1 Pyeelë 1:2 - N’KANGULU WUMOONË

² Nzaambi Taatë, walusoolë bunë bufwenikini mu n'vwiilwaandi kuzitikë ntamë. Naandi wulutuulë ku nteku, mu cyeesi ci Ciluunzi ci Saantu bwiinji beeno luba sisu mu Yeesu Kliistu i lwe ba lulyoomë mu meengë maandi. Muulë i n'sikë biluveewu yinë lunduu.

1 Pyeelë 1:2 Iomraidhean Croise

Matye 24:22

Ningë ti bilumbu be byoobi bësye ba bikufi ko, nkanë muutu ve wulëpodi kuziingë. Akasi, naandi wubivaangë bikufi mu cibilë ci bo bësoolu.

Matye 24:24

Cibilë, bitamaanë bi lupuutu i mibici yi lupuutu bëm'monikë. Baawu bën'vaangë biliimbu binenë i bimaaku, mu kupuutë banë Nzaambi kwasoolë.

Matye 24:31

Naandi wun'filë siyaanzi syaandi i mbudi yinenë yin'tendukë mu sinkumë si na sin'toto : baawu bën'kucikë banë naandi kusoolë, fanë buloongo butoninë yi busitikilë. »

Malëkë 13:20

Ningë ti Fumu sye vaangë ko ntaangu be yooyi yiba yi n'kufi, muutu ve wulëpodi kuziingë. Kasi naandi wuvangisi yaawu bukufi mu cibilë ci bo naandi kusoolë.

Malëkë 13:22

Cibilë bitamaanë bi lupuutu i mibici yi ngaangu bëm'monikë, baawu bën'vaangë biliimbu i bimaaku mu kupuutë baatu, tee yi kupodi kupuutë banë Nzaambi kwasoolë.

Malëkë 13:27

Tee naandi wun'filë siyaanzi mu tweeku tooso tu na tu buloongo, mu kukucikë baatu booso bo Nzaambi kusoolë. »

Liikë 18:7

Cibeeni, Nzaambi wusë n'vaanë nduunji ko ke banë kusoolë bëke losukaangë bwiilu ku bwiilu, muunyi ku muunyi? Wun'volë bitu mu kubëvatule?

Mëvaangë 15:18

linë wuzabikini ntamë, manë kukanë kuvaangë.”

Mëvaangë 2:23

Beeno lukulë Yeesu be woowo i beeno lun'voondë i lum'baandë fë kuluusu yimunë bo bëkaambu kuzaabë Nzaambi, bunë Nzaambi kufwikilë ntamë.

Mëvaangë 20:32

« Ntaangu be yiiyi, yilë mu kulubiikë mu myooko Nzaambi i mu lutumu lu maambu maandi mëboti. Naandi wuke yi mëkanë më kuluciinzi mu ciminu i mu kuluvaanë maambu mo naandi kukanyi ke baatu bakë booso banë bën'ta maanë mu naandi.

Loomë 1:5

Mu naandi, Nzaambi wakum'paanë muulaandi mu kuba m'bunzi mu luzanjikulu lu Kliistu, bwiinji bunatë baatu bu buloongo booso mu kuta maanë mu naandi i mu kun'cikuninë.

Loomë 1:7

Miinu yilë mu kusonikë ke beeno luke ku Loomë, beeno booso Nzaambi kun'zolaangë i naandi kwatelë mu kuziingë yaandi. Biikë Nzaambi Tatiitu i Fumu Yeesu Kliistu wuluvaanë muulë i n'sikë.

Loomë 11:2

Nzaambi wusye bumë mboongwaandi ko, yo kusoolë faanë yi faanë. Mati beeno luzabisi, busonëmë mu n'kukë fanë Eli wulëkwayilë mu cibilë ci Islayeelë fë nduunzi Nzaambi :

Loomë 11:28

Mu cibilë ci mpolu mboti baawu simbeenyi siinu mu n'solulu Nzaambi, bëbëzolë mu cibilë ci mëtaatë maawu.

Loomë 15:16

mu kuba ciseelu ci Yeesu Kliistu fë meeyi mboongu yo yikeeli ko Sizwiifë. Miinu yilë mu kudukusi cisalu ci semu ci lutendululu lu Mpolu Mboti yi Nzaambi, bwiinji bo bëkeeli ko Sizwiifë bëcitukë likabu liboti mu Nzaambi i lim'monikë ke naandi mu cimpukë ci Ciluunzi ci Saantu.

Loomë 16:19

Baatu bakë booso bëzabisi buleenvo bwiinu mu Fumu. Miinu yike mu nyeenzi mu cibilë ciinu, kasi yin'tiisi beeno kuba yi bungelë mu kuvaangë liboti, yimpeembi yi mpeeso mu libi.

Loomë 16:26

kasi buyifanu, syaawu syatuulu fë cyeseesë mu libuuku li mibici. Mu kulandilë lutumu lu Nzaambi yi sakë yi sakë bisë zabikini ke baatu bakë booso mu mëloongo mooso bwiinji bëta maanë mu naandi i kun'vitikë.

Loomë 8:13

Cyelikë ningë mooti lube zingilë mu n'sunyi, beeno lun'fwa. Kasi ningë, mu Ciluunzi ci Saantu, beeno lun'voondë mëvaangë më nyitu, beeno lun'ziingë.

Loomë 8:33

Nani wun'fuundë banë Nzaambi kwasoolë? Muutu ve, cibilë Nzaambi wabëvangisi kuba bësulëmë.

1 Koleentë 1:30

Kasi Nzaambi wulubuundë yi Kliistu Yeesu i naandi wavaangë mu Kliistu bungelë bwiitu: mati Kliistu watuvangisi kusulëmë fë nduunzi Nzaambi, wutuvangisi beeso kuzingilë mu Nzaambi i mu kutukobulë mu lisumu.

1 Koleentë 6:11

Bwa boobo bwa bëbeelë bëmesë babë mu nkoongiinu. Kasi beeno lwabë lwalyoomë, lwabë lwatuunvu, lwabë lwasulëmë fë nduunzi Nzaambi mu lizinë li Fumu Yeesu Kliistu i mu Ciluunzi ci Nzaambiitu.

2 Koleentë 10:5

tulë mu kubotulë makë mooso më lunaangu mëvyakënë yi luzaabu lu Nzaambi, beeso tulë mu kuvangisi kunatë simbalulu syooso mu kucikunë Kliistu.

Koloosë 3:12

Beeno lweekë mboongu Nzaambi. Nzaambi walusoolë i naandi waluzolë. Mati mu lyaawu beeno lufwenikini kuba yi n'timë wumboti, bwalëkisi, kukulukë, bubonzulu i mpungë-moonyi.

2 Tesaloniikë 2:13

A baanë bë nguli, beeso tusë n'leembu kutoondë Nzaambi ko mu cibilë ciinu, beeno bo Fumu kuzolisi. Cibilë Nzaambi walusoolë cin'tetë, bwiinji beeno luvuukë mu mëkanë më Ciluunzi ci Saantu, cinë ciluvangisi kukalilë mu luziingu lu saantu i mu mëkanë më ciminu ciinu mu bucyelikë.

2 Timotee 2:10

Mati mu bwaawu, yilë mu kuvitikë makë mooso mu liboti li banë Nzaambi kusoolë, bwiinji baawu n'vu awu bëbakë luvukulu lun'fuminë ke Kliistu Yeesu i bën'tambulë bumpumu bu sakë yi sakë.

Tiitë 1:1

Poolë, ciseelu ci Nzaambi i M'bunzi, wu Yeesu Kliistu. Miinu yifilu, mu kunatë mu nzilë yi ciminu bo Nzaambi kusoolë i mu kubëzabikini cyelikë cifwenikini mu ciminu ci bitamaanë,

Ebele 10:22

Twe belëmyaanu ke Nzaambi yimunë n'timë wucyelikë i civuufu cyooso, n'timë wulyoomë mu makë mooso mën'vaanë mbalulu yimbi i nyitu yisukulu mu masi mëlyoomë.

Ebele 11:28

Mu ciminu, naandi wusë kuvaangë n'saangu Paakë i wusë loombë bëtyamunë meengë mu mëvitu më sinzo, bwiinji yaanzi yi lufwa wuleembu kuvoondë baanë bëbutu ntetë bë Islayeelë.

Ebele 12:24

Beeno lwabelëmë yi Yeesu, lilingisi li n'kangulu wumoonë i mu meengë maandi mësekuku mën'tubë mu nteku yivyokilili yi më Abeelë.

Ebele 5:9

Bunë kwadukisi makë mooso omo, naandi wusë kuba cizibë ci luvukulu ci sakë yi sakë mu banë bëkun'lenvukilë.

1 Pyeelë 1:14

Cinzikaanu Nzaambi i leembwaanu kulaandë binvweenvu biinu bi ntamë, fanë lwabë mu bunzimbu.

1 Pyeelë 1:19

Moniko, beeno luvukilë mu meengë më bukaalu më Kliistu, wo bëvakulë buke limemë likaambu libi i litonë ve.

1 Pyeelë 1:20

Nzaambi wutiisi ti, Kliistu wun'vakulu ntetë buloongo kuvangënë i naandi wuleesi mu liboti liinu mu ntaangu be siisi si siitu.

1 Pyeelë 1:22

Beeno lwalyoomë bo lwacikunë cyelikë, mu kuzolësënaanu cyelikë dedë mweekë baanë bë nguli. Mu lyaawu zolësënaanu yin'zaci yooso benuveekë i benuveekë, yi n'timë wulyoomë.

1 Pyeelë 2:9

Kasi beeno likaandë lisoolu, singangë-Nzaambi si N'tinu, buloongo bulyoomë, mboongu yi Nzaambi. Naandi wulubotulë ku citoombi mu kulunatë ku cyeseesë cyaandi ciboti, bwiinji lutendulë mëvaangë maandi më kwaatë-yekë.

2 Pyeelë 1:2

Muulë i n'sikë biluveewu yinë lunduu, mu luzaabu lu cyelikë lu Nzaambi i lu Yeesu Fumwiitu.

2 Za 1:1

Miinu likakëtë, ke N'cyeetu wo Nzaambi kusoolë i ke baanë baandi bo yin'zolaangë mu cyelikë. Yaaku ti wo miinu vwiili yiluzolisi, vandi kasi bakë booso bëzabisi cyelikë,

2 Za 1:13

Baanë bë mwanaaku N'cyeetu, wunë wusoolu ke Nzaambi, bakufilë sibweekë.

Zuudë 1:2

biikë n'leenvo, n'sikë, i luzolo bye veewu mu beeno lunduu.