1 Timotee 4:8 - N’KANGULU WUMOONË

⁸ Bivudë bi nyitu bike n'ciinzë, kasi mu biimë kwaandi vwiili, lufyaatu mu Nzaambi luvyokili n'ciinzë yi makë mooso. Cibilë naandi wutusisiminë luziingu lu bubwayi i wutukanyi luziingu lun'kwiisë.

1 Timotee 4:8 Iomraidhean Croise

Matye 12:32

Wunë wun'tubë libi mu Mwaanë muutu, wun'tambulë mënaanë. Kasi wunë wun'tubë libi mu Ciluunzi ci Saantu, mësumu maandi misë n'kobuku ko mu sintaangu tukeeli asi, kaambofo mu sintaangu si ntwaalë yikwisë. »

Matye 19:29

Wosuku wun'vubikë binë kubakë, mu cibilë ci lizinë lyaami : keti n'zwaandi, baanë baandi bë nguli bëbakëlë i bëcyeetu, tataandi, mamaandi, baanë baandi, kaambofo sisolë syaandi, wun'tambulë fë nkamë li vyaasi i wum'byalilë moonyi wu sakë yi sakë.

Matye 6:33

Toombaanu cin'tetë Lwaangu lu Nzaambi i n'sulumunwaandi, i naandi wuluvaanë byakë byooso lunduu.

Malëkë 10:30

naandyoowo wum'bakë fë nkamë li vyaasi mu sintaangu asi: sinzo, baanë bë nguli bëbakëlë i bëcyeetu, singuli, baanë i sisolë, yimunë sinkwamusu yivaandi, i buloongo bu ntwaalë yikwisë, mu kutambulë luziingu lu sakë yi sakë.

Liikë 5:38

Moniko, mëlafu mëmoonë, mëfwenikini kuba mu bidoyi bimoonë.

Loomë 8:28

Beeso tuzabisi ti biimë byakë byooso bin'salaangë buboti ke banë bëzolisi Nzaambi, mu banë kutelë mu n'vwiilwaandi.

1 Koleentë 3:22

Poolë, Apoloosë, kaambofo Pyeelë, keti buloongo, luziingu, kaambofo lufwa, buyifanwabu, kaambofo ntwaalë yikwisë, byakë byooso biinu.

1 Koleentë 8:8

Yaawu yikeeli ko ndiiwu yinë mba yitubelikë fëke Nzaambi : beeso tusë n'kaambu cin'velë ningë tusye yilya ko, i tusë m'bakë cin'velë ko ningë beeso tube yilya.

1 Timotee 4:7

Kasi maangë mizisi yikaambu nteendu i yi vyakënë yi ciminu. Vaangë mëngolo mu kuziingë mu lufyaatu mu Nzaambi.

1 Timotee 6:3

Mooti wun'viipë wun'sinë mëloonji mën'ka i wun'kwakënë yi mëbuungu mësulëmë më Fumwiitu Yeesu Kliistu i mu mëloonji mëfwenikini yi ciminu ciitu,

1 Timotee 6:5

i simpakë sin'kaambu më manunu fë meeyi baatu bëke simbalulu simbi, bëzimbëkënë makë mooso mëcyelikë. Baawu bëm'balë ti ciminu mu Nzaambi, mwaawu bëm'bakilë businë.

1 Timotee 6:6

Cyelikë, lufyaatu mu Nzaambi lukeeli m'bakulu businë, ningë tube cikunë binë bike yiitu.

2 Timotee 3:5

Baawu bën'leesi ti bëke ciminu mu Nzaambi, kasi baawu bëm'maangë luleendo. Yakënë yi baatu be mpilë oyo!

Tiitë 3:8

Maambu ama mëcyelikë. Miinu yin'toombë ti wusisiminë maawu, bwiinji banë bata maanë mu Nzaambi bëfyaatë mu mëvaangë mëboti. Mamoomë maambu mëboti i më njiinji mu baatu.

Ebele 13:9

Keelaanu lulëpuutu mu lyosuku liloonji li bweenyi. Liboti beenë mu kuyiciinzi ku kati ku n'timë mu cibilë ci muulë Nzaambi, yaaku mu mikaakë yin'talë bilya. Banë bën'laandaangë mëkomini be moomo, bisë m'bakë ndaandu ko.

1 Za 2:25

Talaanu linë Kliistu wutukanyi: luziingu lu sakë yi sakë.

Luzabukunu 3:12

« Ke wunë wum'bakë nduunji, miinu yin'vaangë likuunzi mu n'zo Tataami Nzaambi i naandi wusë bëbasikë ko. Miinu yin'sonikë mu naandi lizinë li Nzaambi yi lizinë li livulë li Nzaambi, Yelusaleemë yimoonë yinë yin'kulukë ku yilu, yin'filu ke Nzaambyaami, miinu yin'sonikë mu naandi lizinë lyaami limoonë. »

Luzabukunu 3:21

« Ke bo bëm'bakë nduunji yin'vaanë n'swa mu kubyaalë yaami fë ntaanzyaami, dedë mweekë miinu, bunë yibakë nduunji, yiye kalë yimunë Tataami fë ntaanzyaandi. »