1 Pyeelë 3:7 - N’KANGULU WUMOONË

⁷ Benuviinu bëbakëlë, zingilaanu yimunë bëkasi biinu, mu kuzaabë ti baawu bëdekë. Bësasyaanu mu luciinzu looso, cibilë baawu bëfwenikini kutambulë yimunë beeno likabu li luziingu lu cyelikë kuke Nzaambi. Vangilaanu boobo bwiinji cin'velë ve ciluvangisi cikaku mu misaambwiinu.

1 Pyeelë 3:7 Iomraidhean Croise

Koloosë 3:19

Bënuni, zolaanu bëkasi biinu i kebaanu kuba yi bubaalu mu baawu.

Efeesë 5:33

Kasi lyaawu lin'talë yivaandi benuviinu: bufwenikini kadë n'nunyi kuzolë n'kasyaandi dedë mweekë naveekë i wosuku n'cyeetu kucinzikë n'nunyaandi.

1 Koleentë 7:3

N'nuni fwenikini kuvaangë cisalu cyaandi ci bununi fë meeso më n'kasyaandi i n'cyeetu yivaandi fwenikini kuvaangë cisalu cyaandi fë meeso më n'nunyaandi.

Matye 18:19

« Licyelikë yivaandi yilukaambë, ningë bwaali bë bëkuwusënë fë n'toto, lyosuku lyaambu bën'loombë, Tataami wuke ku mëyilu wubëvaanë.

1 Tesaloniikë 4:4

Kadë muutu mu beeno kwe zaabë kuboongë n'cyeetu mu nteku busaantu i yicinzëmë,

Efeesë 6:18

Makë mooso omo, loombaanu maawu mu n'saambu. Cyelikë sambilaanu yosuku ntaangu yimunë luzudi lu Ciluunzi, mu lya lyoolyo, zungululaanu i kalilaanu lusulëmë. Saambililaanu mu mboongu yooso yi Nzaambi.

Efeesë 3:6

Talaanu lisweeci beenë: mu cibilë ci Mpolu Mboti, banë bëkeeli Sizwiifë ko i bo bëke Sizwiifë beekë yi n'swa wukutambulilë biimë biboti binë Nzaambi kulundilë mboongwaandi, baawu beekë binamë bi nyitu mweekë i baawu yivaandi bëm'bakë lukanyu lo Nzaambi kuvaanë mu Kliistu Yeesu.

Tiitë 3:7

Mu lyaawu, mu muulaandi, naandi watuvangisi baatu bësulëmë fë ntwaalaandi i watuvangisi kwaakë luziingu lu sakë yi sakë lunë beeso twatuulë civuufu.

Efeesë 4:30

Keelaanu lulë nyotëkini Ciluunzi ci Saantu cinë Nzaambi kuluvaanë. Cyaawu ciifi mu cilumbu cin'kwisë cinë Nzaambi kulukobulilë mu libi lyooso.

Ebele 1:14

Siyaanzi baawu biluunzi bin'salilaangë Nzaambi : naandi wubëfilaangë mu kuzudi banë bëfwenikini kutambulë luvukulu.

1 Pyeelë 3:1

Benuviinu bëcyeetu, lwe cinzikaanu bënuni biinu, bwiinji mooti wun'viipë mu baawu kusë n'ta maanë ko mu libuungu li Nzaambi, mu ndyatulwiinu, bwiinji bëba yi ciminu. Mëbuungu miinu misë m'ba kwaandi n'ciinzë ko.