Efeesë 4:3 - N’KANGULU WUMOONË

³ Lwe vangaanu mëngolo mu kukalilë mu lyukunë lin'veewu ke Ciluunzi ci Saantu mu n'sikë wulubuundë benuveekë yi benuveekë.

Efeesë 4:3 Iomraidhean Croise

Malëkë 3:24

Mooti lwaangu lukabukë lwaveekë yi lwaveekë, lwaawu kuzingilë bunye? Lwaawu mëzingulu mpa.

Za 13:34

Miinu yakuluvaanë n'kaakë wumoonë : zolësënaanu benuveekë yi benuveekë. Lufwenikini kuzolësënë benuveekë yi benuveekë bo yiluzolilë.

1 Koleentë 1:10

Baanë bë nguli, beeno yin'loombë mu lizinë li Fumwiitu Yeesu Kliistu : yuwusënaanu, nubaanu ko yi butaandu mu benuveekë. Lwe baanu muutu wumweekë, mbalulu mweekë, ciminu cimweekë.

2 Koleentë 13:11

Buyifanwabu, baanë bë nguli, yeyeyee! Lwe baanu lulyoomë, cindisyaanu bitu benuveekë yi benuveekë, lwe yuwusënaanu, zingilaanu mu n'sikë i Nzaambi luzolo i n'sikë wum'ba yiinu.

Efeesë 4:13

Mu bwaawu, beeso booso tum'ba fë cimweekë mu lubundunu lu ciminu mu luzaabu lu Mwaanë Nzaambi. Beeso tum'ba baatu bëyelë, bakundukë mu n'telë wun'fwanëkënë deku-dekoo yi Kliistu.

Efeesë 4:4

Nyitu mweekë i Ciluunzi ci Saantu cimweekë, bo bumweekë bukelili civuufu cimweekë cinë Nzaambi kwalutelilë.

1 Tesaloniikë 5:13

Bëleesyaanu mpaapë luciinzu i luzolo, mu cibilë ci cisalu cyaawu. Benuveekë i benuveekë zingilaanu mu n'sikë.

Ebele 12:14

Vaangaanu buumë mu kuba mu n'sikë yimunë baatu bakë booso i kuba yi luziingu lu busaantu. Kasi kukaambu lyalyooli, wun'viipë ve wum'monë Fumu.