1 Pyeelë 1:4 - N’KANGULU WUMOONË

⁴ mu kuviingë mëboti manë Nzaambi kulundilë ke baandi kusoolë. Mëboti be moomo mën'kaambu kunyambëkënë, kaambofo kuvotëkënë suusi, ketë kudiifë. Nzaambi wuluswekilë maawu ku mëyilu,

1 Pyeelë 1:4 Iomraidhean Croise

Matye 25:34

Mu lyaawu, n'tinu wun'kaambë banë bëm'ba ku mëbakëlë maandi : “Yisaanu, beeno lusakumunu ke Tataami. Yibyalilaanu Lwaangu bëbelikilë mu beeno fanë ntonunu buloongo.

Malëkë 10:17

Yeesu kwasiimbi nzilë mu kweendë, libakëlë lin'viipë kukumbelëlë ntiinu, kufukumë fë nduunzyaandi i wusë n'yufulë : « A Fumu, njeeyi n'loonji mboti, mbici yifwenikini kuvaangë mu kubakë luziingu lu sakë yi sakë? »

Mëvaangë 20:32

« Ntaangu be yiiyi, yilë mu kulubiikë mu myooko Nzaambi i mu lutumu lu maambu maandi mëboti. Naandi wuke yi mëkanë më kuluciinzi mu ciminu i mu kuluvaanë maambu mo naandi kukanyi ke baatu bakë booso banë bën'ta maanë mu naandi.

Mëvaangë 26:18

Miinu yilë mu kukufilë, bwiinji wubëzibulë meeso, wubëbotulë ku citoombi i wubënatë ku cyeseesë, wubëyobulë mu lutumu lu Satënë mu kubënatë ku lwaangu lu Nzaambi. Ningë baawu bën'ta maanë mu miinu, baawu bën'tambulë lobukulu lu mësumu maawu i bëm'bakë ciikë fë meeyi baatu banë Nzaambi kusoolë.” »

Loomë 8:17

Ningë beeso baanë tukeeli, bibyalilë yivaandi tukeeli, bibyalilë bi Nzaambi, bibyalilë yimunë Kliistu, ningë cyelikë tulë mu kumonë simpasi yimunë naandi, beeso tum'ba yivaandi mu bumpumu bwaandi.

1 Koleentë 9:25

Baatu booso bën'dumaangë ntiinu bën'vitikaangë n'naku wufwenikini. Baawu bëlivangaangë mu kubakë n'seendo wukaambu ndaandu. Kasi beeso tulivangilaangë mu kubakë n'seendo wukaambu më manunu.

Ngalaatë 3:18

Kasi, ningë lifwa linë Nzaambi wutuvaanë lim'bakënaangë mu n'kaakë, oboobo lyaawu lisë n'leesyooso ko mu cibilë ci lukanyu. Kosuku, mo mu lukanyu mwaawu Nzaambi wulesilë muulaandi ke Abalaamë.

Efeesë 1:11

Mu lubundunu lwiitu yimunë Kliistu, beeso tutambulë ciitu cikuuku cinë bëtukanyi, cibilë Nzaambi wutusoolë faanë yi faanë mu yaandi mpangulu. Nzaambi wuvaangë byakë byooso deku-dekoo mu manë kukanë i kutiisi.

Efeesë 1:14

Ciluunzi ci Saantu cituvaanë cikuuku ci mëboti mo Nzaambi wulundilë mboongwaandi. Naandi wutuvisilë ti beeso tum'bakë byaawu bunë luvukulu lwiitu lum'ba kongëloo. Tudumisyaanu bunenë bu Nzaambi!

Efeesë 1:18

Biikë kulëzibulë meeso mu cyeseesë cyaandi, bwiinji lubakulë mu civuufu mbici naandi wulutelilë, businë mbici i bunenë mu biimë biboti kukanyi ke bo baandi

Koloosë 1:12

Toondaanu Taatë Nzaambi yimunë liyaanji: naandi waluvaanë mëkanë, mu kubakë cikuuku mu lifwa kuswekilë ku lwaangu lu cyeseesë, ke banë kubakisi.

Koloosë 1:5

Bunë saangu yi cyelikë, Mpolu Mboti, yiyisë vyaasi ntetë kuke beeno, luzabisi manë Nzaambi wulë sweekilaanu ku mëyilu : ciminu ciinu i luzolë lwiinu bikalilë mu civuufu aci.

Koloosë 3:24

Tebukaanu moonyi ti Fumu mba wulë vaanë n'seendo: beeno lun'taambulë byo naandi kulundilë mu baandi. Cibilë Fumu wu cyelikë lulë mu kusalilë, mati Kliistu.

2 Timotee 4:8

Buyifanwabu, n'seendwaami wulundëmë, Fumu n'fuundisi wusulëmë wukum'paanë ntaatë luvukulu munë cilumbu beenë. Yaaku tokë wo miinu, kasi yivaandi ke bakë booso bën'ciingaangë yi luzolo cilumbu cyo kun'kwisilë.

Ebele 10:34

Licyelikë, beeno lumonë simpasi si banë bëke mu buloko i bunë basiimbë biimë biinu, beeno luvitikë yimunë liyaanji mu kuluvokënë biimë biinu, bo luzabisi ti luke yi businë buvyokilili kunyeefë, bin'ziingë sakë yi sakë.

Ebele 9:15

Mu bwaawu Kliistu lilingisi li n'kangulu wumoonë, bwiinji bo bëtelu ke Nzaambi bëtambulë mëboti më sakë yi sakë manë kukanyi ke baandi. Baawu bëlipodi cibilë mu lufwa be loolo, mwaawu baatu lumoonyi bëyobukilë mu tudiifë bëvaangë mu n'kangulu wun'tetë.

Zaakë 1:11

Muunyi wun'sëlukë, libabëlë lyaandi lin'kumisi n'ti. Citeekë cyaandi cim'bwa i kunyeefu kwaandi kumanë. Bo bumweekë, cisinë wun'zimbilë fë meeyi bisalu byaandi.

1 Pyeelë 3:9

Nuvutulilyaanu ko libi mu libi, cifiingu mu cifiingu. Tiilyoko, sakumunaanu, cibilë lwaawu lusakumunu lunë Nzaambi wulukanyi bunë naandi kulutelilë.

1 Pyeelë 5:4

Bunë N'kuluutu n'luungë mëmemë wum'monikë, beeno lun'tambulë ntaatë bumpumu yin'kaambu kudiifë.

Luzabukunu 21:27

Kasi cin'velë ve cikaambu kulyoomë cin'kotë mu livulë be lyooli, keti muutu ve wuyivandikë mu simpaandu i lupuutu. Mba bën'kotë tokë banë lizinë lisonëmë mu libuuku li luziingu, linë likeeli Mwaanë Limemë.