Nzaelwapxngr 7:12 - Natqgu

¹² Nzrpilr kx, “Eu, angida! Angiokr nim, awibzkr bam, glqlzkr nim, x amatqkr nim. Pipxkr nzyrplapx-krm, nzxplr-krm, x zmatq ngrm, tqyc tqyc. Eu, angida!”

Nzaelwapxngr 7:12 Iomraidhean Croise

Sam 100:4

Mz nzvztr-krgu mz naonrx x makoa ngr Mangr-nzangiongr Yawe, Navz zvz nzawi-krbzku bade x nzangio-kz-krgu nide.

Sam 106:48

Naglqlzku Yawe, Gct rgu, nigu lr Israel, Tqvzpe, tqvzpe. Naglqlzku Yawe. Leplz narpilr kx, “Eu, angida!” Naglqpxku Yawe.

Sam 107:22

Abrtz-zlwz-ngrgr nim nzkatxpx-krbzme Nzkxpu-krgrngq. Abrtz-zlwz-ngrgr nim. Naglqpx-zvzkr nim mz nzngr-krgr nabz, X mz nzale-krgr blz. Naglqpx-zvzkr nim.”

Sam 116:17

Kabo bam blz kx na-awi-ngrbo bam, Mz nzkrka'-krbo bam.

Sam 147:7

Nangr-ngrgu nabz kx yrlvi mz nzayrni-krbzku gita mz Yawe, Mz nzawi-krbzku bade.

Sam 41:13

Naglqpxku Yawe, Gct r lr Israel. Mzli ka x tqyc tqyc, naglqpxku Yawe.

Sam 50:14

A' blz angidr nangi nzawi-krmamu bange, X nzangidati-krmu da kx esalz-ngrmamu bange.

Sam 72:19

Navz navz zvz nzangiongr drtqde. Nzrglqlzngr nide navz navz zvz.

Sam 89:52

Na-armyalzku Yawe, kc tqngi Kxetu rgu. Tqvzpe, tqvzpe. Eu. Na-armyalzku Yawe.

Sam 95:2

Na-awibzku bade Mz nzngr-kato-krbzku bade mz nabz kxyrlvi!

Matiu 6:13

X arlapx nigr mz zmatq ngr Setzn, mz nzokatr-krm nigr mz nztu-amqngi-krgr mz nzatalzngr. X awi mz nzayzlu-krme natqgr, mz nzngini-alo-krm king rgr, mz zmatq ngrm kc tqyc tqyc. Eu, angida.’”

1 Korint 14:16

Murde mz nzglqpx-krm Gct x nzawi-krbzme bade mz natq lr mrkzbleng, rblxbz mz kztemqng nzesz'tikr drtwrmu badr mz nzkrka'-krm lc.

2 Korint 4:15

Da lcng amrlx tzprtzmqng bagr ngi dalr nzokatrngr nimu x leplz kc-kzng tqalvztrkr. Murde mz nzkqlunepxkr leplz kcng tzlxngitilr nzmrlzkr Nrpa ngr Jiszs, nzawi-krbzlr mz Gct x nzangio-krdr nide naetunepx kz.

Kolosia 2:7

Nabzmu namqngitrpz bade, na-apule nounc kc dzbrde tqvzo mz drtc'. X nzmnc-krmu naxplr na-apule ma kc tzwzti, tqngi noude Jiszs. Tu-amqngi-zvzamu mz nzrlxngiti-krmu nrpa kc tzalvztr-ngrmu. X bzkq esaki nzawi-zvz-krbzmu mz Gct.

Kolosia 3:17

Da amrlx kcng tqaleamu x tqpiamu, nartrngztibzmu mz nzngini-krmu leplz neng Kxetu rgu Jiszs. X na-awi-ngrbzmu mz Trtegu Gct da kxmrlzting amrlx kcng tzvzpxmqng mz nzaxvctr-krbzmu bade.

Nzaelwapxngr 1:18

Ninge nou nzlungr. Bzx mzli kc ena, a' nzlupe-mou-krmc lc mzli ka tqvzpe tqvzpe. Lolvzx zmatq ngr nzrlvxngr x nzrbqtrngr naonrx ngr mrnyz mqngr leplz kxnzbzpeng.

Nzaelwapxngr 19:4

Zbz kxnzaclveng kcng nzpnu-li-nrade-pwx (24) x kxnzlung kcng pwx nzyrngzong, x nzangiolr Gct kc tqwxbuom mz tron, nzrpilr kx, “Delape! Awi Yawe! Naglqpxku Gct!”