1 Pyeelë 3:8 - N’KANGULU WUMOONË

⁸ Oboobo, baanu benubooso simbalulu si mweekë i n'vwiilu wumweekë. Lwe zolësënaanu dedë mweekë baanë bë nguli, kalilaanu mu mëboti i mu bubonzulu benuveekë yi benuveekë.

1 Pyeelë 3:8 Iomraidhean Croise

Matye 18:33

Nkanë njeeyi yivaaku wufwenikini kufwiilë mbasyaaku cyaali, bo miinu yibe kufwiilë cyaali.”

Liikë 10:33

Kasi musë Samali, wabë mu mweendo faawu, kutuukë belë-belë yi wo bëlwaasi. Bunë kwam'moni, cyuundë cinenë cisë n'kotili.

Mëvaangë 2:1

Bunë cilumbu ci n'saangu wu Pantekootë cyatuuci, bitamaanë byooso bëyidukënë fë cimweekë.

Mëvaangë 27:3

Mu cilumbu cilandëkënë, beeso tusë ke tuukë ku livulë li Sidoonë. Zuluusë wunë wuvaangë Poolë maambu mëboti, wusë n'vaanë n'swa mu kweendë kuke sindiku syaandi bwiinji kubakë biimë binë kwabë n'ciinzë.

Mëvaangë 28:7

Fë mbiinji beenë, fabë cibwa ci likundaalë fumu citumbu bën'telaangë Pubiluusë. Na wuuwu wutuyakë yi luzolo looso i beeso tuvyoosi bilumbu bi tatu kwaawu.

Mëvaangë 4:32

Nkoongë yooso yi bitamaanë babë deku-dekoo, n'timë mweekë i mbalulu si mweekë. Mu baawu, wun'viipë ve wulëpodi kutubaangë: byo yibakë byaami miveekë. Kasi mu baawu, byakë byooso bëbakë, byabë bi n'twaali.

Loomë 12:10

Lwe baanu luzolo mu benuveekë yi benuveekë bo baanë bë nguli bën'zolësënaangë. Baanu buvavambë mu kuyicinzikë benuveekë i benuveekë.

Loomë 15:5

Nzaambi cizibë ci civuufu i ci mëngolo, wuluvaanë mëkanë mu kuzingilë benuveekë yi benuveekë mu bundiku yimunë bën'ka mu kulandilë cifwaani ci Yeesu Kliistu.

1 Koleentë 1:10

Baanë bë nguli, beeno yin'loombë mu lizinë li Fumwiitu Yeesu Kliistu : yuwusënaanu, nubaanu ko yi butaandu mu benuveekë. Lwe baanu muutu wumweekë, mbalulu mweekë, ciminu cimweekë.

1 Koleentë 12:26

Ningë cinamë cimweekë ci nyitu cim'beelë, byakë byooso bim'beelë yimunë cyaawu. Ningë cinamë cimweekë cibe cinzëmë, byakë byooso bin'sangilë yimunë cyaawu.

Efeesë 4:2

Lwe baanu yi bubonzulu, luvuundë i mpungë-moonyi. Lwe vitikësënaanu benuveekë yi benuveekë mu luzolo.

Efeesë 4:31

Nuluundyaanu ko mu n'timë libi, likaanzi, fiti, yi ncyeembi i bifiingu. Kebaanu mu mëvaangë makë mooso mëbi.

Efeesë 4:32

Baanu baatu bëboti i bëwaalë yi luzolo mu bayiinu. Lwe yilen'vukilyaanu benuveekë yi benuveekë, dedë mweekë Nzaambi wululenvukilë mu Kliistu.

Filiipë 2:3

Luvaanjaanu cin'velë ko mu ciluunzi ci bumpalë kaambofo mu cideenzë ci bumpumu bunyungulë, kasi yimunë kukulukë, monaanu bayiinu dedë mweekë biinji bunaangë yi benuveekë.

Filiipë 3:16

Bosuku bubeeli, tutatëminaanu mu kulaandë nzilë yo beeso tulë mu kulaandë tee yi buyifanwabu.

Koloosë 3:12

Beeno lweekë mboongu Nzaambi. Nzaambi walusoolë i naandi waluzolë. Mati mu lyaawu beeno lufwenikini kuba yi n'timë wumboti, bwalëkisi, kukulukë, bubonzulu i mpungë-moonyi.

Ebele 13:1

Tatëminaanu mu luzolo benuveekë yi benuveekë dedë mweekë baanë bë nguli.

Zaakë 2:13

Licyelikë, bunë Nzaambi kun'fundisi baatu, naandi kusë m'monë cyaali ko mu banë bën'kaambu kubakaangë bayaawu cyaali. Kasi wunë wum'bakaangë bayaandi cyaali, naandi wusyeeli yi boomë ko mu lufundusu.

Zaakë 3:17

Kasi bungelë bu yilu bulyoomë ntetë ketë ntetë, bu landëkënë, buke n'sikë, buvuundë, bwalëkisi. Buwaalë cyaali i mëvaangë mëboti. Bwaawu butaandu ve i mëfukë-nyeembo ve.

Zaakë 5:11

Beeso tulë mu kutendulë, nyeenzi oyo ke banë bëtatëminë. Beeno luyuwu mpungë-moonyi yi Zoobë i luzabisi manë Fumu wun'vaanë fë siitu. Licyelikë, Fumu ke beenë cyaali i maambu mëboti.

1 Pyeelë 1:22

Beeno lwalyoomë bo lwacikunë cyelikë, mu kuzolësënaanu cyelikë dedë mweekë baanë bë nguli. Mu lyaawu zolësënaanu yin'zaci yooso benuveekë i benuveekë, yi n'timë wulyoomë.

1 Pyeelë 2:17

Cinzikaanu baatu bakë booso, zolaanu baanë yiinu bë nguli mu ciminu, kuundaanu Nzaambi, cinzikaanu fumu-lwaangu.

1 Pyeelë 5:5

Bo bumweekë beeno bilesi, lwe cinzikaanu bëkuluutu banë bëluvyokili mivu. Beeno booso lwe kalilaanu mu bubonzulu mu nyuwusunu yimunë bëmesë, cibilë Lisonëmë : « Nzaambi wuleendë bangë lunaangu, kasi naandi wun'vaanë muulë kuke bibonzulu. »

2 Pyeelë 1:7

Vandi mu lukangumunu mu Nzaambi, bweelaanu lyukunë yimunë bayiinu i mu lyukunë luzolo.

1 Za 3:14

Beeso tuzabisi ti, twabotukë ku lufwa i tweekë ku luziingu, cibilë beeso tuzolisi baanë biitu bë nguli. Wunë wun'kaambu kuzolë, wucini mu lutumu lu lufwa.