Nzaelwapxngr 4:8 - Natqgu

^8-10 Kxnzlung lcng pwx nabxdr esz'mz lxblr, x nrkrdrtqdr yrlwr-ngalelvz mztr x wai-kzle nabz nabxdrng. Nzglqlzlr x nzangiolr x nzawibzng mz Kxetu kc tqwxbuom mz tron, tqlu-zvzpe. X mz nrlckxngrlx x mz nrlckxbq tresakiu nzngr-krdr kx, “Yawe, Gct kc tqrninr, Drtqmq tr-esz'ngr. Nimq kc tqmnc mzli ka, X tqmnc zvz, x sa navzm.” X mzli lcdepwz, kxnzaclveng kcng nzpnu-li-nrade-pwx nzrweobzng zpr mz Kxetu kc tqwxbuom mz tron, tqlu-zvzpe. Nzkaobzlr kraon ngr nardr mrkc tqlxlvrkipx tron, x sc tzngrpeng.

Nzaelwapxngr 4:8 Iomraidhean Croise

Sam 91:1

Mz nzmnc-xgle-krm Yawe kc tqmyalz-esz'ngr Sa natubz mz nibrm.

Aposol 20:31

Mz nzmu-krde lcde, aclvetio-lzbqamu mz leplz kxnzmulr lcng! X nadctipx drtwrmu kx yiz tq, nrlckxbq x nrlckxngrlx, tresaki-pnzwxu nzrngidrlvz-krnge nimu, vzmi drlemzke' kx tao.”

2 Korint 6:18

X rpi kz Yawe kc tqrninr kx, “Sa nanginibo Trtemu, x nanginimu mrlxngeng x inyxngeng.”

1 Tesalonika 2:9

Mzlegrng x inwegrng, krlzx kx sc tqdcpxbe mz drtwrmu kxmu nzwz-kato-krgr. Mzli lc tqyapwxtipx-ngrbzkr Nrpakxmrlz bamu, wzkr mz nrlckxbq x ngrlx mz nzatatr-krmgr trau, murde ma tqaetunepxkr nzwz-krmu.

1 Timoti 4:16

Aclve angidr nzmnc-krm x nzalvztr-krm, murde ma tqvz-rbrq. X tu-amqngi zvz mz nzale-krm da lcng, murde krlzq kx Gct sa na-arlapxle nim badr leplz kcng tzlalztqbzng bam mz nzlxngiti-zvz-krmu nide.

Hibru 13:8

Jiszs Kxnzmcpx nqmq krde kc pnz, sc tqvzbe mzli ka, x tqvzpe tqvzpe. Murde trpengr nztekqtr-krde nqmq krde.

Nzaelwapxngr 1:4

Ninge Jon, ryrbo bamu nimu dzbe lrmakxtr kcng mz taon rlimz mz Esia Provins. Krka'-ngrne kx zmrlzkxmyalz x nzmnc-zpwxngr na-avzom Gct, Mqngrkxtr x Jiszs Kxnzmcpx bamu. Gct kc tqmnc mzli ka, x tqmnc zvz, x sa navzm. X Mqngrkxtr kc tqmnc mz tron kc tqwxbungr Gct x nzwz-krdeng kcng rlimz. X Jiszs Kxnzmcpx kc tqrpipx angidr natq Gct, x doa kx nzatulz-kaip mz nzbzngr, a' trpengr nzbz-krde. X nide kc tqaclvele king amrlx mz nrlc tulvzo. Jiszs Kxnzmcpx lc mrlzti-zvzle nigu, x aopxpebzle drtqgu mz zmatq ngr alwx rgung mz nzbzo-krmle mz kros.

Nzaelwapxngr 1:8

Rpi Yawe kx, “Ninge Gct kc tqrninr, kc tqmnc mzli ka, x tqmnc zvz, x sa navzm. Ninge nou da amrlx x kx ayrkrpx da amrlx.”

Nzaelwapxngr 11:17

Nzrpilr kx, “Kxetu rgr, Gct kc tqrninr, Kc tqmnc mzli ka, X tqmnc pnz. Awi-ngrbzkr bam, Nztwzpe-krm zmatq ngrm, X nipem King r nrlc ka. A' lr mrkzbleng ngyati Drtwrdr nimq murde Nzkaputr-krm mzli r nzayzlu-krbzme Da mz leplz kxnzbzpeng. “X mzli r nzrka-krbzme Da kxmrlz mz profet Kcng tzwztrpzng bam, badr leplz nemqng Amrlx kcng tzamrluelr nim, Kxmule-esz' kxnzetung o leplz txneng. X krlzpe-kzpzle mzlir Nzrmilxtxo-krm Krkcng tznibqtilr Leplz nemqng mz nrlc ka.”

Nzaelwapxngr 14:11

Trpnzngr nzyrkrpxkr nzetqkr drtqdr, krkcng tzangiolr Mrlx Kc Tqdrka'ngr x mqngrde kc tzlz, x tztwzlr rkx ngr drtqde. Nzetqkr drtqdr vztx alo, ngrlx x mz nrlckxbq, murde zsikapu ngr nzngckr nrkrdrtqdr tqvzpe tqvzpe.”

Nzaelwapxngr 14:3

Leplz kcng siu-trtqki-esz'-nzpnu-pwx-nrade-pwx (144,000) nzngr-ngrdr kc nabz kxmrna mrkc tqlxlvrkipx Gct, badr kxnzlung kcng pwx, x kxnzaclveng kcng nzpnu-li-nrade-pwx (24). Nabz lc tzngr-ngrdr trpnz-moungr kx ryatitr nzrngrngr, a' ngi txpwz krkcng tzxpetrpeng mz lr nrlc.

Nzaelwapxngr 15:3

X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”

Nzaelwapxngr 15:7

Zbz kzdq kxnzlung kcng pwx twzbzle baol rlimz kx ngi gol ataplxsr-ngrde enjrl kcng rlimz. X Gct kc tqlu zvz, sa nalva-puliole mz nrlc zngya ngr drtwrde na-apule baol lcng nayrbu-lxblrng mz nzayrplapx-krdeng.

Nzaelwapxngr 16:14

Drka' lcng nztqng nztrka-zlwzng, x nzrngiscng zmatq ngr nzalrtingr da. Sc tzayrlwr-lxblr-ngrdr king amrlx ngr nrlc me esz', drtqde ‘Newz Magedon,’ mz nzngini-krdr ami kxesz' kxetu. Mz Mzli Kxmatq lc, Gct kc tqrninr sa naotang badr Mepwz, Mrlx Kc Tqdrka'ngr, x Profet Kc Tqpokia badr ami nedr. X mz nzycmnekr Jiszs mz nzyzlu-krmle, rpile kx, “Ninge la nayzlu-mopwc' mz nrlc. X nzvz-krmc na-apule nzvz-krm ncblo kx pna da kx trnzoliqtiu. A' sa namrlzbz mz doa kx oliqtile nzvz-krmc, na-apule ncblo kx obq zvz x yrlqbzle lrpzde mz nzaenzli-krde nzvz-krm kztede. Nzmu naoliqtiq mzli kc navz-ngrmc, drtqm trnamyatrpwzu mz mz leplz, mz nzapu-krm ncblo kxycblq mz nzvzne-krde.”

Nzaelwapxngr 16:7

Zbz xlr-moux natq leplz kcng tznibqti vzpxm mz olta, nzrpilr kx, “Kxetu rgr, nim Gct kc tqrninr. Awitxpe mz nzayrplapx-krm krkcng tznibqtilr nigr! Murde drtwr kcng tqyrlqpeq rsakrlrngr x tubq zvz.”

Nzaelwapxngr 19:15

X ncblo kc tqrmailz lvcpxm mz naode kc toki r vea kxmalc kx naota-ngrde mz nzaovxio-krde lr drtqbrng amrlx. X na-aclvele nidr mz zmatq kx xplr-esz'ngr na-apule bz kc tqrniglc botol. X na-apusr-ngrde nidr nra grep kcng tqrnzbrtile, mz zngya ngr drtwr Gct kc tqrninr.

Nzaelwapxngr 19:4

Zbz kxnzaclveng kcng nzpnu-li-nrade-pwx (24) x kxnzlung kcng pwx nzyrngzong, x nzangiolr Gct kc tqwxbuom mz tron, nzrpilr kx, “Delape! Awi Yawe! Naglqpxku Gct!”

Nzaelwapxngr 21:22

A' trpnzngr Mangr-nzangiongr kx mcx Mzteadau mrkc tqmnc-ngrbz Gct badr leplz nedeng. Murde Kxetu Gct kc tqrninr ncdr Nei Sip nztekqtrlr Mangr-nzangiongr mz nzangiongr nidr mz nrlc amrlx Mzteadau.

Nzaelwapxngr 3:7

X ncblo kc tqapule Mrlx Leplz rpi-mople bange kx nayr-kzpo dq natq mz kxaclvele dzbe lrmakxtr kc mz taon Filadelfia. Rpibzle kx, “Krlcng natqnge, ninge kc tqtr-esz'ngr x tqngi da angidr. Lolvzx ki sc King Devet, kc drtwr ngrde kx rngiscnge zmatq ngr nzrlvxngr naonrx kx trpnzngr kx rkrlz nzrbqngr, x zmatq ngr nzrbqngr naonrx kx trpnzngr kx rkrlz nzrlvxngr.

Nzaelwapxngr 4:4

X mc-kzx tron nzpnu-li-nrade-pwx (24) nztu-ngalelvzlr tron nyzde, x kxnzaclveng nzpnu-li-nrade-pwx nzwxbuomqng elr, nzkq-lxblrng lrpz kxprki, x nzabx-lxblrng mz kraon kx ngi gol.

Nzaelwapxngr 4:6

X yctr-kzpz kc elr da kx apule prla kx ngi dzpq kx otxpx. X nztu-ngalelvzlr nrlar tron kcng pwx krkcng tzlung kcng pwx. X mztr kqlu kxnzobqpx-kaing x kxnzobqpxng mq.

Nzaelwapxngr 5:6

Zbz mcx kc Nei Sip tutrpz mrkc tqlxlvrkipx tron, x kxnzlung kcng pwx x kxnzaclveng kcng nzpnu-li-nrade-pwx (24) nztu-ngalelvzlr nide. Nei Sip kc opxm kx nznibqpe. X tutrpz bade dxpa' rlimz kx ngi rkx ngr zmatq ngrde. X mzte rlimz kz, rkx ngr Mqngrkxtr ne Gct kc nzwz-krdeng rlimz, kx atwzlrpx-ngrde mz nrlc tulvzo.

Nzaelwapxngr 6:1

Zbz mcx Nei Sip nzrniglc-krde kadol ngr skrol kc kai. X xlrx nznetxpx-zlwzkr kxnzlung kc kai, x nate etu apule bzlrmei, rpile kx, “Vzm!”

Nzaelwapxngr 6:6

Zbz xlrx kc natq vzpxm mz mzlir kxnzlung kcng pwx, rpibzle mz ncblo lc kx, “Rlr-ngrbo bam nzyrlq-krm narncbr kxlqlwx zlwz mz bxli r flawa wit kxesz' o bxli r raes kxtq, murde vea kcng mz nrlc nzayctxdr nzpengr dakxnzng. A' bzkq odatiq nounc olivi x nqvi lr grep!”

Nzaelwapxngr 7:11

Zbz enjrl kcng amrlx tztu-ngalelvzlr tron mrkc tzmncng kxnzaclveng kcng x kxnzlung kcng pwx, sc tzrtco-lzbqng mrkc tqlxlvrkipx tron mz nzangio-krdr Gct.

Nzaelwapxngr 7:15

Delc tztutr-ngrbzlr mrlc tqlxlvrkipx tron nyz Gct mz nzangio-krdr nide mz Mangr-nzangiongr nyzde Heven, ngrlx x mz nrlckxbq. X Gct kc tqwxbuom mz tron, sa namnc-zvzng badr mz nzaclve-krde nidr.