1 Pyeelë 4:7 - N’KANGULU WUMOONË

⁷ Siitu mu makë mooso yabelëmë. Zingilaanu bunë bufwenikini i lwe baanu lutyemunë bwiinji lukalilë mu n'saambu.

1 Pyeelë 4:7 Iomraidhean Croise

Matye 24:42

Oboobo, zungululaanu, kasi lusye zaabë ko cilumbu mbici Fumwiinu kun'kwisilë.

Matye 25:13

Oboobo, zungululaanu, cibilë lusye zaabë ko cilumbu keti zoolë. »

Liikë 21:34

« Lwe kebaanu! Nubicyaanu ko mitimiinu kukalilë mu civikë ci misaangu yi kukolë mëlafu, i mu tusweenu tu luziingu be luulu i cilumbu ci Lufundusu kulëzimbukulë,

Liikë 21:36

Zungululaanu i sambilaanu mu ntaangu syooso. Oboobo beeno lum'bakë mëngolo mu kuciindë mu makë mooso mëlëmëkwiisë i beeno kupodi kutelëmë fë nduunzi Mwaanë muutu. »

Liikë 22:46

Naandi wusë bëkaambë : « Cibilë-mbici lulë mu kudofë tolo? Telëmaanu i sambilaanu, mu kumaangë kubwa mu lisokë. »

Loomë 12:12

Baanu mu nyeenzi mu cibilë ci civuufu ciinu, Cimbaanu moonyi mu binkuungë. Sambililaanu yimunë lusulumunu.

1 Koleentë 15:24

Kulandilë ofo siitu yin'kwisë: Kliistu wun'tyamunë bosuku butinu, losuku lutumu i losuku luleendo i naandi wun'vutulë Lwaangu ke Taatë Nzaambi.

1 Koleentë 7:29

Talaanu baanë bë nguli, linë yakulukaambë: ntaangu yeekë yin'cyo. Buyifanwabu, bëbakëlë bëkweelë bëfwenikini kuzingilë buke bëbakëlë bëmputë.

Efeesë 6:18

Makë mooso omo, loombaanu maawu mu n'saambu. Cyelikë sambilaanu yosuku ntaangu yimunë luzudi lu Ciluunzi, mu lya lyoolyo, zungululaanu i kalilaanu lusulëmë. Saambililaanu mu mboongu yooso yi Nzaambi.

Filiipë 4:5

Biikë liboti liinu lizabëkënë fë meeso më bakë booso. Fumu mëlookë wiisë.

Koloosë 4:2

Saambililaanu mu cyelikë, zungululaanu mu n'saambu i toondaanu Nzaambi.

2 Timotee 4:5

Kasi njeeyi, ba mu lukelulu mu maambu makë mooso, vitikë simpasi, salilë mu buvavambë booso mu kutendulë Mpolu Mboti, salë cisalu cyaaku ci ciseelu ci Nzaambi.

Tiitë 2:12

Lyaawu li tuloongë mu kubiikë sinyendulu simbi i bideenzë bi n'toto. Mu kuzingilë mu buloongo be buubu luziingu lu mbali, lusulëmë i lukangëmë mu Nzaambi.

Ebele 10:25

Tulekulyaanu ko mëbuundu miitu dedë mweekë bën'ka beekë yi ciipë ci kulivaangë. Tiilyoko, twe cindësënyaanu besuveekë yi besuveekë i fanë lum'monë kubelëmë cilumbu ci Fumu.

Ebele 9:26

Nkanë, naandi wulë monë mpaapë vyaasi mëcyeenji-mëndoongë kutoonë fanë ntonunu buloongo. Licyelikë, naandi wumonikë vyaasi mweekë ci mëkulu buyifanwabu, ku situkulu sintaangu, mu kubotulë lisumu i kuyivaanë naveekë dedë mweekë civakuli.

1 Pyeelë 1:13

Mu lyaawu, kalaanu bëbeliminë mu kusalë, baanu bëtyemunë. Tulaanu civuufu ciinu mu likabu lyo Yeesu Kliistu wuluvaanë bunë kun'kwisilë.

1 Pyeelë 3:7

Benuviinu bëbakëlë, zingilaanu yimunë bëkasi biinu, mu kuzaabë ti baawu bëdekë. Bësasyaanu mu luciinzu looso, cibilë baawu bëfwenikini kutambulë yimunë beeno likabu li luziingu lu cyelikë kuke Nzaambi. Vangilaanu boobo bwiinji cin'velë ve ciluvangisi cikaku mu misaambwiinu.

1 Pyeelë 5:8

Zungululaanu yi n'viingu! Cibilë mbeeniinu dyaabu wulë mu kukoondë buke n'kosi wulë mu kun'ngonë mu kutoombë wun'viipë wukuvoondë.

Luzabukunu 16:15

« Yuwu, buni bun'tubilë Fumu, miinu yin'kwisë buke mwiifi! Nyeenzi ke wunë wuzungululë i wum'belikilë binkutu byaandi, mu kumaangë naandi kuzungunë mpenë i kumonë sonyi fë ntwaalë baatu. »