Nzaelwapxngr 16:2 - Natqgu

² Enjrl kc kai vz x puliole baol scde mz nrlc. X kxsqki kxtrka apule naasake x nranrpqdo dwatibzle leplz kcng tztwzlr rkx ngr Mrlx Kc Tqdrka'ngr, nzangiolr mqngrde.

Nzaelwapxngr 16:2 Iomraidhean Croise

Sam 78:26

X mz zmatq ngrde kz Sc tqawqpele nenq tonga x trlaki.

Aposol 12:23

Mzli kcpwz kzdq enjrl ne Gct ayagoxtx-pnzle nide, murde nzglqpx-lzbq-krde, x tr-rpwa'-ngrpwzleu mz leplz kcng nzangio-krdr nide. Mz zyagox lc Herot ngqtx be x mz nibr kzdung zbq sc tqbzpe.

Nzaelwapxngr 13:12

Mrlx Kc Tqdrka'ngr lc tutrpz mz krkc kai x zmatq ngrde apupwzle zmatq ngr krkc kai. X rtulrtr-ngrbzle mz lr nrlc amrlx nzangio-krdr Mrlx Kc Tqdrka'ngr kc kai tqyctrngr bzmr kxsqki.

Nzaelwapxngr 14:16

Zbz mrlx kc tqwxbuom mz dcbz yrlqbzle toki kxka scde mz nrlc, x leplz kxnztubqng amrlx nzyrlwrtr-lxblr-pnzng.

Nzaelwapxngr 14:9

X mc-moux kc enjrl kratq lvcm mz nibr krkcng nzling. X etumi nate nzrpi-krde kx, “Doa kx angiole Mrlx Kc Tqdrka'ngr kc kai x mqngrde kc tzlz x nzyrtr-kzpz mz rtrlrmzte o mz mqde kxrtc rkx ngrde, sa na-ayrplapx Gct mz nztutr-krbzlr mz Nei Sip badr enjrl kxnzmatqng. Zngya ngr drtwrde sa naxplr-esz'ngr mz nzayrplapx-krde leplz lcng. Sa na-aetqti-zlwzbzle drtqdr x sa naodati-atwrnr-ngrng mz nyr kxpq-esz'ngr ngr rplz salfz kxngc.

Nzaelwapxngr 16:1

Zbz xlrx kc natq Gct kx xplr Mrkc Tqtr, rpibzle mz enjrl kcng rlimz kx, “Vzamu, x odati-atwrnr-ngrnamu dalr nrlc mz zngya ngr drtwrnge, na-apule baol ngr lue kxpq kc tzpulilvztiongr da, x blo atwrnrngr.”

Nzaelwapxngr 16:11

X sc tzpibqti-zlwzpelr Gct kc Heven mz nzetqkr drtqdr x kxsqki rdr, a' nzpxtxpx-ngrdr nzesakingr nzalengr alwx.

Nzaelwapxngr 8:7

Mzli kc enjrl kc kai tqvxutrle kc trpu nede, muli-aes x nyr rlxlvzmi mepyr nzrtco-ngrm mz drtc' apule tewa kxdc. Mz nzmu-krde lcde, nctq drtc' kxetu, vzmi nounc x nabr yrkrtxo mz nyr amrlx.