Efeesë 3:9 - N’KANGULU WUMOONË

⁹ Miinu yifwenikini kunatë cyeseesë kuke baatu booso, bunë Nzaambi kun'lesilë maambu maandi mëswaamë. Naandi na N'vaanji byakë byooso faanë yi faanë, mëkanë maandi mëswaamë,

Efeesë 3:9 Iomraidhean Croise

Matye 10:27

Linë yilukambilë ku fuundu, tubilaanu lyaawu fë ciyalëlë. Linë bëm'bokëtë, tendulaanu lyaawu fë yilu myaanzë.

Matye 13:35

Naandi wulësiilaangë boobo bwiinji buvangënë libuungu litendulë m'bici : « Miinu mba yin'zibulilë munu mu sisasafë, mba yin'tendulë biimë biswaamë kutoonë fanë mpangulu buloongo. »

Matye 25:34

Mu lyaawu, n'tinu wun'kaambë banë bëm'ba ku mëbakëlë maandi : “Yisaanu, beeno lusakumunu ke Tataami. Yibyalilaanu Lwaangu bëbelikilë mu beeno fanë ntonunu buloongo.

Matye 28:19

Lwe yendyaanu ke baatu bë mboongu syakë syooso i lwe bëvaanjyaanu bilaanzi byaami, ke bëbatizyaalaangë mu lizinë li Taatë, li Mwaanë i li Ciluunzi ci Saantu.

Liikë 24:47

i bufwenikini kulongilë mu lizinë lyaandi fë mëkaandë makë mooso, mu kutoninë ku Yelusaleemë. Mu kukaambë baatu mu kubalulë sindyatulu i kutambulë n'leenvu wu mësumu.

Za 10:30

Taatë i miinu, muutu mweekë tukeeli. »

Za 5:17

Kasi Yeesu wubëvutulilë : « Tataami wulë mu kusalaangë tee cibubwayi i miinu yivaamë yilë mu kusalë. »

Za 5:19

Yeesu wusë bëbulë mbeembu i kubëkaambë : « Licyelikë, licyelikë yilukaambë, mati: Mwaanë kupodi ve kuvaangë lin'viipë mu naveekë, naandi wun'vaangaangë tokë manë kum'monaangë ke Tataandi: cibilë manë mëvaangaangë Taatë, Mwaanë yivaandi wuvangilaangë bo bumweekë.

Mëvaangë 15:18

linë wuzabikini ntamë, manë kukanë kuvaangë.”

Loomë 11:25

A baanë bë nguli, yakuluzabikini mpangulu yi mësweeci më Nzaambi, bwiinji luleembu kuyileesi ti beeno bangë bungelë : mwa m'pooku mboongu Islayeelë m'ba yin'kaambu kubakulë tee yi fanë nkoongë yooso yi mëkaandë më si mën'vukilë.

1 Koleentë 2:7

Moniko, beeso tulë mu kutendulë bungelë bu Nzaambi, liviindë liswaamë. Nzaambi wulisoolë faanë yi faanë, mu kutuvangisi kumonë bumpumu bwaandi ntetë buloongo kuvangënë.

Efeesë 1:4

Ntetë buloongo kuvangënë, Nzaambi wutusoolë faanë yi faanë mu kuba baandi mu Kliistu, bwiinji tuba sisaantu bëkaambu lifyooti fë meeso maandi. Mu luzolo lwaandi.

Efeesë 3:2

Beeno luyuwu ti Nzaambi mu buboti bwaandi, wum'paanë cisalu aci mu cibilë ciinu.

Efeesë 6:19

Sambilaanu yivaandi mu miinu, bwiinji Nzaambi wun'nyindulilë bikumë bisulëmë fanë miinu yin'tubilë i yin'zimuninë yi lyaanë lyooso mësweeci më Mpolu Mboti.

Koloosë 1:23

Mu bwa boobo, lufwenikini kukalilë mu ciminu cisikëmë i ciciindë. Kwakënë ve yi civuufu cinë cike yiinu, kutatikilë fanë beeno luyuwu Mpolu Mboti. Mpolu Mboti be yooyo yitendulu mu buloongo n'viipë i mu lyaawu, miinu Poolë, yeekë ciseelu.

Koloosë 1:26

dedë mweekë liviindë beenë lyabë liswsaamë mu sintaangu syooso mu mboongu yooso, kasi naandi walizabikini buyifanwabu ke bitamaanë.

Koloosë 3:3

Cibilë, beeno lwafwa i luziingu lwiinu luswaminë yimunë Kliistu mu Nzaambi.

Koloosë 4:3

Mo mu ntaangu mweekë, sambilaanu yivaandi mu beeso, bwiinji Nzaambi wutuvaanë luvoto luboti mu kuloongë libuungu lyaandi, mu kutendulë liviindë li Kliistu. Mu cibilë be cyooci, miinu yike mu buloko.

2 Tesaloniikë 2:13

A baanë bë nguli, beeso tusë n'leembu kutoondë Nzaambi ko mu cibilë ciinu, beeno bo Fumu kuzolisi. Cibilë Nzaambi walusoolë cin'tetë, bwiinji beeno luvuukë mu mëkanë më Ciluunzi ci Saantu, cinë ciluvangisi kukalilë mu luziingu lu saantu i mu mëkanë më ciminu ciinu mu bucyelikë.

1 Timotee 3:16

Cyelikë, mpakë ve, lyaawu liviindë linenë lim'monikinë mu ciminu ciitu! Kliistu, wumonikë dedë mweekë muutu lu moonyi, wuzabukunu buboti mu Ciluunzi ci Saantu i siyaanzi bisë kum'bilë. Bisë tendulë mpolwaandi mu mëkaandë mooso, wuvitiku mu buloongo n'viipë, naandi wuzanjiku mu bumpumu bu yilu.

2 Timotee 1:9

Mati naandi na wutuvuuci i wututelë mbilë busaantu yaaku ti mu cibilë ci mëvaangë miitu mëboti, kasi mu cibilë cin'vwiilwaandi i muulaandi. Naandi wutuvandikë muulë mu Kliistu Yeesu, faanë yi faanë ntetë buloongo kuvangënë,

2 Timotee 4:17

Kasi Fumu wukun'nwaninë i wum'paanë n'viingu wukutendulë Mpolu Mboti i wukuvangisi banë bëkaambu kuta maanë mu kuwu lyaawu. Wukum'puuci mu munu n'kosi.

Tiitë 1:2

bwiinji baawu bëbakë civuufu mu luziingu lu sakë yi sakë. Nzaambi wun'kaambu kupuutaangë, wutukanyi luziingu be loolo ntetë buloongo kuvangënë.

1 Pyeelë 1:20

Nzaambi wutiisi ti, Kliistu wun'vakulu ntetë buloongo kuvangënë i naandi wuleesi mu liboti liinu mu ntaangu be siisi si siitu.

Luzabukunu 13:8

Baatu booso bë n'toto bëkun'kuundë, bakë booso bo lizinë likaambu kusonëmë, fanë ntonunu buloongo, mu libuuku li luziingu linë like Mwaanë Limemë bëvoondë.

Luzabukunu 14:6

Miinu yisë monë yaanzi yin'ka yinë yilëdumukaangë ku kati ku yilu, naandi wabë yi Mpolu Mboti yi sakë yi sakë yikukaambë ke banë bëlëzingilaangë fë n'toto, ke baatu bë sisi syakë syooso, bifuumbë byooso, simbeembu syooso i mëkaandë mooso.

Luzabukunu 17:8

Cibulu wamonë, ocyo cyabë ntaangu ntamë cimoonyi kasi cicili moonyi ko. Cyaawu cifwenikini kubasikë ku libulu li mbaasu, mu kweendë mu lunyambukunu. Baatu bë n'toto, banë bëkaambusu mëzinë mësonëmë kutatikilë fë ntonunu buloongo mu libuuku li luziingu, bën'tulumukë fanë bum'mweenë cibulu : cyelikë, ntaangu ntamë cyaawu cyabë moonyi, kasi cisyeeli ko i cyaawu cin'vutukooso. »

Luzabukunu 4:11

« A Fumu, Nzaambiitu, njeeyi be fwaanë kutambulë bumpumu, luzanjiku i luleendo. Cibilë njeeyi n'vaanji byakë byooso, biyisë mu luziingu mu n'vwiilwaaku. »