1 Pyeelë 2:8 - N’KANGULU WUMOONË

⁸ Kun'ka, mu Libuuku li Nzaambi, bëtubooso: « Limanyi lin'vangisi baatu kutelumukë, Limanyi li ngooto lin'vangisi baatu kubwa. » Baatu obo bëtelumukë cibilë baawu bëmaangë kuvitikë libuungu li Nzaambi i mu lyalyooli baawu bësifu.

1 Pyeelë 2:8 Iomraidhean Croise

Liikë 2:34

Simeyoonë wusë bësakumunë i kukaambë Maali, mamë Yeesu : « Mwaanë awu wakwiisë mu kubwiisi, kaambofo kuvumbulë baatu bëmpaapë bë Islayeelë. Naandi wum'ba ciliimbu ci Nzaambi, cin'vangisi nkankini,

Loomë 9:22

Boobo, Nzaambi watoombë kuleesi likaanzi lyaandi i kuzabikini luleendo lwaandi. Mu kumonë, naandi wucikunë yi mpungë-moonyi banë bëfitë tambulë likaanzi i bëbelëmë mu lunyambekunu.

1 Koleentë 1:23

Bunë beeso tun'tendulaangë Kliistu wo bëkomë: mati saangu luvukumuku mu Sizwiifë i bulawu mu bo bëkeeli ko Sizwiifë.

2 Koleentë 2:16

Mu bën'ka, mati nfiimbu lufwa yin'natë ku lufwa. Mu bëmesë, mati nfiimbu yi luziingu, yin'natë ku luziingu. Mu lyaawu, naanyoowo wum'podi kubakë likanë mu kusalë mpilë cisalu ocyo?

Ngalaatë 5:11

Mu miinu, baanë bë nguli, ningë ti yim'podyooso kuloongë bunë bëfwenikini kubukë bubakëlë, cibilë mbicyooso lulë mu kun'kwamisye? Mu lya lyoolyo kutendulë lubaandulu lu Kliistu lusë be ba lyaambu libi ko mu muutu.

1 Tesaloniikë 5:9

Licyelikë, Nzaambi wusye tutelë ko mu kubwa mu likaanzi lyaandi, kasi mu kubakë luvukulu mu Fumwiitu Yeesu Kliistu.

1 Pyeelë 2:6

Kasi talaanu mo mësonëmë : « Miinu yasoolë limanyi li bukaalu linë yin'tuulë buke limanyi linkumë ku Siyoonë. Wunë wukun'siilë lufyaatu wusë n'fwa sonyi ko. »

1 Pyeelë 2:7

Limanyi be lyoolyo lim'ba liinji bukaalu mu beeno bitamaanë, kasi mu banë bëkaambu kuta maanë : « Limanyi lyo bituunji bë buumë lyacitukë limanyi linjiinji. »

2 Pyeelë 2:3

Mu luzolo lu lubaku, miloonji be yooyo yi lupuutu, mba bëlutafë mu sinsinunu syaawu si lupuutu. Kasi faanë yi faanë, lufundusu lwaawu lwabelëmë i lunyambëkunu lun'lengë bwa mu baawu!

Zuudë 1:4

Licyelikë, mpaapë baatu bëke sinsalulu simbi bëkotë mu mësweeci fë meeyiinu. Baawu bëbalulë muulë wu Nzaambiitu mu kusalilë busafu, baawu bëmaangë Yeesu Kliistu, N'loonjiitu i Fumwiitu. Mpaapë ntaangu sivyookë, lusifu lwaawu lusonëmë mu mëbuuku më Nzaambi.