1 Pyeelë 4:10 - N’KANGULU WUMOONË

¹⁰ Kadë muutu mu beeno kwe salilë bëmesë likabu kutambulë ke Nzaambi. Oboobo, beeno lum'beelë bisasi biboti mu mpaapë mëkabu më Nzaambi.

1 Pyeelë 4:10 Iomraidhean Croise

Matye 20:28

Bo bumweekë, Mwaanë muutu wuyisilë mu buloongo yaaku ti baatu bën'salilë, kasi mu kusalilë baatu i mu kuvakulë luziingu lwaandi mu kobulë lilaangu linenë li baatu. »

Matye 24:14

Mpilë Mpolu Mboti oyo yi Lwaangu yin'tendukë mu buloongo n'viipë, mu kuleesi bumbaanji ke mëloongo mooso. Faawu vandi, fën'kwisilë situkulu buloongo. »

Matye 24:21

Cibilë, mu ntaangu beenë, mënyonyi mëm'ba miinji kuvyokilë mo baatu bëmonë fë ntonunu buloongo n'viipë tee yi bunë fanwaabu, tee yi sakë yi sakë busë m'beelë bo bumweekë ko.

Matye 24:45

« Nani wuke ciseelu cisulëmë i cizungelëlë? Tala, fumu wabyaasi wun'viipë mu kusalilë biseelu bimesi mu kubëvaanë bilya byaawu mu ntaangu yifwenikini.

Matye 25:17

Mpilë mweekë yivaandi mu wunë wutambulë binkongulu byooli, naandi wusë kubakë byooli bin'ka.

Matye 25:44

Mu bwaawu, baawu bisë n'vutulilë : “A Fumu, ntaangu mbici tukumweenë wabë mu nzalë, mu mpwiilë, mweeni, kaambofo mpenë, ncyeenzu kaambofo mu buloko i beeso tukaambu kukuzudilë?”

Malëkë 10:45

Bwaawu Mwaanë muutu wuyisilë mu buloongo yaaku ti baatu bën'salilë, kasi mu kusalilë baatu i mu kuvakulë luziingu lwaandi mu kobulë lilaangu linenë li baatu. »

Liikë 12:42

Fumu wusë vutulë : « Nani ciseelu cisulëmë i ci mëlyeelë? Talo wumweekë wunë fumu kun'vaanë n'funë mu kuzungululë mu n'zo i kuvaanë ke bisasi bin'ka cikuuku cyaawu ci ndiiwu mu ntaangu yifwenikini.

Liikë 19:13

Cin'tetë na kweendë, naandi kutelë kuumi li bisasi byaandi, kubëvaanë kuumi li binkongulu bi woolë i kubëkaambë ti : “Sasyaanu byaawu tee yi fanë miinu yin'vutukënë.”

Liikë 8:3

Zaanë, n'kasi wu Zuza, likundaalë mu nkoongë bisasi bi Eloodë. Libakëlë bëlëteelë Suzaanë yimunë mpaapë bën'ka, bëlë ke zudyaangë Yeesu i bilaanzi byaandi mu biimë byo baawu bëbakë.

Loomë 15:25

Kasi mu buyifanwabu, yilë mu kweendë ku Yelusaleemë mu cisalu ci bitamaanë bike kwaawu.

Loomë 15:27

Licyelikë, baawu buboongë baveekë lukanyu, kasi cibeeni bëlëbëdefaangë. Cibilë sikleentë si Sizwiifë bëkabulë businë bwaawu bu ciluunzi yimunë banë bëkeeli ko Sizwiifë. Banë bëkeeli ko Sizwiifë bëfwenikini yivaawu kusalilë miciinzaawu.

1 Koleentë 15:10

Kasi, mu muulë Nzaambi, yike bo yikelili i muulë wo naandi wukum'paanë wusye kaambu n'viingu ko: tiilyoko, miinu yasalë kuvyokililë mimbunzi yooso yimesë, yaaku ti miinu, licyelikë, kasi muulë Nzaambi waawu wasalë mu miinu –

1 Koleentë 3:10

Bunë buke muulë wunë Nzaambi kum'paanë, miinu yasalë buke n'tuunji wumboti i yatuulë simbaandu. Buyifanwabu, wun'ka wun'tuungë fë yilu. Kasi bufwenikini wosuku kukebë buni kun'tungilë.

1 Koleentë 4:7

Cibilë-mbici njeeyi wum'balë, njeeyi mwiinji kuzangëmë yi bëmesë? Byakë byooso bike yaaku, wusye bibakilë ke Nzaambi kwe? Abu lyekilë obo, mu mbici wun'vangilë lunaangu mu binë bike yaaku dedë ti wusye bitambulë ko?

2 Koleentë 6:1

Oboobo, tulë mu kusalë yimunë Nzaambi, tulubondililë : nulekulyaanu ko muulë wo beeno lwabë lutambulë ke naandi.

2 Koleentë 9:1

Bukeeli n'ciinzë ko ti miinu yilusonikënë mu lyaambu li kuzudilë bitamaanë bi Zudee.

Efeesë 3:8

Miinu muutu kwaandi vwiili mu bitamaanë byooso. Mu kumonë, Nzaambi wukum'paanë muulë mu kutendulë ke banë bëkeeli Sizwiifë ko businë bun'kaambu më manunu bu Kliistu.

Efeesë 4:11

Mati naandi wuvaanë mëkabu më mpilë yi mpilë yaandi ke baatu: bëmesë mimbunzi, bën'ka mibici, bëmesyooso miloonji, miluunji, kaambofo misinyi.

2 Timotee 1:18

Biikë Fumu wun'vaanë mëboti më Nzaambi mu cilumbu ci Lufundusu. Njeeyi wuzabisi yivaandi makë mooso mëboti manë naandi wukum'pangilë ku livulë li Efeesë.

Tiitë 1:7

Bwaawu, n'kuluutu libuundu wo wun'salë bisalu bi Nzaambi, wusye fwanëkënë ko kuseembu. Naandi sye fwanëkënë ko kuba yi lunaangu, yi mëdasu, cinwa-mëlafu, bubaalu i wun'kaambu kutoombaangë simboongo mu mëyoombo.

Ebele 6:10

Nzaambi wukeeli yi n'soci ko. Naandi wusë n'zimbëkënë ko cisalu ciinu, kaambofo, luzolo luleesi mu naandi, mu bisalu binë luvangisi i lucilë n'vaangooso ke bitamaanë bimesi.

1 Pyeelë 5:10

Beeno lum'monë yivaandi simpasi fë mwa ntaangu. Kasi Nzaambi cizibë ci muulë wooso, wulutelë mu kubakë yaandi bumpumu bu sakë yi sakë mu lubundunu yimunë Yeesu Kliistu. Naveekë wulucyemisi, wulucindisi, wulufulë n'viingu i wulukasi fë simbaandu siciindë.

1 Pyeelë 5:12

Miinu yalusonikinë mwa n'kaandë awu, yimunë luzudi lu Silaasë, wunë yim'monë dedë mweekë mwaanë nguli wusulëmë. Miinu yalivaangë bwiinji luciindë bitu i kuluzabisi ti, lyaawu cyelikë muulë wu Nzaambi, mwa beeno lukangiminë.