1 Pyeelë 2:12 - N’KANGULU WUMOONË

¹² Lwe baanu mëvaangë mëboti fë meeyi banë bëkaambu kuta maanë. Mu bwaawu, keti baawu bëlusuungë mu ke lutelaangë bivadë-mbi, baawu bën'zaabë mëvaangë miinu mëboti i mu kudumisi Nzaambi cilumbu cyo kun'kwisilë.

1 Pyeelë 2:12 Iomraidhean Croise

Matye 10:25

Bufwenikini cilaanzi kuba buke n'loonjyaandi. I n'dongo fwenikini kuba buke fumwaandi. Ningë fumu n'zo bëkun'teelë Belëzebuulë, buni bën'kaambu kufingilë banë bëke yaandi n'zo mweekë! »

Matye 5:11

Nyeenzi ntaangu bëlufingilë, bëlukwamisi, bëlutumbilë simbi simpilë ku mpilë, cibilë lwata maanë mu miinu.

Matye 5:16

Mati bwaawu bufwenikini cyeseesë ciinu cin'lesikë fë meeso më bakë booso, bwiinji bakë booso bëmonë bisalu biinu i bëdumisi Tatiinu wuke ku mëyilu. »

Matye 9:8

Bunë sinkoongë syamoni lyalyooli, bisë ba mu n'zenzë i ke dumisyaangë Nzaambi awu wavaanë lutumu lu mpilë oyo ke baatu lumoonyi.

Liikë 1:68

« We dumu Fumu, Nzaambi yi mboongu Islayeelë, cibilë ti naandi wakwisë mu kuzudi mboongwaandi i mu kuyivuuci.

Liikë 19:44

Baawu bëkunyisëkënë nje wo, njeeyi i baanë baaku booso. Baawu bisë bëm'biikë ko limanyi limweekë kutetëmë fë yilu limanyi lin'ka, cibilë njeeyi wusye bakulë kuve ntaangu yo Nzaambi wuyisë mu kukuzudi! »

Liikë 6:22

« Nyeenziinu oyo mooti baatu bëbe luleendë, mooti baawu bëbe lunyacikë, bëbe lufiingë i kutubë libi mu beeno, cibilë lwata maanë mu Mwaanë Muutu.

Za 13:31

Zuda abu kwe basikë, Yeesu wusë tubë : « Buyifanwabu bumpumu bu Mwaanë Muutu bwamonikë i bumpumu bu Nzaambi bwamonikë mu naandi.

Mëvaangë 15:14

Simeyoonë wusë bëkwalilë buni kuzudilë banë bëkeeli ko Sizwiifë fanë ntonunu, mu kusoolë mu kati kwaawu likaandë linë lim'ba lyaandi.

Mëvaangë 24:13

Baatu aba kupodi ve kuleesi mëbooti manë yavaangë, manë baawu bëlë mu kun'fuundilë buyifanwabu.

Mëvaangë 25:7

Ntaangu Poolë wuyitukilë, Sizwiifë banë bëfuminë ku Yelusaleemë bisë kun'zukë i bisë n'fwikilë mpaapë maambu mëngolo manë naandi wukaambu kubakilë likanë mu kuyitubilë.

Mëvaangë 28:22

Kasi beeso tun'vwa n'ciinzë kuwu mu munwaaku, maambu mo njeeyi wulë mu kubalë, cibilë tuzabisi ti fosuku faamë baatu bëke mu kumaangë cinguuku cyo njeeyi wukeeli. »

Loomë 12:17

Keelaanu lulëvutulë simbi mu simbi. Vangaanu simboti fë ntwaalë baatu bakë booso.

Loomë 13:13

Twe natyaanu luziingu lucinzëmë, bo bufwenikini mu cyeseesë ci cilumbu. Twe leembwaanu bulyaafu i kukolu mëlafu, busafu i sinsalulu syooso simbi, kwambilë i likwaafi.

Loomë 14:18

Wo wun'salilë Kliistu mu mpilë oyo, naandi wun'toonzi Nzaambi i wun'vangisi baatu kuba mu liyaanji.

Loomë 15:9

Naandi wuyisë bwiinji banë bëkeelë ko Sizwiifë bëdumisi Nzaambi mu buboti bwaandi, bo bën'loombilë Bisonë : « Mu bwaawu yikudumisi fë meeyi mëkaandë, i miinu yin'yolë mu luciinzu lwaaku. »

1 Koleentë 14:25

Simbalulu syaandi siswaamë sim'monikë fë ciyalëlë. Mu lyaawu, naandi wun'kudikë nduunzi fë n'toto i wun'kuundë Nzaambi mu ntubulu ayi : « Cyelikë Nzaambi ke yiinu. »

2 Koleentë 1:12

Tala lyaambu linë lim'podi kuvaangë lunyemu: dedë mweekë mbalulwiitu yin'vaanë cimbaanji, beeso twalyatilë mu buloongo, yiveko yi beeno, yimunë kutukukë i cyelikë bin'fuminë ke Nzaambi, mu kulyatilë mu muulaandi i yaaku ti mu bungelë bu cimuutu.

2 Koleentë 13:7

Beeso tusambilë Nzaambi, bwiinji luleembu kuvaangë lyosuku libi, beeso tusë n'zolë ko kululeesi ti twaluungë, kasi mu kulumonë kuvaangë liboti, keti tulubiindu.

2 Koleentë 8:21

Beeso tun'toombë kuvaangë liboti yaaku tokë fë nduunzi Fumu, kasi yivaandi fë meeso më baatu.

Efeesë 2:3

Besiinu booso yivaandi, twabë buke baawu, tulëzingilaangë mu bideenzë biitu binsunyi, tuluvaangaangë manë mëlë zolaangë n'nyitwiitu i ciluunzi ciitu. Bwaawu, mu cibilë ci n'sunyiitu, twabë tusifu mu kutambulë lufundusu lu Nzaambi dedë mweekë bën'ka.

Efeesë 4:22

Beeno lufwenikini kubiikë ndyatulwiinu yi ntamë i lubumë cimuutu ciinu ci n'sunyi i bideenzë bi lupuutu bin'nataangë ku lufwa.

Filiipë 1:27

Mu bwaawu, lyatilaanu bunë bufwenikini mu Mpolu Mboti yi Kliistu. Oboobo, keti yilë kwiisë mu kulumonë kaambofo yilë kaambu, miinu yin'kuwu ti beeno lukangiminë mu lubundunu mu ciluunzi cimweekë i beeno lun'nwaninë fë cimweekë mu n'timë wumweekë mu ciminu cisikëmë mu Mpolu Mboti.

Filiipë 4:8

Oboobo, baanë bë nguli, talaanu linë lifwenikini kutiisi binë biboti i bifwenikini kudumu: mu makë mooso mëcyelikë, mëcinzëmë, mësulëmë, mëlyoomë, mënyeefë i mëzangëmë.

1 Tesaloniikë 4:12

Ndyatulwiinu yin'vangisi banë bëkaambu kuta maanë kulucinzikë i beeno lusë m'ba n'funë mu muutu ko.

1 Timotee 2:2

Lufwenikini kusambililë mu mitinu i mikwa-lwaangu yooso, bwiinji tunatë luziingu luvuundë, lu n'sikë, lucinzëmë, mu lufyaatu mu Nzaambi.

1 Timotee 4:12

Keelë bëlëleenji bulesi bwaaku, kasi ba cifwaani fë meeyi bitamaanë, mu mëbuungu maaku, mu ndyatulu lwaaku, mu luzolo lwaaku, ciminu cyaaku i bulyoomë bwaaku.

1 Timotee 5:10

i naandi fwenikini kuzabukunu mu mëvaangë mëboti. Wunë wuyonzulë buboti banë baandi, wuyakë buboti baatu, wunë wusukulë maalu më bitamaanë, wunë wusasi banë bëyabë mu simpasi i wunë wusalilë makë mooso mëboti.

Ebele 13:18

Sambilaanu mu beeso. Beeso tuzabisi ti tuke mbalulu yimboti, cibilë beeso tuzolisi kulyatilë mu kadë luvoto.

Ebele 13:5

Keelaanu lulë ba nyeenzi mboongo. Vwilaanu moonyi kanuku mu binë bike yiinu, cibilë Nzaambi wutubë : « Miinu yisë kubiikë ko, yisë kuvubikë ko. »

Zaakë 3:13

Ningë fë meeyiinu luke yi muutu wuke yi bungelë i mëlyeelë? Naandi we mëleesi mu ndyatulwaandi, mu mëvaangë yimunë bubonzulu i bungelë.

1 Pyeelë 2:15

Licyelikë, linë Nzaambi kuzolisi, mati luvaangaanu liboti bwiinji lukolikë bivuunji i bivulikini.

1 Pyeelë 3:16

Kasi vangilaanu lyaawu mu mëleembë i luciinzu. Lwe baanu simbalulu silyoomë bwiinji bo bëlusuungë mu nyendulwiinu yi mboti bëfwa sonyi mu tusuungu twaawu.

1 Pyeelë 4:11

Wunë wuke yi likabu li libuungu kwe vaanë mëbuungu më Nzaambi. Wunë wuke yi likabu li biseelu, kwe salilë lyaawu yi n'viingu wunë Nzaambi kun'vaanë. Bufwenikini mu makë mooso kutoondë Nzaambi, mu Yeesu Kliistu wuke bumpumu i luleendo lu sakë yi sakë! Ameenë.

2 Pyeelë 3:11

Cibilë ti byakë byooso bin'lakëtë, bakulaanu buboti linë beeno lufwenikini kuvaangë! Bufwenikini nyendulwiinu kuba yi busaantu i lufyaatu mu Nzaambi.