1 Timotee 3:3 - N’KANGULU WUMOONË

³ Naandi kuba ve cikolë-mëlafu kaambofo bubaalu, kasi wuvuundë i yi n'sikë, keelë naandi wulë ba nyeenzi mboongo.

1 Timotee 3:3 Iomraidhean Croise

Matye 21:13

Naandi wusë bëkaambë : « Lisonëmë : “N'zwaami yin'teelu n'zo yi n'saambu.” Kasi beeno, lwayicitulë civingë ci miifi! »

Mëvaangë 20:33

Miinu yisye tuulë ko cideenzë cyaami mu mboongo, mu woolë, kaambofo, mu mivwaatu yi baatu.

Loomë 16:18

Cibilë baatu bë mpilë oyo bisë mu kusalilë kuve Kliistu Fumwiitu, kasi civumu cyaawu! Mu bikumë bi ndwaandu i maambu më kukondulë, baawu bëm'puutë lusakumunu ke bo bëkambusu kuzaabë lin'viipë.

Efeesë 5:18

Keelaanu lulë ba bikolu-mbuungu: kukolu mëlafu më luvangisi kuzingilë mu n'vuusu. Kasi lwe waalyaanu mu Ciluunzi ci Saantu.

1 Tesaloniikë 5:14

Beeso tulë mu kulutumë, a baanë bë nguli : bikinyaanu myoolu, cindisyaanu bangë boomë, zudyaanu banë badekë, baanu mpungë-moonyi mu bakë booso.

1 Timotee 3:8

Biseenji yivaawu bëfwenikini kuba bëcinzëmë i bëcyelikë, baawu sye fwenikini kuve kukolu mëlafu kaambofo bëleembu kutoombë simboongo si mëyoombo.

2 Timotee 3:2

Licyelikë, baatu bëm'ba yi bwiimi, nyeenzë-mboongo, lukwaayi i lunaangu. Baawu bën'fiingë Nzaambi i bëm'maangë kucinzikë mëtaatë maawu, baawu bisë n'zaabë ko simboti si bayaawu i bisë n'cinzikë ko byo bi saantu.

Tiitë 1:11

Bufwenikini kubëzibikë munu, cibilë baawu bëlë mu kutyamunë mëkaandë makë mooso mu ke bëloongaangë liloonji libi i mu kubakë simboongo mu mëyoombo.

Tiitë 1:7

Bwaawu, n'kuluutu libuundu wo wun'salë bisalu bi Nzaambi, wusye fwanëkënë ko kuseembu. Naandi sye fwanëkënë ko kuba yi lunaangu, yi mëdasu, cinwa-mëlafu, bubaalu i wun'kaambu kutoombaangë simboongo mu mëyoombo.

Tiitë 2:3

Bo bumweekë, kaambë bëcyeetu bëvyokililë mpuungë mu kuzingilë dedë mweekë baatu bën'zingilë luziingu lusulëmë. Baawu bëyakënë mu sin'tubulë simbi i bëleembu kuba binwa-mëlafu. Baawu bëfwenikini kuvaanë sindoonji simboti.

Tiitë 3:2

Keelë baawu kutubilë libi mu muutu, bëfwenikini kuba baatu bë n'sikë i bën'leesi mëboti, kukalilë ntaangu syakë syooso mu mëleembë ke baatu bakë booso.

Ebele 13:5

Keelaanu lulë ba nyeenzi mboongo. Vwilaanu moonyi kanuku mu binë bike yiinu, cibilë Nzaambi wutubë : « Miinu yisë kubiikë ko, yisë kuvubikë ko. »

Zaakë 4:1

Kuni kun'fuminaangë bicindu i twambulu fë meeyiinu? Byaawu bin'fuminaangë mu bideenzë biinu, bin'nwanisyaangë binamë biinu.

1 Pyeelë 5:2

dedë mweekë miluungë lwe lengilyaanu moonyi mu mëmemë mo Nzaambi kuluvaanë, zungululaanu mu maawu yaaku ti mu n'kacikë, kasi mu n'timë wumboti bunë Nzaambi kuzolisi. Salilaanu yaaku ti mu cideenzë ci kubakë businë, kasi mu luzolo.

2 Pyeelë 2:3

Mu luzolo lu lubaku, miloonji be yooyo yi lupuutu, mba bëlutafë mu sinsinunu syaawu si lupuutu. Kasi faanë yi faanë, lufundusu lwaawu lwabelëmë i lunyambëkunu lun'lengë bwa mu baawu!

Zuudë 1:11

Cyaali mu baawu! Bëlaandë nzilë yi Kayiinë, i bisë kubwa mu lisokë li mboongo, dedë mweekë Balaamë. Bisë fwa cibilë bëbwa mu lisokë mu kumaangë kuwulu Nzaambi dedë mweekë Kolee.

Luzabukunu 1:9

Miinu Za, mwaaniinu nguli, wubundënë dedë mweekë yi beeno mu Yeesu, yilë ndinkwiinu mu mënyoni, mu Lwaangu i lutatumunu. Miinu yinatu kucitumbë ci Patëmoosë mu cibilë ci lusulëmë lwaami mu libuungu li Nzaambi i mu cyelikë ci luzabikini Yeesu.