1 Pyeelë 1:6 - N’KANGULU WUMOONË

⁶ Mu lyaawu beeno luke mu liyaanji, keti buyifanwabu lulë ba mu cyuundë, mu mwa ntaangu, mu yosuku mpilë lunyokulu.

1 Pyeelë 1:6 Iomraidhean Croise

Matye 11:28

« Yisaanu ke miinu beeno booso lwavolë bitu mu kunatë n'funë wuzitë. Miinu yiluvaanë luvundulu.

Matye 26:37

Naandi wusë boongë yaandi Pyeelë yi baanë bë bwaali bë Zebedee i wusë ba mu cyuundë i lusweenu.

Matye 5:12

Lwe saangilaanu, baanu mu nyeenzi, cibilë n'seendu wunenë wulë mu kuluviingë ku mëyilu. Mati bwaawu, licyelikë, bënyokililë mibici banë bëziingë ntetë yi beeno. »

Liikë 1:47

i ciluunzi cyaami cyawaalë yi liyaanji mu cibilë ci Nzaambi, N'vuucyaami.

Liikë 10:20

Kasi lwe baanu ko mu nyeenzi cibilë ti biluunzi bibi byaluyuwulu, vandi lwe baanu mu nyeenzi cibilë ti mëzinë miinu mësonëmë kunë mëyilu. »

Liikë 2:10

Kasi, yaanzi yisë bëkaambë : « Nubacyaanu boomë ko! Licyelikë, miinu yalunatinë Mpolu Mboti yin'vangisi liyaanji linenë mu baatu bakë booso :

Za 16:22

Bo bumweekë, beeno luke mu simpasi, beeno yiviinu, buyifanwabu, kasi miinu mba yibe lumonë, faawu mitimiinu yim'ba mu nyeenzi i liyaanji liinu, muutu ve wum'podi kulubotulë lyaawu. »

Za 16:33

Miinu yalukambilë obo bwiinji beeno lukalilë mu n'sikë mu kukangëmë mu miinu. Beeno lum'monë simpasi mu buloongo. Kasi ciindaanu bitu! Miinu yaluungë buloongo! »

Mëvaangë 14:22

Baawu bisë ciinzi bitamaanë bitu, kubëvaanë mëngolo mu kukalilë mu ciminu i ke bëkaambaangë : « Beeso tube fwaanë kumonë beenë simpasi mu kukotë ku lwaangu lu Nzaambi. »

Loomë 12:12

Baanu mu nyeenzi mu cibilë ci civuufu ciinu, Cimbaanu moonyi mu binkuungë. Sambililaanu yimunë lusulumunu.

Loomë 5:11

Beeso tuke beenë liyaanji fë nduunzi Nzaambi mu cibilë ci Fumwiitu Yeesu Kliistu, mu naandi mwaawu twavutulë cindiku yimunë Nzaambi.

Loomë 5:2

Mu ciminu mu Yeesu, twabakë muulë wu Nzaambi wunë tun'kalilë tuciindë. Linë lituvangisi sinyeenzi, mati civuufu mu kubakë cikuuku mu bumpumu bu Nzaambi.

Loomë 9:2

N'timaami wuke beenë mu cyuundë cinenë i lusweenu lukalilë.

2 Koleentë 4:17

Simpasi tulë mu kumonë bubwayi sileengë, mëfwanukunu ve yi bumpumu bunenë bu sakë yi sakë, kulë mu kutubelikilë.

2 Koleentë 6:10

Bëlë mu kutuvangisi cyuundë, kasi beeso tukalilë mu liyaanji. Beeso biyeembi tukeeli, kasi beeso tun'vanaangë businë ke mpaapë baatu. Beeso tum'monikë baatu bëkaambu cyosuku, kasi mu cyelikë tuke yi byakë byooso.

Ngalaatë 5:22

Kasi Ciluunzi ci Saantu wun'vanaangë luzolo, liyaanji, n'sikë, mpungë-moonyi, bwalëkisi, n'timë m'boti, lusulumunu,

Filiipë 2:26

Naandi ke beenë n'ciinzë mu kube lumonë benubooso i naandi ke libaasë cibilë beeno luyuwu saangu kubeelë kwaandi.

Filiipë 3:3

Cibeeni, mati beeso tukeeli yi lubukulu lu cyelikë, cibilë beeso tuke mu kusalilë Nzaambi mu Ciluunzi, beeso tuke yi binyemu bo tukeeli mu Yeesu Kliistu. Beeso tusë n'siilë lufyaatu lwiitu ko mu lubaku lu n'sunyi.

Filiipë 4:4

Lwe baanu ntaangu syooso mu nyeenzi mu lubundunu lwiinu mu Fumu. Miinu yilisisiminë: Baanu mu Nyeenzi!

1 Tesaloniikë 1:6

Beeno, lulaandë cifwaani ciitu i cyo ci Fumu. Bosuku bubeeli simpasi siinu, beeno lutambulë Mpolu Mboti yimunë liyaanji lin'fuminë ke Ciluunzi ci Saantu.

Zaakë 1:2

A baanë bë nguli, lwe monyaanu sinyeenzi ningë lube bwaanu mu syosuku simpekaadu.

Zaakë 1:9

Biikë mwaanë nguli ciyeembi kusangilë mu linë Nzaambi wukun'zanjikë

Zaakë 4:9

Lwe baanu mu cyuundë, mu mënyonyi i lilaanu. Lisefu liinu lye balukë mu miluunji i liyaanji liinu mu cyuundë.

1 Pyeelë 3:17

Kasi mëyoolë kumonë simpasi mu kuvaangë liboti, mooti bwa bukeeli n'vwiilu Nzaambi, kaambofo mu kuvaangë libi.

1 Pyeelë 4:7

Siitu mu makë mooso yabelëmë. Zingilaanu bunë bufwenikini i lwe baanu lutyemunë bwiinji lukalilë mu n'saambu.

1 Pyeelë 5:10

Beeno lum'monë yivaandi simpasi fë mwa ntaangu. Kasi Nzaambi cizibë ci muulë wooso, wulutelë mu kubakë yaandi bumpumu bu sakë yi sakë mu lubundunu yimunë Yeesu Kliistu. Naveekë wulucyemisi, wulucindisi, wulufulë n'viingu i wulukasi fë simbaandu siciindë.