Nzaelwapxngr 4:5 - Natqgu

⁵ X mclz-kzx nzaglqpz'tikr bzlrpc x xlrlzx nzyrputipxkr bzlrmei mz tron. X mrkc tqlxlvrkipx tron woutrpz elr lam rlimz, rkx ngr Mqngrkxtr ne Gct kc nzwz-krdeng rlimz.

Nzaelwapxngr 4:5 Iomraidhean Croise

Sam 68:35

Kctitxpx-zlwzku Gct rgu Mrkc Tqtr. X nide kc tqrkam bagu nzxplrngr x zmatq. Takitrde nzrglqlz-zvzngr nide.

Matiu 25:1

Jiszs rpi-mople bagr kx, “Mzli kc nayzlu-ngrmc mz nzngini-krnge King, sa naglx-angidrx leplz kcng tzvz-nqblqlr ninge x navzmix nidr Heven. Mzli lc leplz mz nrlc ka sa na-apulr olvi kcng mz be lc nayapwxtibo. “Kzdq nrlckxbq kzdu kcng olvi nzpnu-esz' tzaenzling mz ma nyz olvi kc nayrlz. Nzwz-krdr nzyangrle-krdr nyr mz lrpzki kc nao-zli ncblo kc nayrlz mzli kc navz-ngrmle, mz nibr nzatubqtingr narncbr ngr nzyrlz-krde.

Matiu 3:11

“Awrkxtrx leplz mz lue txpwz namcngr kx tekqtrpeamu nqmq nr drtwrmu kc tqtrka. A' kzdq la ncblo sa navzm mz nibrnge. X da kx na-alele namyaszlz-moule ninge. Murde kxmule-esz' ninge kzdq profet, a' trtakitrdeu ninge nzwztr-krbo bade, x trtakitr-kzpwc'u nzrmalene-ngrbz sadol scde, murde myaszlz-zlwzle ninge. Sa na-awrkxtrle nimu mz Mqngrkxtr x nyr kx na-alqngile nimu.

Aposol 2:3

Zbz nilvc nyr aelwapx-lzbq-ngrbz badr, x sc tqakipx-lzbqpebz badr.

Nzaelwapxngr 1:4

Ninge Jon, ryrbo bamu nimu dzbe lrmakxtr kcng mz taon rlimz mz Esia Provins. Krka'-ngrne kx zmrlzkxmyalz x nzmnc-zpwxngr na-avzom Gct, Mqngrkxtr x Jiszs Kxnzmcpx bamu. Gct kc tqmnc mzli ka, x tqmnc zvz, x sa navzm. X Mqngrkxtr kc tqmnc mz tron kc tqwxbungr Gct x nzwz-krdeng kcng rlimz. X Jiszs Kxnzmcpx kc tqrpipx angidr natq Gct, x doa kx nzatulz-kaip mz nzbzngr, a' trpengr nzbz-krde. X nide kc tqaclvele king amrlx mz nrlc tulvzo. Jiszs Kxnzmcpx lc mrlzti-zvzle nigu, x aopxpebzle drtqgu mz zmatq ngr alwx rgung mz nzbzo-krmle mz kros.

Nzaelwapxngr 10:3

X yrlqbzle kc natqde kxetu, kx apule nzkclwzkr laion kxetu. Zbz xlrlzx kc natq Heven, apule bzlrmei kxetu x ayzlu-ngrbzle natq enjrl nzwrde rlimz.

Nzaelwapxngr 11:19

Zbz Mrkc Tqtr Mangr-nzangiongr Gct Heven nzlvxpx, x Bokis kc Tqyclz-ngrm Nzesz'tikr Drtwrdr Badr Leplz Nedeng, sc tzmcpe elr. Mzli lcde bzlrpc tqpctipx, bzlrmei tqyrputipx, nrlc ycngrlr atwrnrngr mz nengq, x muli-aes kxetuting tqvztiom apule tewa kxdc.

Nzaelwapxngr 3:1

X Jiszs nzngini-krde ncblo kc tqapule Mrlx Leplz rpi-mople bange kx nayr-kzpo dq natq mz kxaclvele dzbe lrmakxtr kc mz taon Sadis. Rpibzle kx, “Krlcng natqnge, ninge kc tqrngine Mqngr ne Gct kc nzwz-krdeng rlimz x rngine kz vri kcng rlimz. Krlzpex nqmq krmu, nimu lr Sadis kx trtakitrkaple mz nzobqkr Gct rnge. Nzrpilr kx lubeamu, a' trtingr, murde bz-angidrpeamu. Dwalzmamu! Axplrtiamu nzlu-mqglq-krmu, murde ycpe pipz nzyrkrtxpx-krbzle.

Nzaelwapxngr 5:6

Zbz mcx kc Nei Sip tutrpz mrkc tqlxlvrkipx tron, x kxnzlung kcng pwx x kxnzaclveng kcng nzpnu-li-nrade-pwx (24) nztu-ngalelvzlr nide. Nei Sip kc opxm kx nznibqpe. X tutrpz bade dxpa' rlimz kx ngi rkx ngr zmatq ngrde. X mzte rlimz kz, rkx ngr Mqngrkxtr ne Gct kc nzwz-krdeng rlimz, kx atwzlrpx-ngrde mz nrlc tulvzo.

Nzaelwapxngr 8:5

Mz nibrde enjrl kc glaole kc baol ngr bqlr nc ninz kc, tekatrle mz nyr ngr olta x rtco-ngrde mz nrlc. X mzli lcdepwz bzlrpc tqpctipx, bzlrmei tqyrputipx x nrlc tqycngrlr atwrnrngr mz nengq.