Efeesë 3:1 - N’KANGULU WUMOONË

¹ Mu lyalyooli, miinu Poolë, yin'vaangë n'sambwaami ke Nzaambi. Miinu yike mu buloko mu cisalu ci Kliistu Yeesu mu cibilë cinë beeno lukeeli Sizwiifë ko.

Efeesë 3:1 Iomraidhean Croise

Liikë 21:12

Kasi ntetë makë mooso omo kuvangënë, bëlubwiilë, bëlunyokulu, bëluvakulë mu bizutununu mu kulufundisi i bëlutuulë mu buloko. Bëlunatë fë ntwaalë mitinu i fë ntwaalë mikwa-lwaangu mu cibilë cyaami.

Mëvaangë 21:33

Mu lyaawu, kumandë wusë belëmë Poolë, wusë kaangë Poolë i wuvaanë n'swa mo bën'kaangilë mu mpaangë wali, naandi wusë kufëlë na kukeeli i manë kuvaangë.

Mëvaangë 23:18

N'kuluutu-mësodaadi wusë natë n'teendë cilesi bakëlë beenë kuke kumandë ku mësodaadi i wusë tubë : « Poolë, mungë buloko, wakutelë i wakutumë mu kunatë n'teendë cilesi bakëlë aci ke njeeyi. Naandi ke lyaambu li kukukaambë. »

Mëvaangë 26:29

Poolë wusë vutulë : « Bosuku bëbeeli buyifanwabu kaambofo kutwaalë yikwendë, miinu yilë mu kusambilë Nzaambi yake tokë njeeyi, kasi yivaandi mu cibilë ci bakë booso bëke yiinu banë bëke mu kun'yuwulu bubwayi aci, lwe baanu bo buke miinu, yaaku ti mu simpaangë asi ko! »

Mëvaangë 9:15

Kasi Fumu wun'kaambë : « Yendë cibilë ocyo miinu yasoolë muutu be woowo! Miinu yin'salilë mu kuzabikini lizinë lyaami ke mëkaandë mën'ka i ke sifumu syaawu, i ke mboongu Islayeelë.

2 Koleentë 1:6

Ningë beeso tuke mu mpasi, mu kubakë beeno kutambulë luciindu i luvukulu. Ningë beeso tubë bakë luciindu, mu kuba beeno luciimbë moonyi mu simpasi syo si mweekë sinë beeso tulë mu kumonë.

2 Koleentë 10:1

Miveekë Poolë, yilë mu kuluciinzi mu mëleembë i mu buboti bu Kliistu, miinu wo bëtubilë mu bubonzulu bwaami bunë yikelili yimunë beeno, kasi yi n'viingu fë meeso miinu mooti yikeeli yiinu ko. Mu mëleembë i buboti bu Kliistu,

2 Koleentë 11:23

Baawu bëke biseelu bi Kliistu? Ngete – miinu yin'toombë kutubë dedë mweekë muutu wukaambu buutu – miinu mwiinji yi baawu. Miinu yamonë beenë binkuungë bivyokisi baawu, miinu yiba mu buloko mpaapë vyaasi, yibulu mpaapë vyaasi i yisë monë simpasi si lufwa.

Ngalaatë 5:11

Mu miinu, baanë bë nguli, ningë ti yim'podyooso kuloongë bunë bëfwenikini kubukë bubakëlë, cibilë mbicyooso lulë mu kun'kwamisye? Mu lya lyoolyo kutendulë lubaandulu lu Kliistu lusë be ba lyaambu libi ko mu muutu.

Ngalaatë 5:2

Yuwaano! Miinu Poolë, yilë mu kulukaambë : ningë ti beeno lube bukë bubakëlë, oboobo mu beeno Kliistu wusyeeli n'ciinzë ko.

Ngalaatë 5:24

Banë bëke mu Kliistu Yeesu, bëbaandë fë kuluusu bideenzë binsunyi i miciinzaandi.

Efeesë 3:11

Makë mooso omo mën'dedëkënë mu manë Nzaambi wukanë kuvaangë ci mëkulu, maawu kwavaangë mu Kliistu Yeesu Fumwiitu.

Efeesë 3:13

Bwaawu, miinu yiluloombë, nuvolyaanu bitu ko mu simpasi yilë mu kumonë mu beeno: syaawu siluvangisi kuba mu nyeenzi.

Efeesë 3:8

Miinu muutu kwaandi vwiili mu bitamaanë byooso. Mu kumonë, Nzaambi wukum'paanë muulë mu kutendulë ke banë bëkeeli Sizwiifë ko businë bun'kaambu më manunu bu Kliistu.

Efeesë 4:1

Miinu beeno yin'cindisi, abu yikeeli mu buloko mu cibilë ci Fumu, beeno banë Nzaambi kwatelë, zingilaanu mu n'sulumunu mu mbilë be yooyo.

Efeesë 6:20

Bosuku yibeeli mu buloko, miinu ciluumbi ci Mpolu Mboti. Sambilaanu bwiinji yitubë yimunë lyaanë, bunë bufwenikini.

Filiipë 1:7

Liboti beenë ti miinu yike yi simbalulu simboti mu beeno booso. Cyelikë, beeno luke ku n'timaami, cibilë benubooso luke likabu lyo Nzaambi wukum'paanë, yivaandi buyifanwabu bo yikeeli mu buloko tee yi bunë miinu yitelu mu kunwaninë cikaangë mu Mpolu Mboti.

Koloosë 1:24

Buyifanwabu, miinu yike mu nyeenzi mu simpasi sinë yilë mu kumonë mu beeno. Cibilë yilë mu kubweelë manë mën'kaambooso mu simpasi si kliistu, mu nyitwaandi, yinë yike Cingangë.

Koloosë 4:18

Mu kookwaami yalusonikinë maambu ama: Sibweekë si Poolë. – Luziimbyaanu ko ti miinu mu buloko yikeeli. – Muulë wu Nzaambi we ba yiinu!

Koloosë 4:3

Mo mu ntaangu mweekë, sambilaanu yivaandi mu beeso, bwiinji Nzaambi wutuvaanë luvoto luboti mu kuloongë libuungu lyaandi, mu kutendulë liviindë li Kliistu. Mu cibilë be cyooci, miinu yike mu buloko.

2 Timotee 1:16

Biikë Fumu wuvaangë simboti mu likaandë li Onesifoolë, cibilë naandi wulë kun'ciinzyaangë bitu. Naandi sye monë sonyi ko mu miinu yike mu peleeso.

2 Timotee 1:8

Keelë wulë ba yi sonyi mu kuta cimbaanji mu Fumwiitu i mu miinu yike mu peleeso mu cibilë cyaandi. Tiilyoko, cikunë kumonë simpasi yimunë miinu, mu cibilë ci Mpolu Mboti, mu mëngolo mo Nzaambi wun'vanaangë.

Filëmu 1:1

Miinu Poolë, yike mu buloko mu cibilë ci Kliistu Yeesu i ndikwaami Timotee, yafilë n'kaandë awu ke njeeyi Filëmu, ndikwiitu mu cisalu

Filëmu 1:23

Epafëlaasë wukeeli yaamë mu buloko mu cibilë ci Kliistu Yeesu, wakufilë sibweekë,

Filëmu 1:9

miinu Poolë, likundaalë yikeeli, mungë buloko yivaandi mu cibilë ci Kliistu Yeesu, yilë mu kukuloombë cikumë cimweekë mu cibilë ci luzolo lwiitu,

Luzabukunu 2:10

Wubaci boomë ko mu linë wumweenë simpasi. Yuwo : Dyaabu mba wuluseengë wun'lakë mpaapë mu beeno mu buloko, bëlukwamisi fë kuumi li bilumbu. Ba wusulëmë tee fë lufwa i miinu yikuvaanë ntaatë nduunji, luziingu lu sakë yi sakë. »