lulëvaangë lyosuku, vangaanu makë mooso mu bumpumu bu Nzaambi.

2 Koleentë 9:10

Nzaambi wun'vanaangë cikunu ke n'vasi i limpa linë li kun'likilaangë, wuluvaanë cikunu cyooso cinë beeno lun'toombë i wucivangisi kumënë, bwiinji liyaanji liinu libutë mpaapë mëkuundi.

Efeesë 1:12

Tudumisyaanu bunenë bu Nzaambi, beeso tubeelë ntetë kutuulë civuufu ciitu mu Kliistu!

Efeesë 1:14

Ciluunzi ci Saantu cituvaanë cikuuku ci mëboti mo Nzaambi wulundilë mboongwaandi. Naandi wutuvisilë ti beeso tum'bakë byaawu bunë luvukulu lwiitu lum'ba kongëloo. Tudumisyaanu bunenë bu Nzaambi!

Efeesë 2:10

Mu lyaawu, mati Nzaambi na wutuvaangë. Naandi wutuvaangë mu lubundunu lwiitu yimunë Yeesu Kliistu, bwiinji luziingu lwiitu lumonikë mu bisalu bimpaapë biboti, binë kubelikilë faanë yi faanë bwiinji tu mësalilë.

Efeesë 5:9

Cibilë cyeseesë cin'vandikë cyosuku ciboti, cisulëmë i ci cyelikë.

Filiipë 4:17

Yaaku ti miinu yitoombë kutambulë mëkabu, kasi yin'tiisi ti lukulë lubweelu mu mbakiinu.

Koloosë 1:10

Bwa boobo, beeno lufwenikini kulyaatë yi bunketë booso fë meeso më Fumu, ke vaangaangë ntaangu syooso manë naandi kuzolisi. Beeno lun'vaangë mpilë yi mpilë yaandi mëvaangë mëboti i lun'kulilë mu luzaabu lu Nzaambi.

Koloosë 1:6

Mpolu Mboti yinyambë i yaawu yin'vaanë mëkuundi mu buloongo n'viipë, mpilë mweekë yivaandi yaawu yivaangë fë meeyiinu kutoninë cilumbu cinë vyaasi yin'tetë, beeno luyuwu bunë bëtubilë mu muulë Nzaambi i lusë bakulë bunë lyaawu likelili cyelikë.

2 Tesaloniikë 1:12

Oboobo, lizinë li Fumwiitu Yeesu lin'zanjiku mu beeno i beeno lun'zanjiku ke naandi. Bwaawu bum'beelë muulë wu Nzaambiitu i wu Fumu Yeesu Kliistu.

Tiitë 3:14

Mu boobo, bufwenikini, baatu biitu bësinu mu kuyivaanë mu mëvaangë mëboti, bwiinji bëzudi banë bëke beenë mu n'ciinzë i kunatë luziingu lukaambu nyungulë.

Ebele 12:11

Mooti batuseembë, tum'balë mu ntaangu mweekë, lyaawu lituvangisi kuba mu cyuundë yaaku ti liyaanji. Ku ntwaalë yikwendë, banë batambulë mpilë ndongulu oyo, bëm'byalilë : n'sikë wubundënë mu luziingu lusulëmë.

1 Pyeelë 2:12

Lwe baanu mëvaangë mëboti fë meeyi banë bëkaambu kuta maanë. Mu bwaawu, keti baawu bëlusuungë mu ke lutelaangë bivadë-mbi, baawu bën'zaabë mëvaangë miinu mëboti i mu kudumisi Nzaambi cilumbu cyo kun'kwisilë.

1 Pyeelë 2:5

Lwe mboonjyaanu benuviinu ciikë, dedë mweekë ti mëmanyi më moonyi, mu n'tungulu n'zo-Nzaambi yi cimpeefë. Beeno lun'vaangë nkoongë singangë-Nzaambi siyituunvi mu Nzaambi. Beeno lukun'vaanë bivakuli bi cimpeefë bim'ba biboti mu Yeesu Kliistu.

1 Pyeelë 2:9

Kasi beeno likaandë lisoolu, singangë-Nzaambi si N'tinu, buloongo bulyoomë, mboongu yi Nzaambi. Naandi wulubotulë ku citoombi mu kulunatë ku cyeseesë cyaandi ciboti, bwiinji lutendulë mëvaangë maandi më kwaatë-yekë.

1 Pyeelë 4:14

Ningë bëbe lufiingë cibilë ti beeno bilaanzi bi Kliistu, nyeenziinu oyo, cibilë Ciluunzi ci bumpumu ci Nzaambi cike mu beeno.