1 Pyeelë 2:5 - N’KANGULU WUMOONË

⁵ Lwe mboonjyaanu benuviinu ciikë, dedë mweekë ti mëmanyi më moonyi, mu n'tungulu n'zo-Nzaambi yi cimpeefë. Beeno lun'vaangë nkoongë singangë-Nzaambi siyituunvi mu Nzaambi. Beeno lukun'vaanë bivakuli bi cimpeefë bim'ba biboti mu Yeesu Kliistu.

1 Pyeelë 2:5 Iomraidhean Croise

Loomë 12:1

Baanë bë nguli, bo Nzaambi waleesi buboti bwaandi mu beeso, yin'loombë luyiyindulë nyitwiinu dedë mweekë bivakuli bi moonyi, bi saantu, bëbëlikë mu Nzaambi. Mati waawu n'saambu wumboti lukun'vaanë.

Loomë 15:16

mu kuba ciseelu ci Yeesu Kliistu fë meeyi mboongu yo yikeeli ko Sizwiifë. Miinu yilë mu kudukusi cisalu ci semu ci lutendululu lu Mpolu Mboti yi Nzaambi, bwiinji bo bëkeeli ko Sizwiifë bëcitukë likabu liboti mu Nzaambi i lim'monikë ke naandi mu cimpukë ci Ciluunzi ci Saantu.

1 Koleentë 3:16

Beeno luzabisi cibeeni ti n'zo-Nzaambi lukeeli i Ciluunzi ci Nzaambi cin'zingilë mu beeno.

1 Koleentë 3:9

Cibilë beeso sindiku si cisalu i beeno solë yi Nzaambi, beeno yivaandi n'zo-Nzaambi.

1 Koleentë 6:19

Nusye zaabaanu kwe ti sinyitu siinu, n'zo Ciluunzi ci Saantu, Ciluunzi be cyooci cike mu beeno i Nzaambi wuluvaanë? Sinyitu siinu sicili siinu ko :

2 Koleentë 6:16

Lukubu mbici lum'podi kuba yi n'zo-Nzaambi i sinzaambi si bintumbë? Cibilë beeso n'zo-Nzaambi yi moonyi tukeeli, bo Nzaambi wulitubilë naveekë: « Miinu yin'zingilë yaawu i yin'lyaatë yaawu, miinu yim'ba Nzaambyaawu i baawu bëm'ba likaandë lyaami. »

Ngalaatë 6:10

Mu lyaawu, ningë ti beeso tuke luvoto, twe vaanjyaanu mëboti ke bakë booso i kulu-kulu yiveko ke baanë biitu bë nguli mu ciminu.

Filiipë 1:11

Beeno lum'ba bisinë bi mësalulu mësulëmë mën'fuminë mu beeno mu Yeesu Kliistu, mu bumpumu i ludumu lu Nzaambi.

Filiipë 2:17

Bunë yim'balë meengë maami më m'podi kwicikë, dedë mweekë likabu lyabweelu fë civakuli cinë ciminu cin'leesi fë nduunzi Nzaambi. Ningë ti boobo lim'beelë, miinu yike mu nyeenzi i beeno lum'bundënë benubooso mu nyeenzyaami.

Filiipë 4:18

Miinu yisisiminë ti yitambulë byo lukun'filë, mati bifweeni. Buyifanwabu, Epafolëdiitë wakunatinë mëkabu miinu, yabakë byakë byooso binë bike n'ciinzë. Mëkabu be moomo meekë dedë mweekë likabu li nfiimbu yimboti, likabu linë Nzaambi kun'vitikë i likun'toonzi.

Koloosë 3:17

Makë mooso lun'vaangë mu mëbuungu kaambofo mu mëvaangë, vangilaanu maawu mu lizinë li Fumu Yeesu, mu kutoondë Taatë Nzaambi.

1 Timotee 3:15

Fa foofë, ningë miinu yisye lengë kwiisë ko, mu kukudyengënë, bisonë abi bikusunjikilë buni wufwenikini kulyatilë mu cifuumbë ci Nzaambi, cinë cike Cingangë ci Nzaambi yi moonyi, likuunzi i lusinjiku lucyelikë.

Ebele 3:6

Kasi Kliistu wusulëmë bunë kuke Mwaanë wutuulu fë ntwaalë n'zo-Nzaambi. Beeso n'zwaandi tukeeli, ningë tube luundë lufyaatu lwiitu i civuufu cinë beeso tuke lunyemu.

1 Pyeelë 2:9

Kasi beeno likaandë lisoolu, singangë-Nzaambi si N'tinu, buloongo bulyoomë, mboongu yi Nzaambi. Naandi wulubotulë ku citoombi mu kulunatë ku cyeseesë cyaandi ciboti, bwiinji lutendulë mëvaangë maandi më kwaatë-yekë.

1 Pyeelë 4:11

Wunë wuke yi likabu li libuungu kwe vaanë mëbuungu më Nzaambi. Wunë wuke yi likabu li biseelu, kwe salilë lyaawu yi n'viingu wunë Nzaambi kun'vaanë. Bufwenikini mu makë mooso kutoondë Nzaambi, mu Yeesu Kliistu wuke bumpumu i luleendo lu sakë yi sakë! Ameenë.

1 Pyeelë 4:17

Ntaangu yakufwaanë yo lufundusu lun'toninë mu n'zo-Nzaambi. Obo ningë lufundusu lun'toninë ntetë mu beeso, buni bëm'beelë ku siitu mu banë bëkaambu kuta maanë mu Mpolu Mboti yi Nzaambi?

Luzabukunu 1:6

Naandi wuvaangë mu beeso Lwaangu lu singangë-Nzaambi mu kusalilë Nzaambi, Tataandi. Bumpumu ke naandi i luleendo mu ntaangu syakë syooso! Ameenë.

Luzabukunu 20:6

Nyeenzi ke banë bëm'bakë cikuuku mu luvulumuku be loolo lun'tetë! Baawu bëm'ba banë bë Nzaambi i lufwa lumwaali lukeeli yi lutumu mu baawu kuve. Baawu bëm'ba singangë-Nzaambi si Nzaambi i si Kliistu i baawu bën'tumi fë ntaanji yi Kliistu fë biveefi bi mivu.

Luzabukunu 3:12

« Ke wunë wum'bakë nduunji, miinu yin'vaangë likuunzi mu n'zo Tataami Nzaambi i naandi wusë bëbasikë ko. Miinu yin'sonikë mu naandi lizinë li Nzaambi yi lizinë li livulë li Nzaambi, Yelusaleemë yimoonë yinë yin'kulukë ku yilu, yin'filu ke Nzaambyaami, miinu yin'sonikë mu naandi lizinë lyaami limoonë. »

Luzabukunu 5:10

Mu baawu njeeyi wavaangë lwaangu lu singangë-Nzaambi mu kusalilë Nzaambiitu, i baawu bëm'byaalë fë moongo butoto. »