1 Pyeelë 3:9 - N’KANGULU WUMOONË

⁹ Nuvutulilyaanu ko libi mu libi, cifiingu mu cifiingu. Tiilyoko, sakumunaanu, cibilë lwaawu lusakumunu lunë Nzaambi wulukanyi bunë naandi kulutelilë.

1 Pyeelë 3:9 Iomraidhean Croise

Matye 19:29

Wosuku wun'vubikë binë kubakë, mu cibilë ci lizinë lyaami : keti n'zwaandi, baanë baandi bë nguli bëbakëlë i bëcyeetu, tataandi, mamaandi, baanë baandi, kaambofo sisolë syaandi, wun'tambulë fë nkamë li vyaasi i wum'byalilë moonyi wu sakë yi sakë.

Matye 25:34

Mu lyaawu, n'tinu wun'kaambë banë bëm'ba ku mëbakëlë maandi : “Yisaanu, beeno lusakumunu ke Tataami. Yibyalilaanu Lwaangu bëbelikilë mu beeno fanë ntonunu buloongo.

Matye 5:39

Miinu yilukaambë : keelë wulëwutulë fuutë ke wunë wukuvaangë simbi. Ningë wun'viipë wubëkuyukë mbatë fë litoolo li mëbakëlë, m'biici wukuyukë yivaandi fë litoolo li mëcyeetu.

Matye 5:44

Miinu, yilukaambë : zolaanu simbeenyi siinu, sambililaanu mu bo bëlukwamisi.

Malëkë 10:17

Yeesu kwasiimbi nzilë mu kweendë, libakëlë lin'viipë kukumbelëlë ntiinu, kufukumë fë nduunzyaandi i wusë n'yufulë : « A Fumu, njeeyi n'loonji mboti, mbici yifwenikini kuvaangë mu kubakë luziingu lu sakë yi sakë? »

Liikë 10:25

Mu lyaawu, n'loonji n'kaakë wun'viipë wusë bulë mbeembu. Mu kun'seengë Yeesu, naandi wun'loombë : « A N'loonji, mbici yifwenikini kuvaangë mu kubakë luziingu lu sakë yi sakë? »

Liikë 18:18

Fumu mweekë yi Sizwiifë wusë kufulë Yeesu : « A N'loonji wumboti, mbici yifwenikini kuvaangë mu kubakë luziingu lu sakë yi sakë? »

Loomë 12:14

Sakumunaanu banë bëlëvaangë simbi. N'loombyaanu wubësakumunë i wuleembu kubësifë.

Loomë 12:17

Keelaanu lulëvutulë simbi mu simbi. Vangaanu simboti fë ntwaalë baatu bakë booso.

Loomë 8:28

Beeso tuzabisi ti biimë byakë byooso bin'salaangë buboti ke banë bëzolisi Nzaambi, mu banë kutelë mu n'vwiilwaandi.

Loomë 8:30

Banë Nzaambi wuboongë lukanyu faanë yi faanë, wubëtelë yivaandi. Banë kutelë, wubëvangisi kuba baatu bësulëmë fë nduunzyaandi, banë kuvangisi kusulëmë, wubëvaanë cikuuku ci bumpumu bwaandi.

Ngalaatë 3:14

Mu bwaawu lusakumunu bëkanyi ke Abalaamë lusë veewu yivaandi ke banë bëkeeli Sizwiifë ko mu cibilë ci Kliistu Yeesu i beeso booso tun'tambulaangë mu ciminu Ciluunzi cinë Nzaambi wukanyi.

Efeesë 4:32

Baanu baatu bëboti i bëwaalë yi luzolo mu bayiinu. Lwe yilen'vukilyaanu benuveekë yi benuveekë, dedë mweekë Nzaambi wululenvukilë mu Kliistu.

1 Tesaloniikë 5:15

Kebaanu wosuku muutu mu kuvutulë libi mu libi, kasi cyeengaanu mu ntaangu syakë syooso mu kuvaangë liboti mu benuveekë i benuveekë i mu baatu bakë booso.

Ebele 12:17

Ku ntwaalë yikwendë, beeno lulizabisi, naandi wuzolë kubyalilë lusakumunu, bisë n'nyakunë. Wusye bakë luvoto ko mu kuliviinji, keti wulitombilë mu kulilë.

Ebele 6:14

Naandi wusë tubë : « Miinu yalefë mpesë mu kukusakumunë yinë lunduu i kukuvaanë mboongu yi sindaandu yi funë. »

1 Pyeelë 5:10

Beeno lum'monë yivaandi simpasi fë mwa ntaangu. Kasi Nzaambi cizibë ci muulë wooso, wulutelë mu kubakë yaandi bumpumu bu sakë yi sakë mu lubundunu yimunë Yeesu Kliistu. Naveekë wulucyemisi, wulucindisi, wulufulë n'viingu i wulukasi fë simbaandu siciindë.