Efeesë 4:2 - N’KANGULU WUMOONË

² Lwe baanu yi bubonzulu, luvuundë i mpungë-moonyi. Lwe vitikësënaanu benuveekë yi benuveekë mu luzolo.

Efeesë 4:2 Iomraidhean Croise

Matye 11:29

Boongaanu n'funaami i tambulaanu mëkomini maami, cibilë miinu muungë bubonzulu i yitukukë n'timë. Mu boobo, mwa beeno lum'bakilë luvundulu lu biluunzi biinu.

Malëkë 9:19

Yeesu wusë bëkaambë : « A mboongu baatu yikaambu lufyaatu, tee ntaangu mbici miinu yifwenikini kukalilë yiinwee? Miinu yifwenikini kuciimbë moonyi tee ntaangu mbicye? Natinaanu mwaanë! »

Mëvaangë 20:19

Miinu yisalilë Fumu Yeesu mu bubonzulu booso, yimunë mësweelë fë meeyi simpasi sinë fumu Sizwiifë wulëkum'pangaangë.

Loomë 15:1

Beeso tuciindë mu ciminu, tufwenikini kucikunë banë bëdekë. Tusye fwanëkënë ko kutoombë binë bitutoonzi.

1 Koleentë 13:7

Wunë wuke yi luzolo wun'vitikaangë makë mooso i wun'luundaangë ciminu mu lyosuku lyaambu, civuufu i mpungë-moonyi.

Ngalaatë 6:2

Lwe vangësënaanu mëboti benuveekë yi benuveekë mu ke zudësënaangë : obo, lun'cinzikaanu n'kaakë Kliistu.

Efeesë 1:4

Ntetë buloongo kuvangënë, Nzaambi wutusoolë faanë yi faanë mu kuba baandi mu Kliistu, bwiinji tuba sisaantu bëkaambu lifyooti fë meeso maandi. Mu luzolo lwaandi.

Koloosë 1:11

Beeso tukun'loombë mu kuluciinzi biitu mu makë mooso mu luleendo lwaandi lu bumpumu, bwiinji luciimbë moonyi mu simpekaadu syooso.

1 Timotee 6:11

Kasi njeeyi muutu Nzaambi, kebë makë mooso omo. Toombë n'sulëmunu, lufyaatu mu Nzaambi, ciminu, luzolo, mpungë-moonyi i kuvuundë.

2 Timotee 2:25

wufwenikini kuloongë mu mëleembë mooso banë bëke simbalulu sivyakënë. Nzaambi wum'podi kubëvaanë luvoto mu kubalulë simbalulu syaawu i kuzaabë cyelikë.

Zaakë 1:21

Mati mu lyaawu, bumaanu makë mooso mën'vangisi kusafukë i makë mooso më tuvangisi kuba bubaalu. Lwe taambulyaanu yi bubonzulu libuungu linë Nzaambi wakunë mu n'timiinu, cibilë lyaawu like yi lutumu mu kuluvuuci.

1 Pyeelë 3:15

Kasi, zanjikaanu Kliistu mu mitimiinu dedë mweekë Fumwiinu. Bëlëminaanu, mu kuyikakulë fanë bululoombilë cimbaanji ci civuufu ciinu.

1 Pyeelë 3:8

Oboobo, baanu benubooso simbalulu si mweekë i n'vwiilu wumweekë. Lwe zolësënaanu dedë mweekë baanë bë nguli, kalilaanu mu mëboti i mu bubonzulu benuveekë yi benuveekë.