Nzaelwapxngr 4:11 - Natqgu

¹¹ Nzrpibzlr kx, “Yawe, nipem Gct rgr. X takitrde nim Nzrglqlzngr, nzangiongr, X nzrpipxngr zmatq ngrm. Murde wz-ngrn doa amrlx, X da amrlx mz nrlc. X mz nzwz-krmqleng Nzmnc-krdr x nzyc-krdr, Nzvz-nqblqlr me pnz drtwrm.”

Nzaelwapxngr 4:11 Iomraidhean Croise

Sam 18:3

Kqle-zvzx nim kc tqtakitrde nzrglqlzngr, X vzme arlapxq ninge mz mq enqmi rngeng.

Sam 68:34

Napipxku zmatq ngr Gct, kc tqaelwapx-ngrde mz dcbz, X mz nzaclve-krde nigu lr Israel.

Aposol 14:15

mz nzrpi-krbzlr kx, “?Memule tqale-ngrnamu bagr da lc, kx ncblo lcng? Ninegr ye ncblo, leplz kx apule nimu! Mnc-ngrgr mrka napipxbzkr bamu Nrpakxmrlz, murde naesablqtiamu nzangio-krmu da lcng tqwz-ngrnamu, x na-angioamu Gct kc tqlu tqmnc zvz, krkc tqwz-ngrde bongavz, nrlc, prla x da amrlx kcng tzyrlwrpxmqng elr.

Aposol 17:24

Gct kc tqwz-ngrde nrlc x bongavz x da amrlx kcng tzyrlwrpxmqng elr, ni-kzde King kx aclvele doa x da amrlx. Trmncu mz makxtr kx wzngr ncblo.

Efiszs 3:9

X Gct kc tqwz-ngrde doa x da amrlx, yrlq-kaile drtwr mzli kc bqnc x yrlq-kapqle krlzmle mzli ka. X suti drtwrde kx nayokaetipxpebo mz leplz, kx mzli ka sc tqvzpe nzatutr-krde drtwr lc.

Hibru 1:10

Rpi-mopwz Gct mz Mrlxde kx, “Mzli kc mz noude wz-ngrn nrlc, bongavz, x dalrdeng amrlx.

Hibru 1:2

A' mzli ka, mz nzaenzli-krgu nzatubqtikr Gct da amrlx, ycmne-angidrpe-kzp bagu mz nzatwzlr-krmle Mrlxde, Jiszs Kxnzmcpx. Mz nide, dekc tqwz-ngrde nrlc x doa x da amrlx elr. X yrlqle da amrlx mz nzngisckr Jiszs x doa amrlx mz nzmnclz-krbzlr mz zmatq ngrde.

Nzaelwapxngr 1:6

X ata-lxblrtrle nigu mz dzbede kc esz', murde nawztrpzku mz Gct Trtede, kc tqngi King rgu, mz nzngini-krgu pris nedeng. Takitrde nzglqlz-zvzngr nide mz nzetukr zmatq ngrde, kc tqvzpe tqvzpe. Eu, angida.

Nzaelwapxngr 10:6

X esalz-ngrde drtq Gct kc nzlu-krde tqyc tqyc, x tqwz-ngrde bongavz, drtc', prla, x da kznikeng amrlx ycpxmqng elr. X sc tqrpipe enjrl lcde kx, “Mzli r nzaenzlingr yrkrpxpe.

Nzaelwapxngr 14:7

X rpibzle mz nate kxetu mz leplz amrlx kx, “Amrlueamu Gct x glqpxamu nide, murde mzli r nzayzlu-krbzle da mz leplz dekape. Mzli lc sa nakabzle da kxmrlzting mz leplz kcng tztubq-esz'ngrng x sa na-ayrplapxle leplz kcng tzpxtxpx-ngrdr nzyrlq-angidr-krdr natqde. Mz nzmu-krde lcde, na-angioamu Gct kc tqwz-ngrde bongavz, drtc', prla, x aulzng.”

Nzaelwapxngr 19:1

Mz nibr nzodatingr Bxbilon, xlrx nzmalqkr zbo ngr leplz kxetu Heven. Nzrpilr kx, “Awi Yawe! Naglqpxku Gct rgu kc tqngi nou nzrlapxngr, tqrngiscde zluli x zmatq.

Nzaelwapxngr 5:12

X natr kc tqetupe mz nzngrngr kx, “Nimq Nei Sip kc tznibq, X takitrde nim Nzrpipxngr zmatq ngrmq, Nzkrlz-angidr-krm, Kx nim angidr bcnyr, x xplr-esz'ngrn. X takitrde nim kz Nzrglqlzngr, nzangiongr, X nzrglqpxngr zvz.”

Nzaelwapxngr 5:2

X mcx kc enjrl kx matq-esz'ngr, x sc tqetumipe nate nzrpi-krde kx, “?Neke takitrde nzrniglcngr kadol lcng rlimz murde nakawxpxle skrol lc?”

Nzaelwapxngr 5:9

Zbz sc tzngr-ngrdr kc nabz kxmrna, mz nzrpi-krdr kx, “Nipem ncblo kx rtwz skrol la, X takitrde nim, Nzrniglcngr kadol ngrdeng X nzrkawxpx-kzngr. Nim blz kx nznibqng. Mepyr ngrm yrleo. Xpetrle leplz neng Gct. Leplz lcng nzprpxmqng mz nou, natq, drtc', x Neidu amrlx mz nrlc. “Nim kx rvzmimqng leplz lcng amrlx, Nidr kxnzprpxmqng Mz nou, natq, x neidu, x drtc' amrlx Mrka mz nrlc tulvzo, Murde nangini-ngrdr Pris neng Gct rgu, Mz nzwztr-krbzlr bade. X nidr kx na-aclveng ncdr mz nrlc, Mz nrlc tulvzo, eu.”