1 Timotee 4:3 - N’KANGULU WUMOONË

³ Baawu obo bën'loongaangë ti, baatu kupodi ve kukweelë i kulya ve ndiiwu yin'ka. Kasi Nzaambi wuvaangë ndiiwu be yooyo mu cibilë ci bitamaanë i banë bëzabisi cyelikë, bisë toondë Nzaambi i kulya.

1 Timotee 4:3 Iomraidhean Croise

Matye 14:19

Wusë vaanë n'swa ke sinkoongë bëkalë fë bitiiti. Bunë kwaboonji mëmpa më taanu i simbisi siwali, wusë sendulë meeso ku yilu, wusë toondë Nzaambi. Kwamukëni mëmpa wusë mëtambikë ke bilaanzi, bwiinji bëkabilë sinkoongë.

Matye 15:11

Yaaku ti biimë byo bikotë mu munu muutu, byaawu bikun'vangisi kukaambu kulyoomë, vandi mëbuungu mo mëm'basikë mu munwaandi, maawu mëkun'vangisi kukaambu kulyoomë. »

Matye 15:36

Naandi kuboongë lisaambwali li mëmpa i simbisi, kutoondë Nzaambi, kumëmukënë i kuvaanë ke bilaanzi byaandi, baawu bisë kabilë bakë booso.

Liikë 24:30

Naandi wukalë yaawu fë meesë, wuboongë limpa i wutoondë Nzaambi. Fë mbusë, naandi wulimukënë i wusë bëvaanë lyaawu.

Za 6:23

Myaatu yimesë, yifuminë ku libweeti li Tibelëyaadë, yisë belëmë fanë bëliilë mëmpa manë Fumu wutondilë Nzaambi.

Mëvaangë 27:35

Ntaangu kumaninë kutubë, naandi wuboongë limpa i wusë toondë Nzaambi fë ntwaalë bakë booso. Fë mbusë, naandi kulimukënë i kutoonë kulya.

Loomë 14:17

Licyelikë, lwaangu lu Nzaambi lukeeli ko n'samu wukuliilë i kunwa. Kasi lyaawu lim'monikë mu n'sulumunu, n'sikë i liyaanji lin'fuminë ke Ciluunzi ci Saantu.

Loomë 14:3

Wunë wun'lyangaangë byakë byooso kupodi ve kubaayi wo wun'lyangaangë mbisi meengë i wunë wun'kaambu kulya mbisi meengë kwe leembu kufundisi wunë wun'lyangaangë byakë byooso, cibilë Nzaambi wan'tambulë yivaandi.

Loomë 14:6

Wunë wun'tubë ti aci cilumbu ci Fumu, wun'tubilë obo mu cibilë ci Fumu. Wunë wun'lya yivaandi byakë byooso, wubiliilë mu cibilë ci Fumu, naandi wun'toondë mu bilya kwabakë. Wo wun'kaambu kulya yivaandi cyosuku, wun'siilë obo mu cibilë ci Fumu i yivaandi wun'toondë Nzaambi.

1 Koleentë 6:13

Beeno lun'tubë yivaandi : « Biliiwu bivangunu bi civumu i civumu civangunu mu biliiwu. » Mu lyalyooli, Nzaambi wun'tyamunë biliiwu i yivaandi civumu. Kasi nyitu muutu, yisye vangëninë ko mu busafu: Yaawu yivangëninë mu cibilë ci Fumu, i Fumu mu cibilë ci nyitu.

1 Koleentë 7:28

I ningë bëkweelë wusë n'vaangë lisumu ko. Ningë nduumbë n'cyeetu yin'kweelë, naandi wusë n'vaangë lisumu ko. Kasi, banë bën'kweelë, bëm'monë binkuungë mu luziingu lwaawu lu kadë cilumbu, i miinu yin'toombë kuluyakini.

1 Koleentë 8:8

Yaawu yikeeli ko ndiiwu yinë mba yitubelikë fëke Nzaambi : beeso tusë n'kaambu cin'velë ningë tusye yilya ko, i tusë m'bakë cin'velë ko ningë beeso tube yilya.

Koloosë 2:16

Mu bwaawu, lubiici muutu ko kulufundisi mu manë mën'talë kulya i kunwa, n'saangu, ngoondi yimoonë, kaambofo cilumbu ci saba.

Koloosë 3:17

Makë mooso lun'vaangë mu mëbuungu kaambofo mu mëvaangë, vangilaanu maawu mu lizinë li Fumu Yeesu, mu kutoondë Taatë Nzaambi.

1 Timotee 2:4

wuzolisi ti baatu bakë booso bëvuukë i bëbakë luzaabu lu cyelikë.

1 Timotee 4:4

Byakë byooso bivaangë Nzaambi biboti, cin'velë ve cim'bumu kasi, bufweeni kwaakë byakë byooso i kutoondë Nzaambi.

1 Timotee 5:14

Mu lyalyooli, miinu yizolisi ti bëfwiili bëcili mpuungë be kweelooso, baawu bëbutë baanë i kuzudi sinzo syaawu, bwiinji bëleembu kuvaanë ke simbeenyi siitu luvoto lu kututubilë simbi.

Ebele 13:4

Likweelë lifwenikini kucinzëmë ke bakë booso, banë bëkweelë bëfwenikini kucinzësënë. Nzaambi mba wun'fundisi bangë busafu i banë bën'valaangë.

Ebele 13:9

Keelaanu lulëpuutu mu lyosuku liloonji li bweenyi. Liboti beenë mu kuyiciinzi ku kati ku n'timë mu cibilë ci muulë Nzaambi, yaaku mu mikaakë yin'talë bilya. Banë bën'laandaangë mëkomini be moomo, bisë m'bakë ndaandu ko.