Nzaelwapxngr 15:3 - Natqgu

^3-4 X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”

Nzaelwapxngr 15:3 Iomraidhean Croise

Sam 100:5

Murde Yawe mrlz-esz'ngr. X aodule nigu mz nzatutr-zvz-krde natqde.

Sam 105:5

Vzpxmgu mz nqvi lr Ebraam, kxnzawz ne Yawe, X nqvi lr Jekop kc tqmcpxle. Delc nadcpx zvz mz drtwrgu rkx kcng tqmatq tqaleleng, X nztubqkr nqmq krde.

Sam 111:2

Clvele nrlc x da kcng tqwz-ngrde, tqaletileng nzmyalzng. Delc, leplz amrlx na-aotingr drtwrdr da lcng mz nzabrtzlvz-krdrleng.

Sam 111:7

Okatrle nidr mz nzaclve-krdeng kxtubq. Prlxpx-zvzle da angidr x nzrsakrlrngr.

Sam 145:17

Vz zvz nzale-krm da kx tubq-esz'ngr, X aelwapx-zvzq nivz lrm mz da amrlx kcng tqaleq.

Sam 145:6

Gct, sa nayapwxtipx leplz da kxnzkctipxng kcng tqwz-ngrn. X sa napipxx nzmyalz-esz'ngr-krm.

Sam 18:30

Nqmq kr Yawe tubq-esz'ngr, x natqde ngi da angidr zvz. X nginibzle lrpalvc nyzdr krkcng tzrlatrpzng bade.

Sam 92:5

Yawe, nzwz-krmqng matq-esz'ngr, X nqmq nr drtwrm vzo zlwz la.

Sam 99:4

King kc tqrninr, mrlz-zvzbz bam da kxmrlz. Delc nzaclve-zvz-krm nigr tqtubq-zvz-ngrde x rsakrlrngr.

Nrpakxmrlz Kx Yr Jon 1:17

Murde Gct kamle bagr Loukxtr scde mz Mosis. A' da kx myapx-esz'ngr, nzrka-krmle bagu zmrlz ngrde kxmyalz x nzangidati-krde da mz Jiszs Kxnzmcpx.

1 Timoti 1:17

Mz nzngini-krde King, Kx lu zvz, trnzmcu, Nide txpwz Gct, Naglqlz-zvzku, X na-angio-zvzku nide. Eu! Naglqlzku nide, Na-angioku nide. Eu!

Hibru 3:5

Mosis atutrle nzwz-krde mz nzwztr-krbzle mz lr ma nyz Gct. X trngiu kxetu, a' nide txpwz kxnzawz. X nzwz-krde lc ngi rkx ngr nzwzkr Jiszs kalr, kc tqplzpx-kaile da kc napibz Gct mz leplz nedeng mz nibrde, mz nzycmnetr-krde Jiszs.

Nzaelwapxngr 1:8

Rpi Yawe kx, “Ninge Gct kc tqrninr, kc tqmnc mzli ka, x tqmnc zvz, x sa navzm. Ninge nou da amrlx x kx ayrkrpx da amrlx.”

Nzaelwapxngr 11:17

Nzrpilr kx, “Kxetu rgr, Gct kc tqrninr, Kc tqmnc mzli ka, X tqmnc pnz. Awi-ngrbzkr bam, Nztwzpe-krm zmatq ngrm, X nipem King r nrlc ka. A' lr mrkzbleng ngyati Drtwrdr nimq murde Nzkaputr-krm mzli r nzayzlu-krbzme Da mz leplz kxnzbzpeng. “X mzli r nzrka-krbzme Da kxmrlz mz profet Kcng tzwztrpzng bam, badr leplz nemqng Amrlx kcng tzamrluelr nim, Kxmule-esz' kxnzetung o leplz txneng. X krlzpe-kzpzle mzlir Nzrmilxtxo-krm Krkcng tznibqtilr Leplz nemqng mz nrlc ka.”

Nzaelwapxngr 14:3

Leplz kcng siu-trtqki-esz'-nzpnu-pwx-nrade-pwx (144,000) nzngr-ngrdr kc nabz kxmrna mrkc tqlxlvrkipx Gct, badr kxnzlung kcng pwx, x kxnzaclveng kcng nzpnu-li-nrade-pwx (24). Nabz lc tzngr-ngrdr trpnz-moungr kx ryatitr nzrngrngr, a' ngi txpwz krkcng tzxpetrpeng mz lr nrlc.

Nzaelwapxngr 14:8

Zbz mc-moux kc enjrl krali lvc-nqblqmle enjrl kc kai, x rpile kx, “Taon kc etu, apule Bxbilon kc bqnc, kc tqrngisc zmatq kx xplr, tzmilxtxo. Nzmnckr lr Bxbilon trka. X nzangio-krdr drka' apule nzabeati-krdr nzrmwimingr, murde trnzngida-zpwxung mz nzangio-krdr Gct angidr. Leplz mz nrlc tulvzo nzaxvctr-lzbqbzng mz alwx ngrdr x opxm kx alukurnr-ngrng waen. Mz nzmu-krde lcde, Gct sa na-ayrplapxle leplz lcng amrlx.”

Nzaelwapxngr 17:14

X sa nartwzng vea badr Nei Sip x leplz nedeng. Leplz nede lcng tqkqleleng x tqmcpxleng x nzvz-nqblq-zvzlr nide. X Nei Sip lc sa na-aovxiole Mrlx Kc Tqdrka'ngr x king kcng, murde nide Kxetu r kxnzetung amrlx, x King r king amrlx.”

Nzaelwapxngr 19:16

X nzyrtr mz nzkq scde mrkc tqyc-zbztr dcdrade, drtq lcde sele: King r king amrlx x Kxetu r kxnzetung amrlx.

Nzaelwapxngr 19:2

Murde drtwr kcng tqyrlqpeq rsakrlrngr x tubq zvz. X ayrplapx-ngrde srlx kc nzrbatr-krbzle mz lr nrlc nzprszpx-krdr Gct angidr, x sc tqayzlubzle bade mz nzvz-nqblq-krde nibqti-krde kxnzawz nedeng.

Nzaelwapxngr 4:8

Kxnzlung lcng pwx nabxdr esz'mz lxblr, x nrkrdrtqdr yrlwr-ngalelvz mztr x wai-kzle nabz nabxdrng. Nzglqlzlr x nzangiolr x nzawibzng mz Kxetu kc tqwxbuom mz tron, tqlu-zvzpe. X mz nrlckxngrlx x mz nrlckxbq tresakiu nzngr-krdr kx, “Yawe, Gct kc tqrninr, Drtqmq tr-esz'ngr. Nimq kc tqmnc mzli ka, X tqmnc zvz, x sa navzm.” X mzli lcdepwz, kxnzaclveng kcng nzpnu-li-nrade-pwx nzrweobzng zpr mz Kxetu kc tqwxbuom mz tron, tqlu-zvzpe. Nzkaobzlr kraon ngr nardr mrkc tqlxlvrkipx tron, x sc tzngrpeng.