Efeesë 2:3 - N’KANGULU WUMOONË

³ Besiinu booso yivaandi, twabë buke baawu, tulëzingilaangë mu bideenzë biitu binsunyi, tuluvaangaangë manë mëlë zolaangë n'nyitwiitu i ciluunzi ciitu. Bwaawu, mu cibilë ci n'sunyiitu, twabë tusifu mu kutambulë lufundusu lu Nzaambi dedë mweekë bën'ka.

Efeesë 2:3 Iomraidhean Croise

Malëkë 4:19

akasi tusweenu tu biimë bi buloongo abu, bimvwemvu bi businë, lilaangu li miciinzë yin'ka kubyesikë libuungu li Nzaambi. Mu boobo, libuungu li Nzaambi kube podi ve kuvaanë mëkuundi.

Za 1:13

Baawu bëkeeli ko baanë bëbutukë mu meengë, kaambofo yaaku mu n'vwiilu n'sunyi, kasi bëfuminë ke Nzaambi.

Za 8:44

Beeno mati tatiinu dyaabu i lun'toombë kuvaangë manë tatiinu kuzolisi. Naandi wabë n'voondi baatu fanë ntonunu. Naandi wusye zingilë ko mu bucyelikë, cibilë mu naandi cyelikë voo. Naandi wukeeli yi cyelikë ko, mungë lupuutu i taatë lupuutu.

Mëvaangë 14:16

Mu civi-cikulu, naandi wubiikë mëloongo mooso kulaandë sinzilë syaawu.

Loomë 1:24

Mu bwaawu, Nzaambi wubëlekulë mu mëvaangë mëbi, mu bideenzë yi mitimaawu, bwiinji bëzingilë mu sonyi mu sinyitu syaawu baveekë yi baveekë.

Loomë 11:30

Bo bumweekë licyelikë mu ntaangu ntamë beeno nusyelenvukilë Nzaambi ko, kasi buyifanu lwazaabë n'leenvo Nzaambi, cibilë ci lukaambu lu bulenvo lu Sizwiifë.

Loomë 13:14

Kasi vwaataanu Yeesu Kliistu baanu dedë mweekë Yeesu Kliistu Fumwiitu i keelaanu lulëyilekulë mu cimuutu ciinu mu kusalilë bideenzë.

Loomë 2:14

Bunë beeni bën'kaambu kuzaabë n'kaakë Nzaambi, yikuwusalilë, mati dedë mweekë baawu bëwunatë mu mitimaawu, kukaambu kuwuzaabë.

Loomë 5:10

Beeso twabë simbeenyi si Nzaambi, kasi watuvangisi kuba cindiku yimunë naandi mu lufwa lu Mwanaandi. Kwisilë buni bubwayi aci, bo tweekë mu n'kangulu yimunë naandi, tun'vuukë mu luziingu lu Mwanaandi.

Loomë 5:9

Mu luvakulu lwaandi, beeso tweekë baatu bësulëmë fë nduunzi Nzaambi. Buni beeso tun'kaambu kuvukilë mu likaanzi li Nzaambi!

Loomë 6:12

Lisumu lisye fwanëkënooso ko kutumi nyitwiinu yin'fwa, mu kuluvangisi kucinzikë binvweenvu bi nyitu.

Loomë 7:18

Cibilë yilizabisi ti, liboti likeeli ko mu miinu, dedë ti n'sunyaami wuvolë. Cibeeni, cideenzë cikuvaangë liboti cike mu miinu, kasi yaaku ti likanë mu kulivaangë.

Loomë 9:22

Boobo, Nzaambi watoombë kuleesi likaanzi lyaandi i kuzabikini luleendo lwaandi. Mu kumonë, naandi wucikunë yi mpungë-moonyi banë bëfitë tambulë likaanzi i bëbelëmë mu lunyambekunu.

1 Koleentë 4:7

Cibilë-mbici njeeyi wum'balë, njeeyi mwiinji kuzangëmë yi bëmesë? Byakë byooso bike yaaku, wusye bibakilë ke Nzaambi kwe? Abu lyekilë obo, mu mbici wun'vangilë lunaangu mu binë bike yaaku dedë ti wusye bitambulë ko?

2 Koleentë 7:1

A sindiku syaami, tukanyu tooso oto tuke n'ciinzë mu beeso. Mu bwaawu, tuyilyomisyaanu mu mamooso mën'safulë nyitu kaambofo mbali i twe vaanjyaanu mëngolo mu kuba sisaantu si cyelikë mu kuzingilë mu sisu yi Nzaambi.

Ngalaatë 3:22

Kasi Libuuku li Nzaambi lin'tubë ti buloongo n'viipë buke mu lutumu lu lisumu, bwiinji likabu likanyi Nzaambi liveewu ke bitamaanë, mu cibilë ci ciminu cyaawu mu Yeesu Kliistu.

Efeesë 2:2

Beeno lulë lyatilaangë obo mu nteku luziingu lu buloongo be buubu. Beeno lulë len'vukilaangë n'kuluutu tuleendo tubi wun'zingilaangë fë yilu n'toto, mpeefu be yooyo yilë mu kusalë buyifanwabu, ke banë bëlë mu kutundukënë Nzaambi.

Efeesë 4:22

Beeno lufwenikini kubiikë ndyatulwiinu yi ntamë i lubumë cimuutu ciinu ci n'sunyi i bideenzë bi lupuutu bin'nataangë ku lufwa.

Koloosë 1:21

Benuviinu, lwabë ntaangu ntamë cinaanu yi Nzaambi, beeno lwabë simbeenyi syaandi mu cibilë ci makë mooso mëbi bëlëbalaangë i bëlëvangaangë.

1 Tesaloniikë 4:13

A baanë bë nguli, beeso tun'tiisi mo luzaabë bucyelikë mu banë bëfwa, mu kumaangë beeno kuba mu cyuundë bo buke bëmesë, banë bëkaambusu civuufu.

1 Tesaloniikë 5:6

Bwaawu, Tunucyaanu ko tolo buke bëmesë. Kasi twe kalilaanu mu n'cyeelë, zungululaanu.

1 Timotee 6:9

Kasi, banë bën'toombë businë, baawu obo babwa mu lisokë, babwitëmë mu n'taambu i babwa mu lilaangu li bideenzë binyungulë i bidiifë, byabwiisi baatu mu lutyamukunu i lunyambëkunu.

Tiitë 3:3

Cibilë besuviitu mu ntaangu ntamë twabë bivulikini, bivadë-mbi i twabë tuvitu. Beeso twabë bëndongo mu yosuku mpilë bideenzë i binvweenvu. Beeso tulëzingilaangë mu bubaalu i mu bideenzë, baatu bisë tubaayi i beeso tusë lendësënë yivaandi besuveekë yi besuveekë.

1 Pyeelë 1:14

Cinzikaanu Nzaambi i leembwaanu kulaandë binvweenvu biinu bi ntamë, fanë lwabë mu bunzimbu.

2 Pyeelë 2:14

Meeso maawu mëwaalë cideenzë ci kuvaalë. Baawu bisë n'kukutu ko mu kuvaangë lisumu. Baawu ke butikaangë mu mitaambwaawu banë bëke ciminu cicyeeci. Mitimaawu yi waalë nzalë lubaku. Lusifu lu Nzaambi luke yaawu!

2 Pyeelë 2:18

Baawu bën'tubilë mu lunaangu i mu mëbuungu mëkaambu nteendu, bën'salilë mu bideenzë byaawu bibi bivyokili sonyi, mu kubutikë mu n'taambu banë bakobukë buyifanwabu mu nkoongë bivadë-mbi.

1 Za 2:16

Licyelikë, tala linë libakisi buloongo: n'vwiilu wukutoonzi bideenzë byaandi kaambofo mu kubakë binë bim'monikë i lunaangu lukangëminë mu biimë bi n'toto. Mweeni, byakë byooso obyo, bisye fuminë ko ke Taatë, kasi mu buloongo.

1 Za 2:8

Mu kumonë, lwaawu lutumu lumoonë yalusonikinë, bucyelikë bumonikë mu Kliistu i mu beeno yivaandi. Licyelikë, citoombi cyavyookë i cyeseesë cyaselukë.