Filëmu 1:6 - N’KANGULU WUMOONË

⁶ Miinu yin'loombë ke Nzaambi ti ciminu cike cintwaali yimunë beeso ciba ciciindë mu njeeyi mu kuzabikini mëboti makë mooso mu luziingu lwiitu yimunë Kliistu.

Filëmu 1:6 Iomraidhean Croise

Matye 25:16

Melengë-lengë, ciseelu citambulë binkongulu bi taanu kweendë, ke sasi i wusë bakë binkongulu bi taanu bin'ka.

Matye 5:16

Mati bwaawu bufwenikini cyeseesë ciinu cin'lesikë fë meeso më bakë booso, bwiinji bakë booso bëmonë bisalu biinu i bëdumisi Tatiinu wuke ku mëyilu. »

1 Koleentë 14:25

Simbalulu syaandi siswaamë sim'monikë fë ciyalëlë. Mu lyaawu, naandi wun'kudikë nduunzi fë n'toto i wun'kuundë Nzaambi mu ntubulu ayi : « Cyelikë Nzaambi ke yiinu. »

1 Koleentë 16:9

Cibilë luvoto luboti yabakë mu kuyivaanë mu cisalu ciboti, bosuku simbeenyi silë ba mpaapë.

Filiipë 4:8

Oboobo, baanë bë nguli, talaanu linë lifwenikini kutiisi binë biboti i bifwenikini kudumu: mu makë mooso mëcyelikë, mëcinzëmë, mësulëmë, mëlyoomë, mënyeefë i mëzangëmë.

Koloosë 1:9

Mu bwaawu, tusë n'leembu ko mu kusambililë mu beeno, kutoonë cilumbu cinë tuyuwu mo kutubilë mu beeno. Beeso tun'loombë ke Nzaambi mu kuluzabikini n'vwiilwaandi, cibilë bungelë booso i mu mëlyeelë mën'veewu ke Ciluunzi cyaandi.

Koloosë 3:10

i beeno lwavwaatë luziingu lumoonë : beeno lweekë baatu bëmonë banë Nzaambi, N'vaanjiitu, wun'fikulaangë ntaangu syakë syooso mu cifwiifu cyaandi, bwiinji lun'zaabë buboti.

Tiitë 3:14

Mu boobo, bufwenikini, baatu biitu bësinu mu kuyivaanë mu mëvaangë mëboti, bwiinji bëzudi banë bëke beenë mu n'ciinzë i kunatë luziingu lukaambu nyungulë.

Ebele 6:10

Nzaambi wukeeli yi n'soci ko. Naandi wusë n'zimbëkënë ko cisalu ciinu, kaambofo, luzolo luleesi mu naandi, mu bisalu binë luvangisi i lucilë n'vaangooso ke bitamaanë bimesi.

Zaakë 2:14

A baanë bë nguli, mbici bivyokilili mu muutu mu kutubë : « Miinu yike ciminu », ningë naandi wusë yileesi ko mu mëvaangë maandi? Ciminu ocyo podi kun'vuuci?

Zaakë 2:17

Dedë mweekë ciminu cikaambusu mëvaangë, cyaawu cifwa.

1 Pyeelë 2:12

Lwe baanu mëvaangë mëboti fë meeyi banë bëkaambu kuta maanë. Mu bwaawu, keti baawu bëlusuungë mu ke lutelaangë bivadë-mbi, baawu bën'zaabë mëvaangë miinu mëboti i mu kudumisi Nzaambi cilumbu cyo kun'kwisilë.

1 Pyeelë 3:1

Benuviinu bëcyeetu, lwe cinzikaanu bënuni biinu, bwiinji mooti wun'viipë mu baawu kusë n'ta maanë ko mu libuungu li Nzaambi, mu ndyatulwiinu, bwiinji bëba yi ciminu. Mëbuungu miinu misë m'ba kwaandi n'ciinzë ko.

1 Pyeelë 3:16

Kasi vangilaanu lyaawu mu mëleembë i luciinzu. Lwe baanu simbalulu silyoomë bwiinji bo bëlusuungë mu nyendulwiinu yi mboti bëfwa sonyi mu tusuungu twaawu.

2 Pyeelë 1:8

Licyelikë mooti beeno luke mpilë mpangulu oyo i ningë lube salilë bwaawu, biluvaanë n'viingu mu kuluvangisi kukulë mu luzaabu lu Fumwiitu Yeesu Kliistu.