1 Pyeelë 4:3 - N’KANGULU WUMOONË

³ Licyelikë, beeno lwavyosili ntaangu mu ke vaangaangë byo bin'toonzi banë bëkaambu kuta maanë. Beeno luzingilë mu cinduumbë, bideenzë bibi, kukolë mëlafu, bulyaafu, bulalawu i kukuundë bintumbë.

1 Pyeelë 4:3 Iomraidhean Croise

Malëkë 7:22

kuvaalë, kutafë binganë, bubaalu, kupuutu, bulalawu, n'soci, kutubilë wayaaku simbi, lunaangu i buyimbu.

Mëvaangë 17:30

Kasi Nzaambi wusye be monooso ko sintaangu sinë muutu wabë mu bunzimbu. Kasi bubwayi aci, naandi wun'loombë baatu bakë booso, fosuku faamë bëkeeli, bëbalulë sindyatulwaawu.

Loomë 13:13

Twe natyaanu luziingu lucinzëmë, bo bufwenikini mu cyeseesë ci cilumbu. Twe leembwaanu bulyaafu i kukolu mëlafu, busafu i sinsalulu syooso simbi, kwambilë i likwaafi.

1 Koleentë 12:2

Beeno luzabisi ti bunë lwabë lukaambu kuta maanë, beeno lwabë mu lukaciku lu kukuundë sinkosi sikaambu mbeembu.

1 Koleentë 6:11

Bwa boobo bwa bëbeelë bëmesë babë mu nkoongiinu. Kasi beeno lwabë lwalyoomë, lwabë lwatuunvu, lwabë lwasulëmë fë nduunzi Nzaambi mu lizinë li Fumu Yeesu Kliistu i mu Ciluunzi ci Nzaambiitu.

2 Koleentë 12:21

Mu lwisulwaami lumwaali, miinu boomë yim'monë ti Nzaambi wukun'fwiisi sisonyi fë meesë miinu i yim'ba mu kulilë mu cibilë ci mpaapë bëlë mu kubweelë kusumukë dedë mweekë bunë bubeelë ntamë i bisye biikë libi ko, cin'duumbë i busafu manë bëlësalilaangë.

Ngalaatë 5:19

Tuzabisi buboti buni lyaliili lin'vangininaangë mu n'sunyiitu: mu busafu, busuusi i sinsalulu simbi,

Ngalaatë 5:21

Baawu bëke yi n'soci, bën'kolë mëlafu i bulyaafu i sinsalulë syaawu simbi. Miinu beeno yilë mu kubikini buyifanwabu, bo yilivangilë: banë bën'silaangë katyoobo, kusë bëm'kotë ko ku lwaangu lu Nzaambi.

Efeesë 5:18

Keelaanu lulë ba bikolu-mbuungu: kukolu mëlafu më luvangisi kuzingilë mu n'vuusu. Kasi lwe waalyaanu mu Ciluunzi ci Saantu.

1 Tesaloniikë 4:5

kuleembu kuyilekulë mu bideenzë bibi, dedë mweekë banë bukaambu kuta maanë, bëkaambusu kuzaabë Nzaambi.

Tiitë 3:3

Cibilë besuviitu mu ntaangu ntamë twabë bivulikini, bivadë-mbi i twabë tuvitu. Beeso twabë bëndongo mu yosuku mpilë bideenzë i binvweenvu. Beeso tulëzingilaangë mu bubaalu i mu bideenzë, baatu bisë tubaayi i beeso tusë lendësënë yivaandi besuveekë yi besuveekë.

1 Pyeelë 1:14

Cinzikaanu Nzaambi i leembwaanu kulaandë binvweenvu biinu bi ntamë, fanë lwabë mu bunzimbu.

Zuudë 1:4

Licyelikë, mpaapë baatu bëke sinsalulu simbi bëkotë mu mësweeci fë meeyiinu. Baawu bëbalulë muulë wu Nzaambiitu mu kusalilë busafu, baawu bëmaangë Yeesu Kliistu, N'loonjiitu i Fumwiitu. Mpaapë ntaangu sivyookë, lusifu lwaawu lusonëmë mu mëbuuku më Nzaambi.