Efeesë 3:4 - N’KANGULU WUMOONË

⁴ Bunë lumëtaangë, beeno lum'podi kubakulë bunë miinu yizabisi mësweeci mën'talë Kliistu.

Efeesë 3:4 Iomraidhean Croise

Matye 13:11

Yeesu wusë bëvutulilë : « Cibilë bëvaanë ke beeno bukuzabilë liviindë li Lwaangu lu mëyilu. Lya lyoolyo lisye veewu ke baawu ko.

Liikë 8:10

Naandi wubëvutulilë : « Liveewu ke beeno mu kuzaabë liviindë li Lwaangu lu mëyilu, kasi kuke bën'ka lyalyooli libëveewu mu sisasafë, bwiinji : “Baawu, kupodi kwaandi kutalilë, kasi bisë m'monë ko, baawu kupodi kwaandi kuwu, kasi bësë n'zikulë kuwu ko.” »

Loomë 11:25

A baanë bë nguli, yakuluzabikini mpangulu yi mësweeci më Nzaambi, bwiinji luleembu kuyileesi ti beeno bangë bungelë : mwa m'pooku mboongu Islayeelë m'ba yin'kaambu kubakulë tee yi fanë nkoongë yooso yi mëkaandë më si mën'vukilë.

Loomë 16:25

Tudumisyaanu Nzaambi! Naandi ke yi lutumu mu kuluciinzi mu ciminu, mu Mpolu Mboti yinë yilë mu kutendulë, saangu yinë yilë mu kuloongë mu cibilë ci Yeesu Kliistu i luzaabu lunë beeso twakwaakë mu simpangulu siswaamë si Nzaambi. Simpangulu beenë syabë siswaamë faanë yi faanë,

1 Koleentë 13:2

Miinu kupodi kuzabikini maambu yin'tambulë ke Nzaambi, kuba yi luzaabu looso i kuwu mëviindë mooso, miinu podi kuba yi ciminu cin'senginyi myoongo, ningë yikeeli yi luzolo ko, miinu muutu kwaandi vwiili.

1 Koleentë 4:1

Beeno, lufwenikini kutucikunë buke biseelu bi Kliistu, bëke yi n'funë mu kusalilë mëviindë mëswaamë më Nzaambi.

2 Koleentë 11:6

Lyaawu kupodi kubeelë boobo ti, mu nteku yikutubilë, miinu yicili cilesi, kasi mu luzaabu: beeso tululeesi fë ciyalëlë mu luvoto looso i mu makë mooso.

Efeesë 1:9

naandi wutuzabikini mpangulwaandi yi mësweeci, mu buboti bwaandi, wutiisi kuvaangë faanë yi faanë mu Kliistu.

Efeesë 3:3

Nzaambi wun'deesi mo mëswaamë, bwiinji wukun'zabikini manë kukanë naandi. Miinu yisonikë fë ntonunu n'kaandaami mwa bikumë mu lyalyooli.

Efeesë 3:9

Miinu yifwenikini kunatë cyeseesë kuke baatu booso, bunë Nzaambi kun'lesilë maambu maandi mëswaamë. Naandi na N'vaanji byakë byooso faanë yi faanë, mëkanë maandi mëswaamë,

Efeesë 5:32

Liviindë be liili litudë. Miinu yin'tubë: liviindë be liili lin'leesi Kliistu i Cingangë.

Efeesë 6:19

Sambilaanu yivaandi mu miinu, bwiinji Nzaambi wun'nyindulilë bikumë bisulëmë fanë miinu yin'tubilë i yin'zimuninë yi lyaanë lyooso mësweeci më Mpolu Mboti.

Koloosë 1:26

dedë mweekë liviindë beenë lyabë liswsaamë mu sintaangu syooso mu mboongu yooso, kasi naandi walizabikini buyifanwabu ke bitamaanë.

Koloosë 2:2

Miinu yin'vwa n'ciinzë ti mitimaawu yiba yiciindë, bëba muutu mweekë mu luzolë i bëwaalë mu lufyaatu lun'vaanë mëlubu mëcyelikë. Boobo, baawu bën'zaabë liviindë li Nzaambi, mati naveekë Kliistu :

Koloosë 4:3

Mo mu ntaangu mweekë, sambilaanu yivaandi mu beeso, bwiinji Nzaambi wutuvaanë luvoto luboti mu kuloongë libuungu lyaandi, mu kutendulë liviindë li Kliistu. Mu cibilë be cyooci, miinu yike mu buloko.

1 Timotee 3:16

Cyelikë, mpakë ve, lyaawu liviindë linenë lim'monikinë mu ciminu ciitu! Kliistu, wumonikë dedë mweekë muutu lu moonyi, wuzabukunu buboti mu Ciluunzi ci Saantu i siyaanzi bisë kum'bilë. Bisë tendulë mpolwaandi mu mëkaandë mooso, wuvitiku mu buloongo n'viipë, naandi wuzanjiku mu bumpumu bu yilu.

1 Timotee 3:9

Bëfwenikini kuba lufyaatu lucyelikë mu ciminu yimunë mbalulu silyoomë.