Efeesë 4:1 - N’KANGULU WUMOONË

¹ Miinu beeno yin'cindisi, abu yikeeli mu buloko mu cibilë ci Fumu, beeno banë Nzaambi kwatelë, zingilaanu mu n'sulumunu mu mbilë be yooyo.

Efeesë 4:1 Iomraidhean Croise

Mëvaangë 9:31

Oboobo, Cingangë cyooso cilëzingilaangë mu n'sikë ku Zudee yakë yooso, ku Ngalilee i ku Samali. Cyaawu cilëciindaangë mu ciminu i cilëzingilaangë mu lutumu lu Fumu, cyaawu cilëkulilaangë mu mëkanë më Ciluunzi ci Saantu.

Loomë 11:29

Licyelikë mëkabu mëcyayuku yimunë mbilë Nzaambi bikeeli mësisukulu ko.

Loomë 12:1

Baanë bë nguli, bo Nzaambi waleesi buboti bwaandi mu beeso, yin'loombë luyiyindulë nyitwiinu dedë mweekë bivakuli bi moonyi, bi saantu, bëbëlikë mu Nzaambi. Mati waawu n'saambu wumboti lukun'vaanë.

1 Koleentë 4:16

Bwaawu, yiluloombë mënaanë, lwe zingilaanu bo buke miinu.

2 Koleentë 10:1

Miveekë Poolë, yilë mu kuluciinzi mu mëleembë i mu buboti bu Kliistu, miinu wo bëtubilë mu bubonzulu bwaami bunë yikelili yimunë beeno, kasi yi n'viingu fë meeso miinu mooti yikeeli yiinu ko. Mu mëleembë i buboti bu Kliistu,

2 Koleentë 5:20

Beeso, tweekë biluumbi bëfilë ke Kliistu i ningë ti naveekë Nzaambi wulutelë mu beeso: tulubondililë, mu lizinë li Kliistu, luvutulaanu lubundunu yimunë Nzaambi.

2 Koleentë 6:1

Oboobo, tulë mu kusalë yimunë Nzaambi, tulubondililë : nulekulyaanu ko muulë wo beeno lwabë lutambulë ke naandi.

Ngalaatë 4:12

A baanë bë nguli, beeno yin'loombë, lubaanu bo buke miinu, cibilë yayivangisi bo buke beeno. Beeno lusye kum'paangë libi ko.

Efeesë 2:10

Mu lyaawu, mati Nzaambi na wutuvaangë. Naandi wutuvaangë mu lubundunu lwiitu yimunë Yeesu Kliistu, bwiinji luziingu lwiitu lumonikë mu bisalu bimpaapë biboti, binë kubelikilë faanë yi faanë bwiinji tu mësalilë.

Efeesë 3:1

Mu lyalyooli, miinu Poolë, yin'vaangë n'sambwaami ke Nzaambi. Miinu yike mu buloko mu cisalu ci Kliistu Yeesu mu cibilë cinë beeno lukeeli Sizwiifë ko.

Efeesë 4:17

Talaanu linë miinu yiluloombë yilusisumunu mu lizinë li Fumu: nuzingilyaanu ko buke bo bëkaambu kuzaabë Nzaambi, simbalulu syaawu sidiifë.

Efeesë 4:4

Nyitu mweekë i Ciluunzi ci Saantu cimweekë, bo bumweekë bukelili civuufu cimweekë cinë Nzaambi kwalutelilë.

Efeesë 5:2

Lwe zingilyaanu mu luzolo, mu cifwaani ci Kliistu wunë wutuzolë i wusë vaanë luziingu lwaandi mu beeso, dedë mweekë likabu i civakuli bike nfiimbu yimboti yin'toonzi Nzaambi.

Filiipë 1:27

Mu bwaawu, lyatilaanu bunë bufwenikini mu Mpolu Mboti yi Kliistu. Oboobo, keti yilë kwiisë mu kulumonë kaambofo yilë kaambu, miinu yin'kuwu ti beeno lukangiminë mu lubundunu mu ciluunzi cimweekë i beeno lun'nwaninë fë cimweekë mu n'timë wumweekë mu ciminu cisikëmë mu Mpolu Mboti.

Filiipë 3:14

Bwaawu, yilë mu kuduminë ntiinu mu kutuukë fë siitu bwiinji yibakë futë ke Nzaambi, mu Yeesu Kliistu, wulë mu kututelë mu kuyitambulë ku yilu.

Koloosë 1:10

Bwa boobo, beeno lufwenikini kulyaatë yi bunketë booso fë meeso më Fumu, ke vaangaangë ntaangu syooso manë naandi kuzolisi. Beeno lun'vaangë mpilë yi mpilë yaandi mëvaangë mëboti i lun'kulilë mu luzaabu lu Nzaambi.

Koloosë 2:6

Mu bwaawu, abu lwavitikë Yeesu Kliistu, dedë mweekë Fumu, lwe ziingilaanu mu lubundunu mu naandi.

Koloosë 4:12

Epafëlaasë, wunë wuke yivaandi wumweekë mu beeno, walubilë. Ciseelu aci ci Yeesu Kliistu kusë n'leembu ko kusambililë mu beeno, bwiinji lubaanu mu lutatumunu, lukulaanu mu cimpeefë i lwe boongaanu lukanyu mu kuvaangë n'vwiilu Nzaambi.

1 Tesaloniikë 2:12

Beeso twalufulë n'viingu i kuluciinzi, twaluloombë yimunë lusisumunu mu kuzingilë bo bufwenikini mu Nzaambi, naandi na walutelë mu kuba ku Lwaangu lwaandi i mu bumpumu bwaandi.

2 Tesaloniikë 1:11

Mati bwaawu, beeso tulë mu kusambilë ntaangu syakë syooso mu beeno. Beeso tun'loombë kuke Nzaambiitu wuluvaanë luziingu lufwenikini lunë kulutelilë. Beeso tulë mu kuloombë mu luleendo lwaandi, wuluzudi mu bideenzë biinu mu kuvaangë mëboti i bwiinji lufyaatu lwiinu luciindë.

2 Timotee 1:9

Mati naandi na wutuvuuci i wututelë mbilë busaantu yaaku ti mu cibilë ci mëvaangë miitu mëboti, kasi mu cibilë cin'vwiilwaandi i muulaandi. Naandi wutuvandikë muulë mu Kliistu Yeesu, faanë yi faanë ntetë buloongo kuvangënë,

Tiitë 2:10

kaambofo, kubëkwiibë cyosuku ciimë. Baawu bëfwenikini kuleesi ntaangu syooso ciminu cyaawu ci cyelikë i mëboti maawu, bwiinji bëzanjikë mu makë mooso liloonji li Nzaambi N'vuuciitu.

Ebele 13:21

Biikë ti Nzaambi wuluvaanë mëkanë më kuvangilë makë mooso mëboti bwiinji luvaangë n'vwiilwaandi. Wuvaangë mu beeso manë mëkun'toonzi mu Yeesu Kliistu, wunë wufwenikini kudumu tee yi tee, Ameenë!

Ebele 3:1

A baanë bë nguli, beeno lubakunu ke Nzaambi wunë wulutelë. Bwa boobo, swiingaanu ntalwiinu ke Yeesu, wunë Nzaambi kufilë i ngangë-Nzaambi wu ciminu wo tuke tendulaangë.

1 Pyeelë 2:11

Sindiku syaami yilë mu kululoombë, fë moongo butoto, beeno luli beeni i bëvyooci: Kebaanu mu bideenzë binsunyi binwanisi buutu bwiinu.

1 Pyeelë 3:9

Nuvutulilyaanu ko libi mu libi, cifiingu mu cifiingu. Tiilyoko, sakumunaanu, cibilë lwaawu lusakumunu lunë Nzaambi wulukanyi bunë naandi kulutelilë.

1 Pyeelë 5:10

Beeno lum'monë yivaandi simpasi fë mwa ntaangu. Kasi Nzaambi cizibë ci muulë wooso, wulutelë mu kubakë yaandi bumpumu bu sakë yi sakë mu lubundunu yimunë Yeesu Kliistu. Naveekë wulucyemisi, wulucindisi, wulufulë n'viingu i wulukasi fë simbaandu siciindë.

2 Pyeelë 1:3

Mu luleendo lu Nzaambi, Fumu watuvaanë byakë byooso bike n'ciinzë mu kuzingilë mu kukangëmë mu Nzaambi. Naandi watuvangisi kuzaabë wunë wututelë mu lubundunu lu cintwaali mu bumpumu bwaandi i mu cisalu cyaandi ci kwaatë-yekë.

2 Za 1:5

Buyifanwabu, tala manë yikuloombë, a N'cyeetu : twe zolësënyaanu besuveekë yi besuveekë. Yaaku ti lutumu lumoonë yilë mu kukusonikënë, vandi lo tutambulë fanë ntonunu.