1 Pyeelë 1:7 - N’KANGULU WUMOONË

⁷ N'lembuko woolë, yin'difaangë mooti bayitulë ku mbaasu. Mpilë mweekë ciminu ciinu, ciinji bukaalu yi woolë, yiyoku bwiinji bëbakulë bukaalu bwaandi. Mu bwaawu beeno lum'podi kutambulë ndumu, bumpumu i luzanjiku bunë Yeesu Kliistu wun'kwisilë.

1 Pyeelë 1:7 Iomraidhean Croise

Matye 19:28

Yeesu kubëvutulilë : « Licyelikë yilukaambë, mu buloongo bumoonë, bunë Mwaanë muutu wun'kalilë fë ntaanzyaandi yi bumpumu, beeno yiviinu lum'byaalë fë kuumi ntaanji wali mu kufundisi likuumi li mëkomo më mwaali më Islayeelë.

Matye 25:21

Fumwaandi kun'kaambë : “Liboti, njeeyi ciseelu ciboti i cilenvukë. Njeeyi wabë wusulëmë mu mwa biimë kwaandi tokë. Mba yikutuunvi fë yilu bimpaapë. We koti mu liyaanji li fumwaaku.”

Matye 25:23

Fumwaandi kun'kaambë : “Liboti, njeeyi wuli ciseelu ciboti i cilenvukë. Njeeyi wabë wusulëmë mu mwa biimë bicyeeci. Mba yikutuunvi fë yilu bimpaapë. We koti mu liyaanji li fumwaaku.”

Liikë 12:33

Sumbisyaanu byo bike yiinu i vaanaanu simboongo ke biyeembi. Lwe boonji sisaaku simboongo sin'kaambu kutobukë i kucikaanu businë bwiinu ku yilu kunë bwaawu bun'kaambu kunyambëkënë: biifi kupodi ve kubibakë, keti selëlë kupodi ve kubitokumunë.

Liikë 17:30

Bum'beelë bo bumweekë cilumbu cyo Mwaanë Muutu kun'kwisilë. »

Za 12:26

Wunë wuzolisi kun'salilë, naandi wufwenikini kun'daandë, boobo cisasi cyaami cim'ba fo miinu yikeeli. Tataami wun'tuunvi wunë wukun'salilë. »

Za 5:44

Beeno lun'zolaangë luzanjiku, benuveekë yi benuveekë i lusë n'toombaangë ko luzanjiku lun'fuminaangë ke Nzaambi naveekë. Beeno buni lum'podi kun'teelë lyaanë?

Mëvaangë 8:20

Kasi Pyeelë wusë kun'vutulilë : « Simboongo syaaku sye nyambikini yimunë njeveekë cibilë nje wabalë ti likabu li Nzaambi kupodi kusumbilë mu mboongo!

Loomë 2:10

Kasi Nzaambi wun'vaanë bumpumu, ndumu i n'sikë ke bakë booso bën'vangaangë liboti, cin'tetë ke Sizwiifë, kasi yivaandi ke basë Ngeleesë,

Loomë 2:29

Kasi Zwiifë yi cyelikë mati wo wuke mu kati, wunë wabuku bubakëlë mu n'timaandi, kubukë bubakëlë yin'vangënë mu Ciluunzi ci Nzaambi i yaaku ti mu n'kaakë wo wusonëmë. Zwiifë be yooyo wun'tambulë ndumu yaaku ke baatu ko, vandi kasi ke Nzaambi.

Loomë 2:7

Naandi wun'vaanë luziingu lu sakë yi sakë ke banë bën'tatëminë kuvaangë liboti i bën'toombaangë bumpumu, ndumu i luziingu lukalilë.

Loomë 8:19

Buloongo n'viipë bulë mu kuciingë yi lufyaatu ntaangu yo Nzaambi wun'zabikini baanë baandi.

1 Koleentë 3:13

Kasi nteku cisalu ci kadë muutu cim'monikë fë ciyalëlë mu cilumbu ci Lufundusu. Licyelikë, cilumbu be cyoocyo cin'zabëkënë mu mbaasu i mbaasu yin'vangisi kuzabikini cisalu ci wosuku mu kuleesi linë kwavaangë.

1 Koleentë 4:5

Mu lyaawu, lufundisyaanu muutu ko, ntetë ntaangu bëzitikë kufwaanë i fanë fën'kwisilë Fumu: wun'cyenisi binë biswaamë ku citoombi i wun'zabikini simbalulu siswaamë si n'timë baatu. Oboobo kadë muutu wun'tambulë ke Nzaambi ludumu lufwenikini.

Zaakë 1:12

Nyeenzi ke muutu wun'ciindë mu mpekaadu, cibilë fë mbusë kuciindë mu mpekaadu. Naandi wum'bakë ntaatë nduunji, luziingu lu sakë yi sakë lunë Nzaambi kukanyi ke banë kuzolisi.

1 Pyeelë 1:13

Mu lyaawu, kalaanu bëbeliminë mu kusalë, baanu bëtyemunë. Tulaanu civuufu ciinu mu likabu lyo Yeesu Kliistu wuluvaanë bunë kun'kwisilë.

1 Pyeelë 1:5

ke beeno luleendo lwaandi yin'lundilë ciminu mu cibilë ci luvukulu, lubeliminë mëlookë wuzabukunu fë siitu sintaangu.

1 Pyeelë 2:4

Lwe belëmyaanu Fumu, limanyi li moonyi, lyo baatu bëbumë, kasi lisoolu i limonikë bukaalu ke Nzaambi.

1 Pyeelë 2:7

Limanyi be lyoolyo lim'ba liinji bukaalu mu beeno bitamaanë, kasi mu banë bëkaambu kuta maanë : « Limanyi lyo bituunji bë buumë lyacitukë limanyi linjiinji. »

1 Pyeelë 4:12

A sindiku syaami, keelaanu lulë tulumukë mu kuba fë meeyi mbaasu simpekaadu, dedë mweekë ti lyaambu litudë li lukwiisilë.

1 Pyeelë 4:13

Tiilyoko, sangilaanu mu kucikunë simpasi yimunë Kliistu, bwiinji benuviinu luwaalë yi liyaanji linenë bunë naandi kum'monikë mu bumpumu bwaandi ke bakë booso.

1 Pyeelë 5:1

Yin'kaambë buyifanwabu bëkuluutu bëke yiinu mu Cingangë. Miinu yivaamë n'kuluutu yikeeli, mbaanji mu simpasi si Kliistu i yim'bakë cikuuku mu bumpumu bum'monikë. Tala linë yilë mu kubëloombë:

2 Pyeelë 1:1

Miinu Simu Pyeelë, ciseelu i m'bunzi wu Yeesu Kliistu. Ke banë, mu cisalu ci luvukulu lu Nzaambiitu i N'vuuci Yeesu Kliistu, bëtambulë ciminu ci njiinji bo buke ciitu.

2 Pyeelë 1:4

Mati mu bwaawu naandi wutuvaanë biimë bimpaapë bike bukaalu i bi njiinji byo kutukanyi, bwiinji bunë lubitambulë, beeno lum'podi kwakënë mu bideenzë bibi bi nyambikini baatu, byo bilë mu kutumi buloongo i kukalilë yivaandi mu n'vwiilu Nzaambi.

2 Pyeelë 3:14

Mu lyaawu, beeno bayaami, lulë mu kucingaangë cilumbu be cyooci, lwe vaanjyaanu mëngolo mu kuba bëlyoomë i kumaangë kuseembu fë meeso më Nzaambi i kukalilë mu n'sikë yimunë naandi.

Zuudë 1:24

Ke wunë wum'podi kulukeelë mu simpekaadu syooso i kululeesi kukaambu libi i liyaanji linenë fë ntwaalë bumpumu bwaandi.

Luzabukunu 1:7

Talaanu, naandi wukwisilë fë meeyi mëvweeti! Bakë booso bëkum'monë, yi bo bën'cyokë lyoongë. Mëloongo mooso më n'toto mën'cyenzëkënë mu cibilë cyaandi. Cibeeni, boobo bwa bëm'beelë! Ameenë.

Luzabukunu 2:10

Wubaci boomë ko mu linë wumweenë simpasi. Yuwo : Dyaabu mba wuluseengë wun'lakë mpaapë mu beeno mu buloko, bëlukwamisi fë kuumi li bilumbu. Ba wusulëmë tee fë lufwa i miinu yikuvaanë ntaatë nduunji, luziingu lu sakë yi sakë. »

Luzabukunu 3:10

Abu wasweekë n'swaami wukuba yilutatumunu, miinu yin'vaami yikusweekë mu ntaangu simpasi silë mu kwiisë mu buloongo booso mu kuseengë baatu fë n'toto.

Luzabukunu 3:18

Mati mu lyaawu miinu yikuvaanë ndoonji mu kusuumbë ke miinu woolë bëlyomisi ku mbaasu, bwiinji wuba cyelikë cisinë. Suumbë yivaandi binkutu bimpeembi wuvwaatë mu kumaangë njeeyi kumonë sonyi i kumonikë mpeeni, oboobo ciloongo mu kubukë meeso maaku i mu kubëmonë.