Efeesë 3:7 - N’KANGULU WUMOONË

⁷ Miinu yeekë ciseelu ci Mpolu Mboti mu cibilë ci likabu Nzaambi wukum'paanë mu buboti bwaandi, bulë mu kumonikë yimunë luleendo.

Efeesë 3:7 Iomraidhean Croise

Mëvaangë 9:15

Kasi Fumu wun'kaambë : « Yendë cibilë ocyo miinu yasoolë muutu be woowo! Miinu yin'salilë mu kuzabikini lizinë lyaami ke mëkaandë mën'ka i ke sifumu syaawu, i ke mboongu Islayeelë.

Loomë 1:5

Mu naandi, Nzaambi wakum'paanë muulaandi mu kuba m'bunzi mu luzanjikulu lu Kliistu, bwiinji bunatë baatu bu buloongo booso mu kuta maanë mu naandi i mu kun'cikuninë.

Loomë 12:3

Mu cibilë ci likabu linë Nzaambi wukum'pandikë mu buboti bwaandi, yin'tubilë obo mu beeno booso: keelaanu lulëyituunvi benuveekë mu kumonikë bënenë. Tiilyoko, lwe baanu simbalulu simboti, kadë muutu mu likanë lu ciminu cinë Nzaambi kun'vaanë.

Loomë 15:16

mu kuba ciseelu ci Yeesu Kliistu fë meeyi mboongu yo yikeeli ko Sizwiifë. Miinu yilë mu kudukusi cisalu ci semu ci lutendululu lu Mpolu Mboti yi Nzaambi, bwiinji bo bëkeeli ko Sizwiifë bëcitukë likabu liboti mu Nzaambi i lim'monikë ke naandi mu cimpukë ci Ciluunzi ci Saantu.

1 Koleentë 15:10

Kasi, mu muulë Nzaambi, yike bo yikelili i muulë wo naandi wukum'paanë wusye kaambu n'viingu ko: tiilyoko, miinu yasalë kuvyokililë mimbunzi yooso yimesë, yaaku ti miinu, licyelikë, kasi muulë Nzaambi waawu wasalë mu miinu –

1 Koleentë 3:5

A buni, Apoloosë nani? Poolë yivaandi nani? Beeso tulë kwaandi biseelu bi Nzaambi, binë byaluvangisi kuta lyaanë. Kadë muutu mu beeso kwe vaanji cisalu cinë Fumu kun'vaanë :

2 Koleentë 3:6

Mati naandi watuvaanë mëkanë mu kuba biseelu mu N'kangulu wumoonë, wunë wuvangininë yaaku mu n'kaakë wusonëmë, kasi mu Ciluunzi ci Saantu. N'kaakë wusonëmë wun'nataangë ku lufwa, kasi Ciluunzi cin'nataangë ku luziingu.

2 Koleentë 4:1

Nzaambi mu buboti bwaandi watuvaanë cisalu be ciici i mu bwaawu beeso tusë n'volë bitu ko.

Ngalaatë 2:8

Mu bwaawu, Nzaambi wusë siilë mu miinu m'bunzi kusoolë mu si sin'ka, bo bumweekë kusiilë mu Pyeelë m'bunzi mu banë bëkeeli Sizwiifë ko.

Efeesë 1:19

i mpilë mbici luleendo lu kwaatë-yekë kubëlikilë mu beeso bitamaanë. Luleendo alu, lwaawu Nzaambi kuleesi yi mëngolo makë mooso

Efeesë 3:2

Beeno luyuwu ti Nzaambi mu buboti bwaandi, wum'paanë cisalu aci mu cibilë ciinu.

Efeesë 3:20

Ke naandi, wunë wuke yi lutumu lu kuvangilë mo mëvyokilili mu makë mooso tun'loombë kaambofo tum'balë, mu luleendo lunë lun'salë mu beeso,

Efeesë 3:8

Miinu muutu kwaandi vwiili mu bitamaanë byooso. Mu kumonë, Nzaambi wukum'paanë muulë mu kutendulë ke banë bëkeeli Sizwiifë ko businë bun'kaambu më manunu bu Kliistu.

Efeesë 4:16

Kanuku mu naandi, mwaawu binamë byooso bi nyitu bibundënë, biciindë mu si silë. Mu lyaawu, mooti cinamë cimweekë cilë mu kusalë bunë bufwenikini, nyitu yooso yilë mu kukulë i kuyitungilë yaveekë mu luzolo.

Koloosë 1:29

Mu lyalyooli, miinu yilë mu kusalë i yilë mu kuvaangë mëngolo mu n'viingu wu Kliistu wunë wuke mu kusalë mu miinu yi luleendo looso.

1 Tesaloniikë 2:13

Beeso tulë mu kutoondë Nzaambi ntaangu syooso mu lyaambu lin'kooso : Bunë beeso tulutendulilë Mpolu Mboti yi Nzaambi, luyuwu lyaawu i lucikunë yaaku ti buke libuungu kwaandi vwiili li muutu, kasi buke libuungu li Nzaambi, linë like cyelikë. Bwaawu, lyaawu like mu kusalë mu beeno bitamaanë.

Ebele 13:21

Biikë ti Nzaambi wuluvaanë mëkanë më kuvangilë makë mooso mëboti bwiinji luvaangë n'vwiilwaandi. Wuvaangë mu beeso manë mëkun'toonzi mu Yeesu Kliistu, wunë wufwenikini kudumu tee yi tee, Ameenë!