1 Pyeelë 1:8 - N’KANGULU WUMOONË

⁸ Beeno lun'zolisi, keti lulë kaambu kum'monë, lwata maanë mu naandi, keti lusë kube m'monë ko. Mati mu lyaawu, beeno lun'kalilë mu liyaanji i bumpumu bun'kaambu mëtubulu.

1 Pyeelë 1:8 Iomraidhean Croise

Matye 10:37

Wunë wuzolisi tataandi, kaambofo mamaandi kuvyokilë miinu, na woowo wusye kun'fwanëkënë ko. Wunë wuzolisi mwanaandi wu bakëlë kaambofo wu n'cyeetu kuvyokililë miinu, na woowo wusye kun'fwanëkënë ko.

Za 14:15

Ningë beeno lun'zolisi, lun'lenvukë tutumu twaami.

Za 14:21

« Wunë wun'siimbë tutumu i wuyicinzikë, naandyoowo, be kun'zolë. Tataami wun'zolë wunë wukun'zolisi. Miinu yikun'zolë yivaandi i yim'monikë ke naandi. »

Za 14:24

Wunë be kaambu kun'zolë wum'maangë mëbuungu maami. Linë lulë mu kuwu miinu kutubë lisye fuminë ke miinu ko, kasi ke Taatë wo wukun'filë.

Za 16:22

Bo bumweekë, beeno luke mu simpasi, beeno yiviinu, buyifanwabu, kasi miinu mba yibe lumonë, faawu mitimiinu yim'ba mu nyeenzi i liyaanji liinu, muutu ve wum'podi kulubotulë lyaawu. »

Za 20:29

Yeesu wusë n'kaambë : « Cibilë njeeyi wakum'monë bwaawu wateelë maanë? Nyeenzi ke banë bën'ta maanë keti bëlë kaambu kum'monë! »

Za 8:42

Yeesu wusë bëkaambë : « Licyelikë, mooti Nzaambi wabë Tatiinu, nkanë beeno lukun'zolë, cibilë miinu yifuminë kuke Nzaambi i miinu yike afa mu cibilë cyaandi. Miinu yisye kwisilë mu miveekë ko, kasi naandi na wukun'filë.

Mëvaangë 16:34

Naandi bëkosi ku n'zwaandi i wusë bëvaanë bilya. Naandi yimunë likaandë lyaandi lyooso babë mu liyaanji, cibilë ti baawu bëta maanë mu Nzaambi.

Loomë 14:17

Licyelikë, lwaangu lu Nzaambi lukeeli ko n'samu wukuliilë i kunwa. Kasi lyaawu lim'monikë mu n'sulumunu, n'sikë i liyaanji lin'fuminë ke Ciluunzi ci Saantu.

Loomë 15:13

Nzaambi, cizibë ci civuufu, wuluwaasi liyaanji i n'sikë wufwenikini mu ciminu ciinu mu naandi, bwiinji lubaanu bisinë mu civuufu mu luleendo lu Ciluunzi ci Saantu.

1 Koleentë 16:22

Ningë wun'viipë wusye zolë Fumu ko, biikë ti naandi kutemukë. Malënaatë – Fumwiitu, yisë!

2 Koleentë 1:22

naandi wutuulë yivaandi ciifi ci lizinë lyaandi mu beeso i wudukulë mu mitimiitu Ciluunzi ci Saantu dedë mweekë cikokë ci bukaalu wutulundilë.

2 Koleentë 4:18

Cibilë tun'tuulaangë ntalwiitu yaaku ti mu binë bim'monikë, kasi mu binë bin'kaambu kumonikë. Binë bim'monikaangë bin'vyookë, kasi bin'kaambu kumonikaangë bin'ziingë beenë.

2 Koleentë 5:7

– tun'lyatilaangë cyelikë mu ciminu, yaaku ti mu mweeno ko – .

2 Koleentë 9:15

Ndumu ke Nzaambi mu likabu lyaandi likaambu mëfwanukunu!

Ngalaatë 5:22

Kasi Ciluunzi ci Saantu wun'vanaangë luzolo, liyaanji, n'sikë, mpungë-moonyi, bwalëkisi, n'timë m'boti, lusulumunu,

Ngalaatë 5:6

Cibilë, wunë wubundënë yi Kliistu Yeesu, keti kulë bukë bubakëlë kaambofo moniko, lyaawu likeeli n'ciinzë ko: linë like n'ciinzë, mati ciminu ciitu cyo cim'monikë mu luzolo.

Efeesë 3:19

Cibeeni, beeno lum'podi kuzaabë luzolo lwaandi keti lwaawu lulë vyokililë luzaabu looso i kuba luwaalë mu businë booso bu Nzaambi.

Efeesë 6:24

Biikë muulë Nzaambi wuba yimunë bakë booso bën'zolaangë Fumwiitu Yeesu Kliistu mu luzolo lukaambu më manunu.

Filiipë 1:25

Abu yizabisi lyaliili, yizabisi ti miinu yin'kalilë yimunë beeno mu kuluzudi bwiinji lweendë ku ntwaalë i luba mu nyeenzi mu ciminu.

Filiipë 3:3

Cibeeni, mati beeso tukeeli yi lubukulu lu cyelikë, cibilë beeso tuke mu kusalilë Nzaambi mu Ciluunzi, beeso tuke yi binyemu bo tukeeli mu Yeesu Kliistu. Beeso tusë n'siilë lufyaatu lwiitu ko mu lubaku lu n'sunyi.

Filiipë 4:4

Lwe baanu ntaangu syooso mu nyeenzi mu lubundunu lwiinu mu Fumu. Miinu yilisisiminë: Baanu mu Nyeenzi!

Ebele 11:1

Kusiilë ciminu mu Nzaambi, mati kuta lyaanë mu linë bën'siilë civuufu, kusiinji cyelikë mu binë bin'kaambu kumonikë.

Ebele 11:27

Mu ciminu Moyiizë wusë botukë ku Zipiitë, boomë ve mu likaanzi li n'tinu. Naandi wabë wukangiminë, dedë mweekë wulumonaangë Nzaambi wun'kaambu mëmweeno.

1 Pyeelë 1:6

Mu lyaawu beeno luke mu liyaanji, keti buyifanwabu lulë ba mu cyuundë, mu mwa ntaangu, mu yosuku mpilë lunyokulu.

1 Pyeelë 2:7

Limanyi be lyoolyo lim'ba liinji bukaalu mu beeno bitamaanë, kasi mu banë bëkaambu kuta maanë : « Limanyi lyo bituunji bë buumë lyacitukë limanyi linjiinji. »

1 Pyeelë 5:4

Bunë N'kuluutu n'luungë mëmemë wum'monikë, beeno lun'tambulë ntaatë bumpumu yin'kaambu kudiifë.