1 Pyeelë 3:4 - N’KANGULU WUMOONË

⁴ Tiilyoko toombaanu lunyeefunu lu n'timë, n'saangë ndecikë wukaambu kudiifë wu ciluunzi ci mëleembë i ci butëmë, cike bukaalu bunenë fë meeso më Nzaambi.

1 Pyeelë 3:4 Iomraidhean Croise

Matye 11:29

Boongaanu n'funaami i tambulaanu mëkomini maami, cibilë miinu muungë bubonzulu i yitukukë n'timë. Mu boobo, mwa beeno lum'bakilë luvundulu lu biluunzi biinu.

Matye 21:5

« Kaambaanu nduumbë n'cyeetu yi Siyoonë : “Tala, n'tinwaaku wakë n'kwisë ke njeeyi, yi bubonzulu, wumakë fë yilu buulu, i mwaanë buulu.” »

Matye 23:26

Falisyaanu mpofo! Lyoomisyoobo cin'tetë likati li mbuungu i li lubuci bwiinji lingaandë yivaandi licya. »

Matye 5:5

Nyeenzi ke bibonzulu, cibilë bëm'byaalilë n'toto.

Liikë 11:40

Beeno biyimbu lukeeli! Nzaambi wuvaangë Li ngaandë, naandi sye vaangë yivaandi likati kwe?

Liikë 16:15

Yeesu wusë bëkaambë : « Beeno, baatu bën'leesi ti lusulëmë fë meeso më baatu, kasi Nzaambi wuzabisi mitimiinu. Cibilë linë baatu bëm'monë ti like beenë bunenë fë meeso më Nzaambi ciimë kwaandi vwiili. »

Loomë 1:23

Baawu yikudumisi Nzaambi wun'kaambu kufwa, bakuundë bintumbë bin'leesi muutu wun'fwangaangë, sinuni, bibulu bike maalu më na i sinyokë.

Loomë 2:29

Kasi Zwiifë yi cyelikë mati wo wuke mu kati, wunë wabuku bubakëlë mu n'timaandi, kubukë bubakëlë yin'vangënë mu Ciluunzi ci Nzaambi i yaaku ti mu n'kaakë wo wusonëmë. Zwiifë be yooyo wun'tambulë ndumu yaaku ke baatu ko, vandi kasi ke Nzaambi.

Loomë 6:6

Zaabaanu buboti lyaliili : cimuutu ci ntamë cyabë yiitu cifwa yimunë Kliistu fë kuluusu, bwiinji nyitwiitu yi lisumu yibungënë i tuleembu kube ba bëndongo bu lisumu.

Loomë 7:22

Ku kati ku n'timaami, yike yi cideenzë mu n'kaakë Nzaambi.

2 Koleentë 10:1

Miveekë Poolë, yilë mu kuluciinzi mu mëleembë i mu buboti bu Kliistu, miinu wo bëtubilë mu bubonzulu bwaami bunë yikelili yimunë beeno, kasi yi n'viingu fë meeso miinu mooti yikeeli yiinu ko. Mu mëleembë i buboti bu Kliistu,

2 Koleentë 4:16

Mu bwaawu beeso kupodi ve kuvolë bitu. Keti cimuutu ciitu cilë ke diifaangë fwati-fwati, cimpeefë ciitu cilë mu ke fusulaangë kadë cilumbu.

Ngalaatë 5:23

mëleembë i lukebu lu nyitu. N'kaakë wusë n'leendë ko mpilë sinsalulu be syoosi!

Efeesë 4:2

Lwe baanu yi bubonzulu, luvuundë i mpungë-moonyi. Lwe vitikësënaanu benuveekë yi benuveekë mu luzolo.

Koloosë 3:12

Beeno lweekë mboongu Nzaambi. Nzaambi walusoolë i naandi waluzolë. Mati mu lyaawu beeno lufwenikini kuba yi n'timë wumboti, bwalëkisi, kukulukë, bubonzulu i mpungë-moonyi.

Koloosë 3:3

Cibilë, beeno lwafwa i luziingu lwiinu luswaminë yimunë Kliistu mu Nzaambi.

1 Tesaloniikë 4:11

Lwe baanu cideenzë ci kuzingilë mu n'sikë, mu kuyivaanë mu bisalu biinu benuveekë i mu kusalë mu myookwiinu mu kubakë cinë cifwanëkënë, bo tululombilë faanë yi faanë.

2 Tesaloniikë 3:12

Mu baatu be boobo, beeso tun'loombë, tun'kwindulë lyaliili mu lizinë li Fumu Yeesu Kliistu : bësalë ntaangu syakë syooso bwiinji bëbakë mu baveekë ndiiwu yi kulya.

1 Timotee 2:2

Lufwenikini kusambililë mu mitinu i mikwa-lwaangu yooso, bwiinji tunatë luziingu luvuundë, lu n'sikë, lucinzëmë, mu lufyaatu mu Nzaambi.

2 Timotee 2:25

wufwenikini kuloongë mu mëleembë mooso banë bëke simbalulu sivyakënë. Nzaambi wum'podi kubëvaanë luvoto mu kubalulë simbalulu syaawu i kuzaabë cyelikë.

Tiitë 3:2

Keelë baawu kutubilë libi mu muutu, bëfwenikini kuba baatu bë n'sikë i bën'leesi mëboti, kukalilë ntaangu syakë syooso mu mëleembë ke baatu bakë booso.

Zaakë 1:21

Mati mu lyaawu, bumaanu makë mooso mën'vangisi kusafukë i makë mooso më tuvangisi kuba bubaalu. Lwe taambulyaanu yi bubonzulu libuungu linë Nzaambi wakunë mu n'timiinu, cibilë lyaawu like yi lutumu mu kuluvuuci.

1 Pyeelë 1:23

Licyelikë, beeno lwabutu buntukulu yimoonë, yaaku ti baatu bën'fwa cilumbu, kasi mu cibilë ci cikunu cin'kaambu kufwa i mu cibilë ci libuungu li moonyi li sakë yi sakë li Nzaambi.

1 Pyeelë 3:15

Kasi, zanjikaanu Kliistu mu mitimiinu dedë mweekë Fumwiinu. Bëlëminaanu, mu kuyikakulë fanë bululoombilë cimbaanji ci civuufu ciinu.